الموضوع: ياشباب الخبره تكفون تكفون مساعدة بالمشروع

بالنسبة لمكينة الـ LS1 , هذي مكينة الكابريس و اللومينا الـ V8 من سنة 2000 إلى 2006 , مكاين التورك فيها مرة جبار , لا تطالع في قوة الأحصنة و عددها , شوف التورك و تعال احكم وقتها ;) .

سائل عنها بنفسي و لو إني ما أتسرعت في بيع سيارتي :( , و فكرت شويتين و صلحتها بقطع لومينا كانت طلعت بربع التكلفة . و المكينة جاهزة و راكبة عليها , و تصير الأكورد دفع خلفي و أكيد لازم دفرنس 373 و أتفرج على أنواع الدريفتات و التسارع الجبار .
و للعلم أنا قلت 20.000 لريال لأني كنت بركب قير عادي حق الـ SS كوبيه اللومينا , لكن بالقير الأوتو تكلفك 17.000 ريال بس , و إذا ركبت أوتو تحتاج تركب مبرد لزيت القير عشان لا يسخن معاك و يفلت عليك :p , و صدقني ..... نزل عليها خفايف بس و برمجها و تصير عندك سيارة دمار , و أقرصلها شوية في لفة و أدعيلي " بس لا تسويها إلا إذا إنك طارة و قلبك جامد عشان ما راح يوقف السيارة إلا عمود النور " :p .

المشروع جامد و قوي و يا سلام لو نزل على السيارة قطع حلوة كدا .... إنتيك K&N , ثروتل بدي BBK , هيدرز و إكزوست MagnaFlow , ثلاجة Fast , بكرة SLP , سيستم كامل MSD , طرمبة بنزين رياضية , Fuel Regulator , دفرنس رياضي 373 , كامات شيتر أو كومب و رؤوس ..... و أكيد أحلى برمجة عند محمد فريد و لا أشتري الهايبرتيك و برمج تحت البيت .
أتوقع السيارة بتدخل في بحر الـ 400 على الويل بالراحة , هذا إذا ما زاد عن 400 على الويل .

تراه مشروع جامد و إنشالله بأحصل أكورد مستخدمة لو ماشية مليون و مدمرة و أنزل عليها هذي المكينة بالشغل الخفيف و البرمجة , يصير عندي سيارتين , وحدة LS1 و الثانية LS2 . و دعـــــــس :d .
و مستقبلا راح يكون فيه مشروع Custom Twin Turbo و راح يكون شي خطير لو على 10 PSI و مسحة بسيطة على البساتم و تدبيل سست و تغير اشنابر و تعال شوف السيارة مستواها وين بيوصل .

أتوقع تقدر تحط راسك بالسيارات الإيطالية لو صار ذا المشروع .

i-vtec2005 :
إذا إن معاك سيارة ثانية غيرها , أو حتى بس نفس السيارة . لا تشيل هم التعديل في الشاصيه لأنه بيزبط , كلها شوية قصقصة و تلحيم تحت المكينة و تعديل شوية حاجات , إذا الرجال فنان و شغله أوكي فإنشالله إنت 100% .
الهرجة كلها في الدفرنس و تحويل الدفع بس , إذا زبط فإنت في السليم , و للعلم سعر المكينة في التشاليح مع الدرفنس و الظفيرة و القير و العفش إللي تحت كلو بـ 12.000 ريال , الباقي داخل في القطع إللي داخل الكبوت مثل الكويلات و علبة الفيوز و الرديتر ..... إلخ .

و للعلم ... في جدة في سوبارو ليجاسي الشكل الجديد موديل 2006 , مغير المكينة إلى LS1 و السيارة أوكيه معاه , و ماشالله منزل عليها هوائيات و مبرمج و السيارة عزمها ماشالله تبارك الله .... لا أحكيلك .

للمعلومية :
طبعا يا شباب , لا تعتقدوا إن المشروع دا سهل , تراه شي كبير و مجنون و ترى المشروع ذا لو منجد صار فهذا يعتبر إنجاز كبير , كبير بحق و الله , الشغل عليه مو سهل و متعب و يشيب شعر الراس , يمكن على خليط الهواء و البنزين في البرمجة تاخذ وقت ليت تعدل و توزن و تحصل على القوة إللي تبغاها في مقابل أمان القطع الداخلية للمحرك , ترى مشروع ابدا أبدا مو سهل و في نفس الوقت ابدا مليون مرة مهوب صاحي إللي راح يطبق ذا المشروع .

ترا و الله المشروع قوي و دعس إلين خلاص ... و إنتم و الله قلبتو المواجع .