الموضوع: لمن يريد مقياس درجة الحرارة الخارجية

تسجيل متابعة فقط لا غير
<< مسوي زحمة مع خويااه اننا بنطلع درجة الحرارة في الفل كامل اربعه سلندر
يالله شباااب شدوا الهمة
واثني بصراحه على جهدكم المبذول في انجاح هذا المنتدى المتكامل من خلال المواضيع القيمة التي يكتبها عبااااقرة ان صح التعبير ويعتبر هذا الوصف قليل في حقهم فإلى الامام يااا أبطال
هذا سانشيرو البطل المغواااار <<< سلامات يبو عسى ماشر

ويعطيكم الف عافية

انا متابع معاكم اول باول ياشباب وانتو قدها وقدوود ....

ودي اكتشف معاكم (( لكن ما باليد حيله لاني لو حاوست باخرب السياره :d ))

خلاص ياشباب الحين 99% العلة من الطبلون .. طبلون الV6 يختلف عن طبلون ال4 سلندر والدليل الصور اللي حطوها الاخوين MANO و no_more لطبلونات سياراتهم الV6 وكانت كلمة OUTSIDE طالعة عندهم اما عندنا اصحاب ال4 سلندر فل كامل ماتطلع الكلمة :(
وهذا الرابط لصورة طبلون الاخ no_more بعد اذنه وتظهر فيه الكلمة بوضوح
http://up4vip.com/get-1170259844.jpg
انا للاسف مااقدر اجرب طبلون V6 لاني مااعرف احد معه V6 ولااعرف محل يأجر V6 ولا كان جربت اركب طبلون V6 على سيارتي .. لذلك اللي يعرف محل يأجر V6 يدلنا عليه واللي يعرف احد معه V6 ويمون عليه يستأذن منه ويركب طبلون ال V6 على سيارته ويجرب ويرد لنا خبر وان شاء الله الامور هانت وانا اتوقع خلال هالعطلة راح نشغله
ذبحتني التوقعات كل عطلة اقول بيشتغل ههههه .. انواع التفاؤل لكن ان شاء الله هالعطلة الوضع يختلف لانه خلاص الامور كل مالها وتوضح اكثر .. بس ننتظر احد من الشباب يجرب ويعطينا العلم وانا صدقوني ياشباب مااقدر اجرب ولو اقدر صدقوني ماراح ابخل عليكم وصدقوني اني فكيت الطبلون وتعلمت كيف افكه رغم ان ماعندي طبلون V6 ومااقدر ادبر ومع ذلك فكيته علشان اكون جاهز لو توفر طبلون ال V6
وان شاء الله خلوها تخلص الاختبارات واتوقع ان شاء الله يتفرغون الشباب ويجربون على راحتهم وانا بعد ابتفرغ معهم واحاول ادبر طبلون V6

واشكر جميع من شارك في هذا الموضوع واثراه بمعلومات مفيدة وتجارب مفيدة
واشكر جميع من يتابع الموضوع ويهتم فيه ويدعمنا ولو معنوياً
والله يعطيكم العافية ياشباب
وتحياتي وتقديري للجميع

بصراحه acoord 06 والله مبدع شكل عبدالله هاشم بيحتكرك خخخخخخخخ

يله شد الهمه والله ااني مقهووور التكسي يطالع الحراره وانا ما اطالعهااا:(

مراااااااااااااااحب


انا اتوقع ان كل شي مجهز بس الحساس نفسه مو موجود مجرد احتمااال
والغريب ان الشاشه حقت العداد تطلع فيها كلمت أوت سايد وفترة بقاء الزيت
احنا لو سالنا الوكاله مراح يفيدونا او يمكن مفصول عن طريق برمجه بالكمبيوتر
انا اتوقع الحل بالكويت او الامارات

هذا الموضوع بحد ذاته فخر لنا، لوجود نخبة من الأعضاء كالعزيز M.A.M الذي كتب الموضوع بالأساس والذي استحق بجدارة لقب عضو مميز والمزيد قريباً بإذن الله.
للأسف لا أستطيع إفادتكم من جهتي لقلة خبرتي بهذا المجال، لكن عندي فكرة:
نختار الردود التي تتعلق بمحولاتكم لاكتشاف الطريقة ونرتبها ونطبعها، وأوصلها بطريقتي لأحد مدراء الصيانة لدى شركة هوندا، عله يبفيدنا بالأمر، أنا فتحت هذا الموضوع معه، لذا أرجوكم خصوصاً M.A.M أن تكتبوا لي أرقام الردود التي تفيد غرضنا لأوصلها له، أرجو ألا تكون كثيرة يعني أهم الردود فقط،،،

بالتوفيق

وش ذا التشليح اللي مافيه اكورد 6 سلندر

امس دورت اليييييييييييييييييين دخت ماحصلت :(

بصراحه ناوي شر شكلي بأوقف اطرف واحد معاه اكورد 6 سلندر وافكك طبلونه

الله يجزاك خير اخوي Honda وشهادتك وسام على صدري وانا ان شاء الله ابحاول افيد المنتدى والاعضاء باللي اقدر عليه ولا راح ابخل على المنتدى واعضاءه باي شي .. والمنتدى غرضه تبادل الخبرات والمعارف والمعلومات المتعلقة بالهوندا .. ويعطيك الف عافية اخوي على جهودك وجزاك الله خير

اما بالنسبة لموضوع مؤشر درجة الحرارة الخارجية فالعلة اخوي تكمن في ان الوكالة معترضة على تشغيله رغم علمها المسبق بامكانية تشغيله ولا ادري مالسبب !! اعتقد السبب تسويقي علشان يمشي سوق ال V6 .. لكن لو قدرت اخوي Honda تقول لهم نبغى نعرف ليش مايشتغل مقياس درجة الحرارة الخارجية رغم وجود الحساس ورغم توصيله ورغم وجود نظام التحكم في المناخ وعرفنا من خلال البحث ان اي اكورد مجهزة بنظام التحكم بالمناخ يكون فيها مقياس درجة الحرارة الخارجية الا الاكورد الخليجية ولا نعلم ماهو السبب الى الآن !! .. وش السبب او وش السر ؟
اذا عطيتنا اجابة عن هالتساؤلات كثر الله خيرك ويعطيك الف عافية .. حنا توصلنا الى ان العلة تكمن في اختلاف طبلون ال V6 عن طبلون ال4 سلندر .. ياليت لو تسألهم اخوي اذا كان استنتاجنا صحيح او غير صحيح وترد لنا خبر وعلى طريقك تسألهم اذا يأجرون اكورد V6 او اي سيارة من هوندا مثل باقي الوكالات وجزاك الله الف خير على اهتمامك بالموضوع وجهودك في تطوير المنتدى للافضل واعذرني على الاطالة وكثرة الطلبات

اخوي wald 3rb الظاهر انك ماقريت الموضوع من اوله
راجع الموضوع من البداية وراح تشوف اشياء راح تعجبك

اخوي ن ك د من طول الغيبات جاب الغنايم انت دورت في اي تشليح ؟؟ شكلك دورت في الشرقية لان الرياض اخوي accord 06 حصل له واحد حق 2004 بس مايقدر يجربه لان سيارته 2006 وانا الى الحين ماقدرت اروح للتشليح اجربه ولو اني خايف راعي التشليح مايوافق اجربه عنده لكن اذا جت الاجازة ابحاول اروح واجربه وان شاء الله يوافق .. واتمنى نحصل محل يأجر اكورد V6 لانه راح يفك ازمة كثير يالله ياشباب الهمة نبغى اكورد V6 نبدل طبلونها بعلم صاحبها ونركبه عندنا ونشوف وش يصير .. اللي يعرف واحد معه اكورد V6 او محل يأجر لاينسانا همتكم ياشباب فات الكثير ومابقى الا القليل

تحياتي وتقديري للجميع

M.A.M حبيبي انا دورت بتشاليح الرياض (طريق الحائر)

وبعدين الى الان وانا ادور احد معاه 6 سلندر ماحصلت احد اعرفه

امس والله بغيت اقط وجهي على اي واحد معاه 6 سلندر زين تخيل مالقيت ولاواحد في الشارع

وش ذا القهر

المهم اذا تعرف محل بالرياض قول لي وانا اروح له

وياشباب اللي يحصل اي واحد ياليت يقول لنا واللي خايف يجرب على سيارته انا مستعد اطبق على سيارتي

M.A.M خاص حبيبي ;)

المشاركة الأصلية كتبت بواسطة ن ك د السـعــــوديه 3 5 7

وش ذا التشليح اللي مافيه اكورد 6 سلندر

امس دورت اليييييييييييييييييين دخت ماحصلت :(

بصراحه ناوي شر شكلي بأوقف اطرف واحد معاه اكورد 6 سلندر وافكك طبلونه

هههههههههههههههههههههههههههههههههههههه

حسبي الله على العدو

ههههههههههههههههههههههههههههههههههههههه

وانت متحسف انه مافيه اكورد في التشليح

ان جا حادث لاكورد 2006 6سلندر فهو منك

اذكر الله

:d :d :d :d :d :d :d :d

امزح معك هههههههههههه

يا شباب فيه طريقه اسهل ممكن نتأكد منها ان فيه اختلاف بالطبلون و لا لا






نركب طبلون سياحي على اكورد فل 4 سلندر

نشوف لمبة مثبت السرعه تشتغل ولا لا ( و زياده الـ VSA للـ 2006 )

اذا اشتغلت اللمبه فمعناه ان الطبلون موحد من السياحي للـ 6 سلندر
و الفرق في المعلومات اللي توصل للطبلون

اما اذا ما اشتغلت فمعناها ان الطبلون يختلف


هذي اسهل لنا بكثير لان السياحي و الفل 4 سلندر كلها متوفره بكثره
و برضوه السياحي متوفر ايجار

^^^^^
السياحي مافيه ابداً لمبة Vsa ولا مثبت سرعة

انا فكيت الطبلون وتوضح اللمبات والكتابة تحت على الطبلون اذا كانت موجودة والا لا

السياحي يختلف عن الفل كامل 4 سلندر واكيد 6 سلندر يختلف

هذي الصورة اهديها لكم واللي تبين ان فيه اختلاف بين طبلون الEX وال EX-L
لاحظوا رقم القطعة يختلف وشيكت اكثر من طراز في الاكورد وفيه اختلاف في الطبلون بين طراز وطراز ومعناها ان السالفة ان شاء الله في الطبلون بس وين اللي يجرب ووين اللي يقدر يجرب :(

تحياتي وتقديري للجميع

اخوي M.A.M يعطيك العافيه ريحتنا ياشيخ

انا مستعد اجرب واطبق على سيارتي بس دبروا لي طبلون انا ماشي الشرقيه بعد بكره

حاولوا تدبرونها اليوم

انا بأمر التشليح مره ثانيه وان شاء الله احصل

دعواتكم اهم شي

ياشباب يلعن ام القهر

رحت التشليح اليوم ولا أكورد سته سلندر ؟؟

ماشاء الله عليهم الله لايضرهم موب ذا قصدي بس من جد مافيه غريبه

لا واللي قاهرني مريت محل مفتوح ولافيه احد ابسألهم مالقيت الا الله يكرمكم كلب عند الباب

منسدح من الطفش سألته يالحبيب عندكم طبلون سته سلندر ؟؟

اللي قهرني ابن اللذين قعد يناظر فيني ثم التفت يسار وصفطني يلعن ام القهر حتى الكلاب قامت تصفطني

ليه مو كفايه إتش :o

على العموم من جد الله يعين اللي بيروح يدور :(

صديقي ن ك د

ياشباب

لا للإزعاج

:p

هههههههههههههههههههههههههههههههههههههههههاي

طبعا فيه مشكله ان بعض الإشارات معلقه في الطبلون بس شكلي بأشتري طبلون وكاله

نكووووووووودي راجع الرد حقي بالله تراني عدلته رديت بسرعة علشان اكون اول من يرد عليك حبيبي وصراحة تستاهل لقب اول اكورد فل كامل بمعنى الكلمة
وتكفى لااوصيك رح للوكالة واقهر اللي كانوا ممتنعين يعطونا لو معلومة بسيطة

ومشكور وماقصرت حبيبي ومن ابداع لابداع ان شاء الله انت وباقي الشباب والمنتدى كله ان شاء الله

تحياتي وتقديري للجميع

تسلم لي والله حبيبي M.A.M

بس شكلي بأشتري طبلون جديد