الموضوع: فزعه ياشباب أكورد 2008 أسووووووووووووووووود

بسمه تعالى :

اللون الأسود حساس جدآ للغبار و الخدوش و يحتاج لعناية دائمة و أغلب الأعضاء أفادك بالإجابة الوافية كالتلميع الخارجي و التشميع للحفاظ على طبقة الطلاء من البهتان و الخدوش البسيطة مستقبلآ و الواجهة الأمامية بحاجة لوضع طبقة عازلة لحمايتها من تغلبات الأجواء الشديدة الحرارة و كذا الخدوش المترتبة بسبب الحصى و الرمل و الأغبرة المحملة بآثار مخلفات الطريق كالمواد المضرة التي تخلفها الشاحنات من ديزل و غازات مضرة تغير من تركيبة صبغ السيارة بالواجهة الأمامية إن كنت تقطع بها مسافات شاسعة و ذلك للحفاظ عليها بشكل أفضل و تأمين حالة أفضل للمركبة مستقبلآ عند التفكير بإعادة البيع --__--

اللون الرمادي الجديد يعتبر من أفخم و أفضل الألوان بعد اللون الأسود و يضعك بمصاف أصحاب السيارات النادرة و المميزة ^__^ مبارك مقدمآ و شكرآ.

الســلام عليكم ... أسمع أخــوي انا عندي لك طريقه تحـافض على لون أســود .. أول شي لا تغسل السيـاره إلا مــاي .. يعني لا تمسح السياره وعليهـا غبـار .. ولاهو ضروري سياره كل يوم نضيفـه .. يعني كل أربع أيام غســل مره بس .. وشغله ثــانيه في ملمع أسمه ( ميقاوير ) هو أنــواع فيه نـوع العلبه لونهـا أسود وعلى الجمب ألوان وعليه كتـابه حرف ( x ) هذا البولش أحسن مـا فيه مسحته سهلـه ولا فيه خوف لأني كنت ألمع سياره لونهـا أســود ... أحسن ما فيه هل الملمـع يوخر لك دواير الخدوش إلي تشوفهـا بكل لون أســود .. ولا راح يبين شي ولا يخرب عليك الـون .. راح تشوف السياره ما فيهـا ولا خدشه إلي شي بسيــــط لأنه أسود .. بس نسبه كبيـــــره بوية السياره مراح تكون فيهـا خدوش .. وشغله ثــانيه لمع سياره شهر مــره .. لأنه هل ملمع يترك طبقه حمــايه .. وأنصحك تشتريه قيمته يمكن 30 ريــال .. وهذا أحسن ملمع خاصه لون أسود .. لأنه ملمعـات ثـانيه راح تخرب عليك لـون سياره .. ومحلات تلميع تلمع لك سياره ( مكينه ) وع الاسـود راح يبان عليهـا تمويج .. يعني لا تلمح لون أسود إلا يدوي ! .. وأتمنى أفتـك

طيب اللون الذهبي كيف مثل الاسود

يرجال انا طلعت سيارتي من الوكاله و من طلعتها فيها خدوش غير مادري اش الحجر الي ضربها وسبب حفره في الوجهيه

والله ياشبا انا بريحكم
كل يوم كان أخوي يناظر السياره فيها خدزش والا لا
واخر شي زهق كل يوم يلاقي شي لين ماتعب وخلاها على الله
عشان كذا لاتوجع راسك ولاهم

ياريت يا مشرف تغلق الموضوع شكرا

الله يعطيك خيرها ويصرف عنك شرها

اللون الأسود جنان بس ما ينفع عندنا أبدا لكثرة البنقاله الغسالين يحكوا فيها إلين ما يشيلوا البوية على بالهم نظفت

الون لاسود يبية لة بس تلاميع محترمة ومن النوع الزين ولاستمرار في التلايع ولا علية كلام
كان عندي لكزيس اسسسود الكل كان حاسدني علية كنت متفرغ وفاضي وكلة تلميع من مجرويلرز

دقيقه قبل لا يقفل الموضوع ........

بصراحة ماكان ودي أرد لأن كثرت مواضيع الألوان بالمنتدى بالرغم انه محد راح ياخذ الا على ذوقه ماراح يوافق على ذوق الغير .. ومو هذا ردي أو تعليقي ..

تعليقي .. انا معاي أكورد 2008 أسود وتقدروا تشوفوها بالتوقيع ..
ولله الحمد لا تلميع ولا خرابيط مجرد اني اغسلها بالمغسله فقط وبشامبو خاص يعني مو فيري .. ولا أحلى والسياره معاي من احسن مايمكن اللهم لك الحمد ..

ولو خيروني بأكورد جديده ثانيه والله مااغير عن الأسود .. تدرون ليش ؟؟؟؟

لأنه لون اخترته على ذوقي الشخصي ..

وانتوا نفس الشي كل واحد يكون له شخصيه ويختار لونه الشخصي على ذوقه ..

ويوفر مواضيع التعبير الي ممكن يكتبها عن لون سياره في شي أكثر فائده ..

وشكراً