الموضوع: المسااااااااااعدة يا شباب في أنوار الأكورد

السلام عليكم ورحمة الله وبركاته

كيفكم يا شباب إن شاء الله بخير

الله يعطيكم العافية عندي سؤال عن الأنوار ..
أنا عضو جديد في المنتدى
وتوني شاري أكورد 2007 سبشل
وشفت المنتدى الداعم لأصحاب الهوندا
والله ماتعرفون قد أيش فرحتي بموقع مثل هذا الموقع:d <<<< طولناها

الموضوع:
المشكلة أن أنوار الأكورد الوكالة حلوة بس ضعيفة(مالها مدى والنور ماهو منفرش في الأرض)
فكرت بالزينون بس المشكلة أن بعد البحث الطويل بين صفحات الأنترنت أكتشفت أن الزينون إذا ماكان في السيارة شد بلد ولا ماينفع:p
لأنه يرمل بالشمعات الأمامية وهذا من الأسباب لصنع العدسات وبعد إذا أحترقت عندك لمبة ماتلقى مثلها أو معد يطابق اللون وسمعت يقولون أحترقت سيارات بسببه :( وعيوبه أكثر من فائدته بالنسبة لسيارتي ..:(

على العموم لقيت لي حل وحبيييت أسألكم وأشاوركم بحكم خبراتكم في الأنوار لأني والله في علوم الأنوار ما أفهم شيء:d

السؤال : 1- أني أركب أنوار غازية أصلية وسمعت أنهم يقولون أنها بـ 200 ريال
واللي عنده معلومات عنها يفيدنا أرجوكم ؟؟ من كل ناحية المدى والفرش في الأرض

2- أني أركب أنوار 100 واط مع كتاوت
انا سمعت هذا المعلومة ولا أدري عنها أبد:p وما أدري وش رايكم ؟؟

وترى الكلام كله عن الأنوار الواطية

ومشكوووووووورين وماقصرتوا ويعطيكم العافية
وأعذرونا إذا طولنا عليكم

اخوي انا اعرف انه الانوار الغازيه سيئة السمعه تذيب الاسلاكـ وفيها مشاكل

جرب ارفع الانوار من الكبوت

على فكره في شرح مفصل عن الانوار

هذا والله اعلم ان شاء الله الاخوان يفيدوكـ في الردود

:dالله يعطيك العافية أخوي أيمن وشكراً على ردك وإهتمامك:d

وبالنسبة تقول أن الأنوار الغازية تذيب الأسلاك يمكن هذا التجاري ولا
ترى مالي خبرة في هذا الشيء:p

شكرا لك أخوي المسافر على الرد وماقصرت

الله يعطيك العافية بس إذا ما ينفع أزود واط الوكالة ولا أركب غازية:(
وش الحل ؟؟

وآسفين على الإطالة

هلالا بك خيوو منووور في منتدانا يا غاالي

المشاركة الأصلية كتبت بواسطة acco7rd

السؤال : 1- أني أركب أنوار غازية أصلية وسمعت أنهم يقولون أنها بـ 200 ريال
واللي عنده معلومات عنها يفيدنا أرجوكم ؟؟ من كل ناحية المدى والفرش في الأرض
<<<والله هي ما ادري عنها بس سمعت زي ما قاالو انها تذووب الاسلاك
2- أني أركب أنوار 100 واط مع كتاوت
انا سمعت هذا المعلومة ولا أدري عنها أبد:p وما أدري وش رايكم ؟؟
<<<اسئل مجرب ركبت 100واط وحرقت علي اشيااء باايخه بالفيووزات<<<ما انصحك ولا واحد بالميه

ــتحياتيـ ــبطرانـ2005ــ

بسم الله الرحمن الرحيم

**&&/|/|/|/|/|/|/|/|/|/|/|/|/|/|/|/|/|/|/|/|/&&**

اقتباس من صاحب الموضوع :
فكرت بالزينون بس المشكلة أن بعد البحث الطويل بين صفحات الأنترنت أكتشفت أن الزينون إذا ماكان في السيارة شد بلد ولا ماينفع:p

ليش ماينفع ؟؟

إذا تبي نور زينون ..رائع .. عليك بـ هيلا الألماني الألماني .. %
سعرها 1200 ريال ..
4500 كلفن .. ..
تعطيك وضوح .. لن تحلم فيه أبداً ..

وإذا متخوُّف من الزينون .. في موضوع للأخ الهـــادف في قسم الاكسسوارات والزينه .. إسأل .. ويجاوبك على كل تساؤلاتك ..



;);)

يا الغالي فيه واحد من الشباب طالب زينون اصلي وراح ينزل الموضوع قريب انتظر يومين وتشوف تراه زينون لكزس بسعر مغري

الله يعطيكم العافية يا شباب وماقصرتوا;)
الله يبيض وجيهكم

* بطران 2005 ماقصرت الله يجزيك خير
* راعي السوناتا ماقصرت بس عندي لك سؤال ؟
معليش تحملنا مالنا خبرة في هذا المجال:p
الحين الهيلا الأصلي و4500 كلفن وين أحصله أنا مايهمني السعر لو 2000 أهم شيء نور قوي وطويل المدى
وأنا حصلت عند العليان بطريق خريص زينون فليبس ويقول 1100 مع التركيب معقولة أصلي ؟؟
ومشكور وماقصرت
* Accord 05 ماقصرت أخوي وشكرا للإفادة .

طب لو آخذ من الأنوار البيض بس ماهي زينون عادية تبديل من الأصفر للأبيض وش رايكم