الموضوع: مشكلة في قير الاكورد اللي يقدر يساعدني يدخل..!

وأحيانا تسير السيارة ما فيها عزم لمن تضغط على الدعسة كاملة يمشي الأمبير شوي شوي

طيب طلعت لك لمبة على الطبلون تحت لمبة النور شكلها كذا مربع و لونها برتقالي ؟
لحد يضحك عليك حبيبي و يقلك هذا القير يمكن يكون واحد في حساسات المكينة أو الإكزوز و هذا حله سهل , تروح للوكالة و تغير الحساس و نتنتهي المشكلة .
طالما إن ماطلع معك صوت من القير فالقير حقك سليم و إنشالله ما فيه أي مشاكل .
بس متى غيرت زيت القير ؟

أنا حاليا نفس مشكلتك عندي و وديت السيارة عند كذا ميكانيكي و كذا مركز فحص و كل واحد يقول كلام غير عن الثاني , واحد يقول من البطيخة حق القير لازم تتغير و الثانية يقول كراسي المكينة و الثالث يقول طرمبة البنزين . إنت لا تاخذ إلا بكلام الوكالة و دخلها عندهم فحص بـ 300 ريال يوم كامل و هم بيقولون لك وش فيها السيارة .

أنا بكرة بودي السيارة الوكالة و إنشالله ما يصير إلا كل خير .

تصدق سيارتي اللحين بالوكالة و اتصلت عليهم أبي أعرف و ش صار .
يقولون إن فحص الكومبيوتر على السيارة ما طلع شي كله سليم .
طيب كيف المهندس ركب معاي و جرب السيارة و طلعت اللمبة حق تشيك إنجين ؟؟؟؟؟
ما يدرون وش بالسيارة . يقولون سليمة و الحساسات كلها تمام .
بس تدري إيش رايك تجرب تفصل الطرف السالب حق البطارية بالليل و أرجع اشبكه الصباح لأن هالحركة تعيد برمجة الكومبيوتر حق السيارة بالكامل .
يمكن واحد بالحساسات عندك ( بيستهبل و يتغلى عليك ) . فسويها .
جرب و شوف و منت خسران شي .
و بشرنا وش يصير معاك أول بأول .

شوف أخوي مرات لمن يجي يبدل للثاني يبدل بقوة وتقرص السيارة وتشتغل لمبة وتطفي على طول على شكل مثلث لونها برتقالي..!

راجع كاتلوج الوكالة في صفحة 226 لموديلات 2006 و 2007 لأن مثل هاللمبة إللي تتكلم عنها موجودة و هي خاصة بنظام الـ VSA الخاص بضبط توازن السيارة و نقلا عما كتب بديل المالك ....

عندما بنشط VSA فإنك قد تلاحظ أن المحرك لا يستجيب للتسارع بنفس الطريقة التي يستجيب بها في أوقات أخرى , إذا أضاء مبين نظام VSA أثناء القيادة فانحرف إلى جانب الطريق و أعد تشغيل المحرك فإذا ظل المبين مضيئا فتوجه بسيارتك إلى أقرب وكيل لهوندا و افحصها .

أعتقد إن هذي هي علة سيارتك . فروح للوكالة أحسن
قيمة الفحص 150 ريال و ياخذ منهم يوم كامل .

أهلا حبيبي مرة ثانية ...

و الله بالنسبة لي اليوم الوكالة اتصلوا علي و قالوا إن السيارة أعادوا برمجة كومبيوترها و قالوا إنها ضبطت معاهم و اللحين لسى السيارة ما طلعتها من الوكالة لأني طلبت منهم بما إن السيارة عندهم إنهم يسوون صيانة الـ 80.000 كلم و طالعة بكرة بإذن الله .
و حتى القير عندي مدري قالي على كم شي المهم قال التكلفة مبدئيا 8000 ريال . لكن قالي بالنسبة لك لا توضبه لأن الأعطال إللي فيه مستحيل تعدمه على المدى القريب يمكن تأثر على المدى البعيد لكن حاليا قالي تقدر تسوق السيارة عادي ما فيها مشاكل . سألته ليش ما أصلحه اللحين ؟
قال إنت ما شالله صيانات الـ 1000 و 10.000 و 30.000 و 40.000 و 60.000 و 70.000 كلها مسويها بالوكالة و حاليا بتسوي صيانة الـ 80.000 كلم , و تقديرا من شركة عبدالله هاشم لك و على التزامك بالصيانات و بالسيارة .
فراح نسوي محاولة بالإجراء التالي ....

رايحين نرسل خطاب بمحتوى المشكلة و صور السيارة و العطل الموجود بالقير و القطع المطلوبة تغييرها و تكلفتها في تقرير مفصل لليابان و إنشالله إنهم يعتمدون و يدرسون الحالة و يسرسلون خطاب بإصلاح أو تغيير القير بلاش و كأن السيارة على الضمان .

فالصراحة أنا صدمت لما سمعته يقول هالكلام و قلت : إنت من جدّك ؟
قالي إنشالله إنهم بيصلحون السيارة و كأنها على الضمان لأن أنا كل صياناتي عندهم و لأني مهتم بالسيارة .

حبيبي , فعلا ما في أحسن من الوكالة , روح أحسن أفحصها فحص كومبيوتر عندهم ( فحص كامل للسيارة ) بـ 150 ريال .
بدل ما يضحكون عليك حقين ترايستار لأني مجرب عندهم زمان الجمس حق الوالد و قال بيكلف 6000 ريال و رحنا أشترينا قير كامل من محلات الجيربوكسات بـ 3600 ريال ( نظيف ) و ركبناه و السيارة مشيت حول السنتين عليه و إلين بعنا الجمس و هو تمام حتى بعناه على واحد في أقاربنا أعطاه للسواق و طبعا عارف إستخدام السواقين . و إلى يومك القير تمام و 100 / 100 .

حبيبي إذا تصليح الوكالة مكلف بالنسبة لك فأفحصها بس عندهم , و هم رايحين يطلعون لك تقرير بالأعطال و القطع المطلوبة و أسعارها في فاتورة و إذا إنت تعرف ورشة متخصصة و شغلها تمام برا الوكالة خلاص توكل على الله و اشتري القطع و ركبها عندهم .

تحيتي لك و برضوا خلينا على تواصل بهالموضوع و بشرنا بإللي يصير معاك فبالسبة لي مشكلتي تقريبا مثلك لكنها انحلت تقريبا و بنسبة كبيرة .

accord 764
احب اقول كلامك صحيح ...
وقد حصلت لشخص كان مواضب على الصيانه لحد ماوصل الـ90000 كيلو
وطلعت خرابات ... من ضمنها القير... وقالو بما انك مواضب على لاصيانه .. نقول ان شاء الله نغير القير مجانا بس انتظر لما يجي الخطاب من اليابان ... وفعلا بعد ايام قليله وصل الخطاب بالسماح لتغير القير دون ان يدفع العميل اي مبلغ ..
والي دفعه حق الصيانه وبس فلوس القير ولا ريال..
فـــ اذا انت مواضب على الصيانه روح وشوف وقولهم .. بس لايكون فيه اشياء مركبها تضر المحركات...
واذا القير وصل هالحاله ... ترا الكلتشات عندك انهبلت... وغير
اضغط هنا...

وع الصبحيه وانت رايح للدوام .. ومعدي جسر المعلق .. وانواع الحفله بالطبلون .. هع هع
انتبه لاتصير لك زي كذا

علما بان المشكله واجهتني ... السياره اذا صارت بارده تمشي تمام واذا احترت راح تحص
بالتعشيق وبالنتعه ..

وكلفني 2500 ريال وفيه واحد من الربع كلفه 1700 ريال ..

ولك الخيار ولي الطمام:d

^
^
هلا حبيبي فيك مرة ثانية ...

الصيانة في السيارة من 1000 إلى 40000 منتظم والسيارة اللحين ماشية 58000

شوف أنا هالكلام قلتلك هو و أنا صادق و دام إن السيارة بعدها على الضمان ( إذا أهملنا السنوات ) روح و خليك قوي ترا إنت يمكن يكون موقفك أقوى مني لأنك ما مشيت على السيارة كثير و سيارتك شكلها نظيفة فأتوقع إنهم يمكن يردون عليك قبلي و إنهم يصلحونها على الضمان .
و أخونا accord2002 الحمد لله جاء و ساندني بالكلام و أثبت إن الوكالة متابعة للعميل و حريصة على رضاه .
و لا تنسى إني قلتلك هي محاولة من عبدالله هاشم لإرضاء العميل ( إللي هو أنا و إنت ) .
أحسن روح الوكالة دام إن السيارة لسى ما مشت و إذا صلحوها على الضمان من عندهم و أعطوك الموافقة في وقتها فخليهم يصلحونها يا عمي لو تجلس عندهم شهر أهم شي إنهم بيسوون لك شي جديد و مضمون .

و بيني و بينك أنا بس أنتظر منهم الموافقة و إنشالله أصلح السيارة عندهم و بعدها على الفحص الدوري و بعدين بوقفها في الدانوب و أكتب عليها للبيع .
لأن الصراحة السيارة فيها عين قوية و أنا طابت نفسي منها خلاص كرهتها .

موفق إنشالله و بشرني بكل جديد يصير معاك بخصوص القير , و بالله خليك معاي بها الموضوع إللي ما أحس فيه أحد إلا أنا و إنت :d .

تحياتي حبيبي .....

أهلا أخوي مرة ثانية ....
الحمد لله أمس طلعت سيارتي من الوكالة و بعد عناء طويل مع الكومبيتر حق السيارة و كومبيوتر الوكالة لأن كومبيوتر سيارتي يعطي قرائات غلط للسيارة و كومبيوتر الوكالة مطلعني كأني مبرمج السيارة و أنا ماني مبرمج .
السبب هو كان في مضخة البنزين , الكومبيوتر حق سيارتي يدخل كمية بنزين أكبر للمحرك ( غرفة الاحتراق ) فتلاقي عزم مو طبيعي و قوة حلوة للسيارة خصوصا مع الإنتيك و الكنداسة إللي أنا مركبها .
المهم طلعت المشكلة من حساس دعسة البنزين هو إللي يطلع اللمبة حق تشيك إنجين و يطيح عزم السيارة و كلفني الحساس مع تركيبه باللوكالة 611 ريال بعد الخصم ( سعره قبل الخصم 750 )و طبعا برمجة جديدة .
المهم إن السيارة اللحين تمام و الحمد لله .