ماهقيتها منك يا أكورد

**هـــوندا وبـــس** · 16-06-2008, 07:22 PM

المشاركة الأصلية كتبت بواسطة الحــل الصعب

شباب والله اني كاره الاكورد هاليومين

مدري هي كذا ولا سيارتي فيها عين افيدوني

لي اكثر من اسبوع ما احركها عافت نفسي

سيارتي ماشيه 36 الف وكسور

اكورد 2008 فل اوبشن 4 سلندر

عندي مشاكل وهي كالتالي:

1- المكيف صار بالظهر ولا بريال

2- صوت طقطقه في الديكور الخلفي العلوي

3- الزيت عندي ينقص اذا مشيت عليه اكثر من 3000

4- صوت في باب السواق

5- الكبوت مايسكر الا بالقوه

6- انوار الطبلون عليها مسكات وترمش احياناً

7- السياره على الخطوط ازعاج في ازعاج لا من صوت الهواء ولا من صوت الشارع

8- وضعية كرسي الراكب غير مريحه ( اللي يركبون معي يشتكون )

9- رجه بالفرامل مسويه لي قلق مو طبيعي الوكاله خرطو لي الهوبات في فحص الـ 5000 وبعد مامشت السياره 7000 رجعت الرجه والحين الوكاله تقول لازم تغيير الفحمات وخرط الهوب

معقول كذا والسياره توها ماكملت سنه وماشيه بالثلاثينات

وش السالفه

المشاكل اللي بالزرق عندي

على فكره المكيف في بعض الاكوردات
والكبوت في جميع الاكوردات 2008

**CR@SH** · 16-06-2008, 07:29 PM

المشاركة الأصلية كتبت بواسطة هـــوندا وبـــس

على فكره المكيف والكبوت في جميع الاكوردات 2008

تكلم عن سيارتك يا حبيبي موتري ما له شغل في سالفة المكيف او في سالفة ثانية غير الكبوت طبعا

**هـــوندا وبـــس** · 16-06-2008, 07:49 PM

المشاركة الأصلية كتبت بواسطة Accord 08

تكلم عن سيارتك يا حبيبي موتري ما له شغل في سالفة المكيف او في سالفة ثانية غير الكبوت طبعا

هدي اعصابك لاتزعل علينا :d

وعدلنا الرد عشان ماتزعل:d

**هـــوندا وبـــس** · 16-06-2008, 08:02 PM

مشكله الباب اخوي الحل الصعب سهله

سولها تشحيم ويظبط معك

**معشوق الأكورد** · 17-06-2008, 10:56 PM

والله أخوي شكلها عين ماصلت على النبي

انا بس عندي مشكلة الصوت الي في الخلف وبصلحه ان شاء الله
ونتى وديها الوكالة وقلهم على المشاكل وحدة وحدة والله يعينك

**هوندا 2288** · 18-06-2008, 01:04 AM

أهلن أخوي
أنا بنسبه لي المكيف مثلك أوقات أحسه يفصل ويصير مايبرد

صوت الشوارع أيضا مزعجني

وعندي صوت لمن أعشق ريوس

بس هذول المشاكل آلي عندي

وأنت روح إلى الوكالة مثل ماقالوا لك الشباب وإن شاء الله كل شي يظبط معاك

وريحك بالك ولاتفكر ;)