السلام عليكم ورحمة الله وبركاتة
كيفكم يا شباب عساكم بخير ؟؟

ولله الحمد لي خبرة بالفحمات والكفرات وإن شاء الله بحاول أفيدك أخوي H4r44 وجميع أخوانا الأعضاء ..

* H4r44 : أحاول إن شاء الله أجاوب على أسألتك
- فهل معقول ان الفحمات استهلكت والسيارة ماشية 13000 الف؟؟؟؟
1- ممكن أخوي على حسب دعستك للفرامل بعدين أنت تقول أنا أمشي 140 و 160 ;) <<<< ماقصرت :d وبعد الدعسة هل تكع فرامل ؟؟
2- أنا سمعت من كذا موقع ومن أخوياي أن الأكورد 2007 في دفعة جت وفيها مشكلة الفرامل والوكالة مأعلنت عنها ؟؟ أو مادرت عنها:p فأفضل لك روح للوكالة وعلى الضماااان;)
3- بعدين في شيء ما يدرون عنه أغلب الناس اللي هو :
الفحمات لابد لها من الترويض إذا كانت جديدة لأول 350 كلم.
حتى لو غيرت الفحمات أول 350 كلم لآبد من ترويض .
ترويض الفحمات يعني(ماتكع بقوة على الفحمات في هذه الفترة وحاول تهادي الفحمات ولاتسرع أكثر من 120 كلم أيضاً)

- وكم العمر الافتراضى للاستهلاك الفحمات والقماشات؟؟؟
على حسب دعسة السواق يابو راكان بس الوكالة تقوووول:
* الأمامية : 70000 كلم .
الخلفية : 50000 كلم.
- ما هو صوت التفحيط عند اللفات! هل الكفرت انتهت مع انها وكالة والظغط الهواء 35؟؟؟؟؟
صوت التفحيط عند اللفات لعدة أسباب والواضح اللي عندك نقص هواااء;)
* بتقول وشلون أنا أقولك :
ضغط الهواء 35 هل تعاير الكفر حااار ولا بارد ؟؟
والكفر البارد لابد تكون السيارة أقل شيء 3 ساعات واقفة وإذا بتروح المحطة صفر العداد ولازم ماتمشي أكثر من 1,6 كلم وللا الكفر بيحتر ويتغير مقياس الضغط ولا يكون 100 % لأن إذا الكفر أحتر تتغير نسبة الضغط 3% .

- كان معى قبل الهوندا اكورد فورد كروان فكتوريا 2005 اخذه وكالة وبعته ويالتنى ما بعته ؟؟
أخوي لا تتحسف وإن شاء الله مايكون إلا الخير الهوندا كل الناس تشهد لها بس ؟؟؟؟
ممكن طاحت على حضك أو السيارة فيها عين !!
أهم شيء لا تكون طول عمرك تتحسف لأن ليت وليت ماتعمر بيت;) والحمد لله أنت تقول أنك شاورت ناس كثير .

- واستغربت كيف تاثرت الهوبات والسيارة جديدة 13000الف فقط ؟؟
شي غرييييييييب من جد وروح للوكالة وقلهم على المشكلة يمكن تكون من الدفعة اللي قلت لك ؟؟

- حتى الكفرات الوكالة دنلوب مرتين بنشر خفيف.ويوم اذهب بها الى البنشر القى فى المرة الاولى عود ثاقب الكفر واضحك مستغرب كيف عود يثقب الكفر وتوه جديد.والمرة الثانية مسمار صغير.
أخوي كفرات دنلوب من الكفرات الممتازة في السوق لاكن أبقول لك شيء أي كفر معرض لمثل هذا الأشياء
ولاتحقد على الدنلوب لأن اللي مع السيارة ياباني 100 % .
ماهو مثل اللي في السوق .

- واغير الكفرات التعبانة حقت الوكالة دنلوب وبغيرها بمشلان ؟؟
أنصحك غيرها ببرجستون إدرينالين بوتنزا لأن ميشلان ناشف ومزعج داخل الغمارة .

وأي خدمة أبو راكان وإلا الأعضاء AcCo7rD موجود أمروا وإن شاء الله ربي يقدرني على خدمتكم ;)

وآسفين على الإطالة ...