والله كسرت خاطري يالاخطبوط ..
انا درت لك المواقع الامريكيه .. ولقيت لك كيف البرمجه للمفتاح .. واتوقع انه قريب من اللي قاله اخوي قبل بس فيه بعض الفروقات شوي
انا جبت لك الصوره نفسها حقت البرمجه .. وابي اترجمها لك وللجميع لعلكم تستفيدون منها
بعدين الزر الاحمر .. اللي هو البينك .. هذا ياطويل العمر علشان البوري .. اذا وقفت سيارتك في المواقف ولا تدري انت وين وقفت بالضبط .. تضغط الزر هذا وتبدى سيارتك تزاعق تقولك انا هنا لا عمرك تنسى وين انت موقف ..
ومثلكم عارفين المواقف بامريكا .. عادي تمشى نص كيلو علشان تاصل سيارتك من الزحمه
عموماً .. مالكم بالطويله .. انا بترجم الموجود وعليكم التطبيق ..
هي ١٥ خطوه علشان تقدر تبرمج المفتاح .. وان شاء الله اقدر ابسطها لكم علشان تكون واضحه

نبدى بسم الله ...
ملاحظه : يقولك من الضروري انك تتقيد بالوقت بين كل خطوه وخطوه لنجاح البرمجه , تاكد ان البيبان مقفله الكبوت مقفل والشنطه مقفله ..ومن اللي قريته وفهمته انك من يوم ماتحط المفتاح ماتطلعه لين تخلص من البرمجه كامله

الخطوات :

١- ضع مفتاح التشغيل في مكان وادره حتى اضائه الانوار .. الوضعيه II
٢- من ١ الى ٤ ثواني , افتح القفل عن طريق الريموت وبنفس الوقت عن طريق الباب .
٣- من ١ الى ٤ ثواني , ادر مفتاح التشغيل الى وضعيه الاطفاء
٤- من ١ الى ٤ ثواني , ادر مفتاح التشغيل الى وضعيه التشغيل .. الوضعيه II
٥- اعمل نفس خطوه رقم ٢ .. وهي افتح القفل عن طريق الريموت وبنفس الوقت عن طريق الباب .
٦- من ١ الى ٤ ثواني , ادر مفتاح التشغيل الى وضعيه الاطفاء .
٧- من ١ الى ٤ ثواني , ادر مفتاح التشغيل الى وضعيه التشغيل .. الوضعيه II
٨ - اعمل نفس خطوه رقم ٢ .. وهي افتح القفل عن طريق الريموت وبنفس الوقت عن طريق الباب
٩ - من ١ الى ٤ ثواني , ادر مفتاح التشغيل الى وضعيه الاطفاء .
.١ - من ١ الى ٤ ثواني , ادر متفاح التشغل على وضعيه التشغيل .. الوضعيه II
١١- اعمل نفس الخطوه رقم ٢ .. وهي افتح القفل عن طريق الريموت وبنفس الوقت عن طريق الباب .
١٢ - التاكيد بانك سوف تسمع صوت قفل الباب من ١ الى ٤ ثواني .. بعدها اضغط على مفتاح التشغيل مره قفل او مره فتح و الأ لن يستقبل الكود .
١٣- في غضون عشر ثواني الهدف منه تختار الكود اللي يعجبك ... للتخزين في مفتاح التشغيل بعدها اضغط زر القفل او الفتح في مفتاح التشغيل. وسوف يتم تاكيد المرحله هذه بسماع صوت كل كود في حدى .
١٤- ادر مفتاح التشغيل على وضعيه الاطفاء وبعدها اسحب المفتاح .
١٥- تاكد ان جميع ارسالتك سليمه .

ان شاء الله تكون الطريقه واضحه للجميع .. وتكون هي المطلوبه للبرمجه المفتاح
انا مابغيت احطه في موضوع خارجي لين تتجرب من احد الاعضاء ونشوف النتيجه

ارجو اني وفقت في سرد البرمجه وترجمتها وتبسيطها للجميع

وهذي نسخه الصوره حقت البرمجه للي يبي يطبعها ويطبقها بنفسه