الموضوع: لمن يريد مقياس درجة الحرارة الخارجية

سلام ياحلوييييييييييين

قبل امس شيكت على الفيوزات اللي ذكرها اخوي m.a.m

واللي لاحظته ان كل شي موصول 100% بالنسبه للكونكترات j4, n22,n28,x27

لكن اخوي M.A.M بأسألك الكونكتور D11 وين القاه تحت الفيوزات اللي في الكبوت واللا داخل السياره ؟؟ وهذي الصور اللي تثبت الشي هذا

بالنسبه للكونكتور J4

http://www.4zz.net/show.php?pic=161625


بالنسبه للكونكتور N22 لونه اخضر وفي الـ MANUAL يقول ازرق الظاهر انهم غلطانين

http://www.4zz.net/show.php?pic=161626

بالنسبه للكونكتور N28

http://www.4zz.net/show.php?pic=161627

واخيرا وليس آخرا X27

http://www.4zz.net/show.php?pic=161628

المهم ياشباب باقي نشيك على الكونكتور D11 بس انتظر الرد من M.A.M ونشوف

وبعدين فيه كونكتور مادري بس مشكوك في امره اللي هو T3 ؟؟;)

وبعدين فيه فيش شكله حلو والظاهر انه يلعب دور بس بانزل صوره بعدين انا الحين بالدوام

ياشباب انتظر الرد منكم باسررررررررررررع وقت تقدرون تكلموني على الجوال

0503780604

محبكم

ن ك د

اعذروني على التأخير ياشباب
ياسلام عليك يا ن ك د والله انك خطير ومبدع صراحة .. الله يعطيك الف عافية
وبالنسبة للكونكتر D فهو موجود ورا الكونكتر X وعدد فتحاته 17 فتحة يعني خلني احاول اوصل لاقرب توصيف .. اول ماتفتح الكيك بانل وتطلع لك الفيوزات بوجهك الكونكتر X يجيك في اقصى الزاوية اليسرى فوق والكونكتر D يكون بظهر الكونكتر X وعدد فتحاته 17 وهو الوحيد اللي فتحاته 17 .. ن ك د بالنسبة لـ N22 فالمفروض يكون أزرق فاتح وهذي تخلي عندنا احتمالين :
1- يااما لون السلك يختلف عن اللي في ال MANUAL لأن التسليكات اللي فيه خاصة بالتسليكات للاكورد الامريكية واحتمال يكون فيه اختلافات بسيطة جداً
2- احتمال تكون غلطان برقم الفتحة لأن ترا الكونكتر N انا شفته بالكاتالوج اللي عندي ودخت عاد وشلون لو اشوفه قدامي وبدون كاتالوج لأن فتحاته 45 فتحة وانا اذكر accord 06 شيك على الكونكترات التابعة لوحدة التحكم بالمناخ وطبعاً هي فيها كونكترين A و B واللي يهمنا هنا هو الـ B14 لأن كما هو موضح في الدائرة B14===>N22 وaccord 06 شيك على الـB14 ولقى لونه ازرق .. يعني على مااظن انه المفروض يطلع عندك لونه ازرق فاتح LT BLU = LIGHT BLUE
والله يعطيك الف عافية وبانتظار نتائجك

وبالنسبة للاختبار اللي حطه accord 06 فهذا واحد من الاختبارات اللي خلتني اصمم اني اطلع المقياس بالاكورد لأني أحس ان الموضوع تافه وسبق وجربت الاختبار لكن كنت مستغرب انهم كاتبين في الرموز Ambient Temperature .. بس أنا صراحة ماكنت اعرف ان المقصود بالـ Ambient هي نفسها الـOutside Temperature وكنت شاك ومحتار صراحة لكن الحين تأكدت يوم حطها accord 06 وقلت خلني اتأكد زيادة وفصلت الحساس ويوم شغلت الاختبار طلع لي Er
والله يعطيك العافية يا accord 06
وإن شاء الله هانت ياشباب

تحياتي وتقديري للجميع

متابع معاكم

وتم اضافة الموضوع للمواضيع المميزة في صفحة المنتدى الرئيسة

والله كيف ودي اشاركم معاكم لكن انامالي يالهشغلات ان حطيت يدي ( جبت العيد ) خخخخخ صدقوني اني متابع الموضوع اول باول وادعوا لكم اننا نوصل لحل واكسر راس خواينني ( راعين التيما و الكامري وغريها... ) ... بالتوفيق انشاء الله

والله سجلت بالمنتدى بخصوص هالموضوع

وان شاء الله تشوفون وسيلة نطلع درجة الحرار


وبعدين راح نكتشف الذرة :d

سلملم ياحلوين كيفكم

معليش على التأخير لكن كانت سيارتي في الوكاله صيانة 120000كلم <<< قولوا ماشاء الله :d

والحين مطر وسيول ومايمديني اسوي شي لكن شكلي بأقط في كراج بيت واحد من العيال:d وابدأ اشتغل لكن لا تخافون ان شاء الله اليوم والخبر عندكم

والله انا متابع الموضوع من اوله الى اخر رد

كل رد قاريه حرف حرف

وكل يوم اتحمس زياده

وخصوصن بعد طريقة التأكد من وجود الحساااس

وواتمنى من كل قلبي اني اساعدكم

لكن للاسف مالي في ذا الاشياااء

وعندي سؤال صغير

واي هو اذا سويت الحركه هذي يطلع لي الى 9

وشي ذا الاشياااء الي من 1 الى 9..؟

ويعطيكم الف عافيه...

اخوي اكورد لؤلؤي طلبك تجده في هذا الرابط صفحة 5
http://www.driveaccord.net/forums/at...achmentid=6887

اخوي accord 06 انا اتذكر انك شيكت على الكونكترات حقت وحدة التحكم بالمناخ واللي هي الكونكتر A12 بس ماادري اذا شيكت على الـB14 اللي هو طبعاً سلك الـ B-CAN واللي لونه LT BLU .. رد لي خبر وياليت اي احد يقدر يشيك يرد لنا خبر
وعلى فكرة بعض الشباب يتساءل اذا كان حساس الشمس موصل والجواب : نعم موصل والدليل جرب الاختبار ولاحظ رقم 3 هي القراءة الخاصة بحساس الشمس وهي ليست بالمئوي ولكنها بوحدة غريبة واذا بغيت تشوفها تحصلها بالجدول في صفحة 5 من الرابط اللي فوق اللي تكرم بوضعه accord 06 وبانتظار تفاعل الشباب مع الموضوع
وبانتظارك يا ن ك د .. واااه ليتني اعرف افكك مضبوط والله ان تشوف سيارتي قطعة قطعة

تحياتي وتقديري للجميع

هذي الصوره

اقول اخوي M.A.M بالـ etm
ما فيه طرق فحص المشاكل للاجهزه مثل فحص و حدة التحكم ؟
اذا فيه شي للطبلون اتوقع بيفيدنا

سلملم ياحلوين

او كي قايز بالنسبه للD11 لقيته موصول هذا اول شي



ثاني شي M.A.M السلك N22 لونه اخضر وليس ازرق مثل ماهو مكتوب في الManual
بصراحه شي

طيب وش رايكم ياشباب نسوي مثل ماقال الاخ تركي ونبدأ مع طريقة التركيب خطوه خطوه ؟؟

ممتاز يعني الـ B14 واصل مضبوط ورايح لـ N22 والظاهر هذا اللون اللي كنه أخضر هو الـ LT BL .. بانتظار ن ك د يشوف اذا كان نفس لون السلك الواصل الى الفتحة N22 واذا كان نفس اللون فمعناها ان السلك موصل من الـ climate control unit الى الكونكتر N وبعدين رايح سلك من N28 الى الفتحة رقم 31 في فيش الطبلون بالنسبة لموديل 2006 اما في 2005 وتحت الفتحة رقم 25
N22====>31 موديل 2006 فما فوق
N22====>25 موديل 2003-2005
وبانتظار ن ك د يشيك على الكونكتر D11 وبعدها لي ملاحظة راح اقولها ان شاء الله بخصوص اللي صار لخطاف لأن فيه كونكتر راح اتكلم عنه احس ان له دخل باللي صار لخطاف لكن بعد مايشوف ن ك د الكونكترD11

اخوي accord 06 بالنسبة للـ ETM فهو للأسف مافيه اي طرق فحص ابداً ومحتوياته :
1- الدوائر الالكترونية والكهربائية
2- الكونكترات ومداخلها
3- صور توضيحية لمواقع القطع الالكترونية والكونكترات
4- اسلاك السيارة بالكامل وتمديداتها
وماشاء الله عليك الصورة صراحة 100% وتوضح كل شي .. الله يعطيك العافية

وان شاء الله انها هانت ياشباب بس نبي همتكم واللي يقدر يساعد لو بسؤال خبير او مهندس او معرفة في الوكالة لايقصر علينا وان شاء الله راح نفرح بالمقياس عن قريب باذن الله
تحياتي وتقديري للجميع

تم الرد يا M.A.M

شوف ردي قبل ردك :o

ياشباب هذي التسليكات من اول وجديد اللي حاب يتعمق
http://www.driveaccord.net/forums/at...achmentid=6456
http://www.driveaccord.net/forums/at...achmentid=6457
http://www.driveaccord.net/forums/at...achmentid=6458
http://www.driveaccord.net/forums/at...achmentid=6459
http://www.driveaccord.net/forums/at...achmentid=6460
http://www.driveaccord.net/forums/at...achmentid=6461
http://www.driveaccord.net/forums/at...achmentid=6462
http://www.driveaccord.net/forums/at...achmentid=6463
http://www.driveaccord.net/forums/at...achmentid=6464
http://www.driveaccord.net/forums/at...achmentid=6465

اخوي ن ك د كويس على كذا باقي لنا نتفحص بعض الأجزاء الباقية من هذه الدائرة الالكترونية
http://www.driveaccord.net/forums/at...achmentid=6499
واعتقد ان المهم في الموضوع هو هذا الجزء D11====>I7
فلازم نتأكد من الكونكتر I الفتحة رقم 7 وراح يكون واصلها سلك ازرق قادم من الـ D11 وفي حالة كان موصل كل شي تمام فمعناها ان العلة تكمن في ال MICU أو ان هناك نظام معين يحظر وصول الاشارة الى الطبلون .. وهذي نبغى محمد (922) بحكم خبرته في هالأمور يقول لنا هل فيه قطعة او شي معين يحظر عمل احد الاسلاك الخارجة من بعض الكونكترات ؟ او فيوز معين يتم تركيبه او فصله يقوم بهذا العمل ؟

تحياتي وتقديري للجميع

المشاركة الأصلية كتبت بواسطة M.A.M

في ال MICU أو ان هناك نظام معين يحظر وصول الاشارة الى الطبلون .. وهذي نبغى محمد (922) بحكم خبرته في هالأمور يقول لنا هل فيه قطعة او شي معين يحظر عمل احد الاسلاك الخارجة من بعض الكونكترات ؟ او فيوز معين يتم تركيبه او فصله يقوم بهذا العمل ؟

نعم
لو كان فيه دايود ممكن يوقف الكهرباء او الاشارة

طيب انا عندي سؤال

لو ركبت طبلون 6 سلندر في سيارة 4 سلندر بتطلع درجة الحرارة والا لا ؟

الف شكر لنكد على التجربة واللى افادت الموضوع ..

المشاركة الأصلية كتبت بواسطة 922

نعم
لو كان فيه دايود ممكن يوقف الكهرباء او الاشارة

طيب انا عندي سؤال

لو ركبت طبلون 6 سلندر في سيارة 4 سلندر بتطلع درجة الحرارة والا لا ؟

طلعت الرد هذا من تحت الارض !! صفحة 10 لاتروحون بعيد

كلامي صحيح الاشارة توقف في طبلون 4 سلندر بدايود او بالاصل القطعة المترجمة للاشارة غير موجودة

طبعا فيه مشكله ان بعض الإشارات معلقه في الطبلون بس شكلي بأشتري طبلون وكاله

معنها في اختلاف في التسليك فماراح يناسب 4 سلندر

الى الان لم تحل المشكلة بالكامل .. لكن تم التأكد من وصول الاشارة للطبلون

ابشركم سويت انجاز اليوم وبدون نكبات كما هي العادة
اليوم شيكت على الكونكتر I7 اللي تحت الفيوزات اللي في الكبوت وبرضو واصل لها السلك الازرق اللي جاي من D11 اللي عند صندوق الفيوزات واللي شيك عليه ن ك د وحصل السلك الازرق منطلق منه مدري جاي له لاتسألوني ليش ضحكت لأني مدري
وتوقعي ان الـ MICU له دخل بالسالفة
MICU = Multiplex Integrated Control Unit
ومشكور يامحمد على الاجابة واحس ان السالفة فيها شيء من هذا القبيل
وتوقعي لو نركب طبلون 6 سلندر في 4 سلندر ماراح تطلع لكن لو تسوي العكس وتركب طبلون 4 سلندر في 6 سلندر راح يشتغل المقياس .. هذا توقعي والله أعلم
لذلك انا ودي بمحل تأجير عنده ACCORD V6 علشان استأجرها واحاول اشوف وش السالفة
فاذا احد يعرف محل يأجر في الرياض تكفون دلوني عليه

ياشباب همتكم احس ان السالفة سهلة مرة وانا ماخلاني اصمم الا اللي صار لخطاف الله يهديه علقنا ومشى وايضاً ان الحساس مشبوك بجميع توصيلاته ويعطي قراءة لكن المشكلة ان هالقراءة ماتوصل للطبلون .. وش اقتراحاتكم ياشباب ؟؟

وياشباب اي احد يبغى ياخذ مني الـ ETM ويشوف وش اللي ناقص ويحاول منا ولا منا يقول لي واواعده علشان اعطيه الـ ETM واي احد يبي دائرة كهربائية يقول لي وانا حاظر للطيبين

تحياتي وتقديري للجميع

حصلت روابط احس انها مهمة جداً لو عرفنا لها زين وهي للمبدعة princess من منتدى driveaccord وصدقوني ياشباب شوفوا مشاركاتها والله تستفيدون منها أشياء كثير خصوصاً اذا كان الانجليزي ماشي حاله معاك

http://www.driveaccord.net/forums/sh...0&postcount=41
http://www.driveaccord.net/forums/sh...3&postcount=42

اخوي M.A.M تقدر تحدد وش الـ MICU بالضبط ؟
هل هو الجهاز كامل اللي تشبك فيه الكونيكترات و الفيوز مثل الصوره ؟

عشان اشوف اذا فيه اختلاف برقم القطعه بين الـ 4 و 6 سلندر




اخوي 922
الاسلاك اللي توصل درجة الحراره للطبلون ( 31 > 2006- 2007 ) ( 25 > 2003-2005 )

كيف افحص هذي الاسلاك عشان اتأكد انها توصل الاشاره للطبلون ؟

لو صارت الاشاره واصله فأكيد ان المشكله من الطبلون

هلا بالشباب

هالهندي ماطلعت منه الا بقولة قارن بين تسليك ال 6 سلندر وال 4 وشوف وش ناقص وانا

اجيب لك القطعة !

من ناحية وجود شي يمنع وصول الاشارة مااعتقد بس اللي اعتقده انه شي بسيط ناقص

والحل والله اعلم انه بيجي على يد accord 06 او على يد M.A.M

بس هي مسألة وقت .

ليش ماتجربون مراسلة شركة هوندا اليابان وتطلبوا حل سريع

السلام عليكم

تستخدم جهاز Multimeter

تحصله في ساكو او في شارع الثميري في الديرة او في شارع الريل ..

قيمته 45 ريال بالكثير ويقيس لك الكهرباء AC او DC والمقاومة الخ ومفيد جداً لكم

التوصيلات انا متاكد 80 % انها نفس 6 سلندر
الفرق بالطبلون
اقل شى تلاحظ وجود مؤشر التراكشن في 6 سلندر عكس 4 سلندر
معناها الطبلون يختلف اكيد

اكاد اجزم 40 % بوجود دايود في بورد الطبلون يمنع ظهور درجة الحرارة واللى حصل لخطاف
انه احترق الدايود وطلعت مؤشر الحرارة خصوصاُ انه يقول لاعب في الفيوز

اذا لازم نقطع الشك باليقين بتجربة طبلون 6 سلندر او حتى استخدام طبلون امريكي من Ebay


تحياتي
محمد

يعطيك العافيه محمد

انا فريت كل التشليح و ما حصلت الا اكورد وحده 6 سلندر موديل 2004

يعني الطبلون ما يركب الا على 2003 - 2005

فاذا احد من الاخوان بيروح يجرب و يرد لنا و ان ضبط بياخذه له بسعر رخيص

المحل على شارع التشليح الرئيسي على اليسار اعتقد اسمه التويجري

عموما اللي بيروح يراسلني على الخاص و اوصف له مضبوط