السلام عليكم
أحلى خبر والله
لأني الويك إند رحت لـ ريد كاب في الدمام... وطلبت نفس المواصفات قال لي الشخص إللي هناك... عنده نفس المواصفات... من شركة (كنووود) وعليها ضمان سنه...
بس طريقة التركيب... راح تكون في الفتحة إللي قدام القير.. عشان ما يلعبون بالطبلون ولا المكيف... راح يفكون البلاستيك إللي قدام القير ويفصل صندوق صغير يدخل محله بنفس اللون الشاشة من النوع إللي يدخل ويطلع ولا راح تلمس القير... لو لمسته ترجع اتوماتيكلي... فيها ريموت ومواصفات كثيره...
طبعا ً كل هالكلام.. وأنا للحين ما سألته... كم سعرها...؟ كم مدة التركيب... ؟
قال المدة... من 4 إلى 6 ساعات... << لو إنهم يسوون فتحة خخخخخخ
والفلوس.... تجهّــزو للصدمة.....
11,500 ريال... إحدى عشر ألف وخمسمائة ريال << كاتبها في شيك موب منتدى خخخخخخ
طبعا ً أنا بغيت أذبحه وأنحاش... بس قلت له.. حاليا ً ما في وقت لأني أحتاج السيارة للدوام.. وإن الله كتب جيتك في الويك إند... لكن ما عليكم حتى الشارع ما عاد مريته خخخخخخخخخ
نهاية القصة إللي فوق.... إذا كانت هالشاشة تركب وبهالسعر... تراني مركبها الله لا يعوق بشر
<< براااا ولا عاد ترد... يا كثر كلامك
مع السلام عليكم
مواقع النشر (المفضلة)