ياشين ( فحص الكمبيوتر ) ..

**MOhamed** · 19-06-2008, 02:33 PM

السلام عليكم
كيف الحال شباب عساكم بخير واموركم طيبه

ياشباب سويت لسيارتي فحص كمبيوتر وطلع لي بلاوي الدنيا ..
المهم مجموع هالقطع ( 18000 ) وشوي .. :(
ومع شغلها بـ الوكاله صفق الـ ( 23 ) .. :d

أنا حـدي 6000 ريال ..
وأبي أحط اسمـاء القطع قدامكم وقولو لي وش المهم منها اللي لازمـ اصلحه , !
غير كذا لو آخذ من التشـليح يعيش معي وال لا , ووشلون أدري انه جيد ويعيش معي فتره , !
وغير كذا وش اللي آخذها من التشـليح !

دوكم القـطع ,
.. /
كراسي مكينه بـ 1292
كراسي قير بـ 522
كرسي كمر بـ 90
ربلة رفرف بـ 202
فلتر هواء بـ 89
بواجي بـ 90
حسـاسات بـ 492
هوبات بـ 354
سير داخل , شدادات , قربة ماء , بلفاراره , شقارجي بــ 2248
أذرعة دريكسون بـ 698
رمـان بـ 281
ليات دريكسون بـ 668
فحـمات بـ 610
مساعدات كبوت بـ 521
مسـاعدات بـ 2405
مقصـات بـ 1550

الحين لو آخذ من التشـليح يعيش معي , ووشلون أدري انه نوع جيد ويعيش معي فتره , !
وغير كذا وش اللي آخذها من التشـليح !

يالله سهـالات والله يرزقنا المال الحلال .. :o
أهـل الخبره أنا بـ انتظاركمـ ..

**بلا حدود** · 19-06-2008, 02:43 PM

اوف اوف وش هذا

كم موديل سيارتك وكم ماشيه

**MOHAMMED SS** · 19-06-2008, 02:43 PM

كم موديل سيارتك

**MOhamed** · 19-06-2008, 02:46 PM

ياشـباب فيه بورقة الفحص
5611orcaa01 pump sub assy. p/s
والموظف متـرجمها بـ ( طرمبة دركسون ) والسـعر مكتوب بـ 2598

معقوله الطرمبه بـ 2600

وكانكم قدرتو تدلوني علي ورشة سمكرة وتصـليح وشغلهم ممتاز بالرياض أكون لكم من الشـاكرين , !
لأني بشـتري القطع وبصلحها بـ ورشه .. :o
ماقصرتـو (L)

**MOhamed** · 19-06-2008, 02:47 PM

2003 فل كامل سته سلندر , ماشيه 200000 حكمـ ..

**عيال التخصصي** · 19-06-2008, 03:10 PM

مو معقولة كل هالخرابات في خمس سنوات .....
اكيد انت تبالغ أو سيارتك ما حافظت عليها زين يعني مرة تضرب في رصيف ومرة في مطبات يعني شي مثل هذا ...
لأنه من المستحيل أن توجد جميع هالأعطال في سيارة مثل الهوندا في خلال خمس سنوات أو أكثر

**Black Arrow** · 19-06-2008, 03:08 PM

ما عمري سمعت بفحص كمبيوتر يطلع لك اذا المساعدات خربانة ولا حتى الهوبات

انت وش مشكلة سيارتك بالضبط ووين سويت فحص الكمبيوتر بالوكالة ولا بره؟؟

اللستة اللي انت حاطها مافيها ولا شي يطلعه الكمبيوتر خربان الا الحساسات

**MOhamed** · 19-06-2008, 04:45 PM

المشاركة الأصلية كتبت بواسطة black Arrow

ما عمري سمعت بفحص كمبيوتر يطلع لك اذا المساعدات خربانة ولا حتى الهوبات

انت وش مشكلة سيارتك بالضبط ووين سويت فحص الكمبيوتر بالوكالة ولا بره؟؟

اللستة اللي انت حاطها مافيها ولا شي يطلعه الكمبيوتر خربان الا الحساسات

البرنت شفه فوق ..

معقوله وكالة هوندا بكـبرها كذب في كذب .. !

**ن ع ر السعودية 0005** · 19-06-2008, 03:29 PM

اوف اوف اوف

شكلك ما عمرك طبيت الوكالة وغيرت شيء في السيارة أنا إذا هي لمبة طفت ضاق صدري عاد وشلون كل هاذي الخربات ما أقول إلا الله يعينك ويصبر سياارتك عليك......

**MOhamed** · 19-06-2008, 04:39 PM

والله سويت فحص الكمبيوتر بالوكاله وهذا صور للبرنت , !
وهمن رحت لموظف قطع الغيار وترجمهن لي , !
الفحـص سويته بـ وكالة خريص !

لاعمري طمرت رصيف ولافحطت ولاكليت مطب ..

بس تقدرون تقول اهمال من صاحبها القديم لها فتره ماطبت الصيانه , اللهم زيت سيفون بنزين .. !
لاهـنتو ..

**Black Arrow** · 19-06-2008, 05:08 PM

هذا برنت قطع الغيار

برنت الكمبيوتر غير

انا عند وكالة خريص خشيت عند الهندي اللي سوا لي اعادة برمجة للكمبيوتر وشفت البرنت مافيه شي ولما عاد البرمجة تخيل والسيارة حارة جاية من مشوار اول ما خلص البرمجة قامت تنزل موية

......
على كل انت للحين ما جاوبت وش مشكلة السيارة الاساسية اللي خلتك تروح الوكالة ؟؟؟

ويصبر سياارتك عليك......

العن ابوها سيارة....الله يصبره هو عليها....

**MOhamed** · 19-06-2008, 05:42 PM

خلوني اقول لكم سالفتي , !

انا ياطويلين العمر صار لي حادث قبل فتره وراحت سيارتي تشـليح , !
وكنت ناوي اشتري اي سياره مستعمله بـ حدود الـ 60 !

واخوي كانت معه ذي الهوندا ..

مطوع اللي عليه تغيير زيت سيفون بنزين لايروح لوكاله ولاهم يحزنون ..

سافر يدرس برا وبدال لاأشتري سياره خذيت حقته , وقلت خلني اشيك عليها واشوف وش يبي لها تغيير ..

سويت فحص كمبيوتر لأن اخوياي قالو لي يطلع لك كل شيء بالسياره ..

سويت الفحص وعطوني هالبرنت اللي فيه قطع الغيار المطلوبه ..

همن ضيقو صدري اجل بـ 23 الف قطع غيار مع تركيبهن .. :d
اشتري لي ثلاث بانشيات :d

وانواع الهبال بالعليا .. :d
قال 23 قال .. :d

بـس هذا اللي عندي اتمنى وصلت لكم الفكره ..

**momo** · 19-06-2008, 05:55 PM

انت تمشي السياره تحس فيها شي ولا لا

**MOhamed** · 19-06-2008, 06:05 PM

المشاركة الأصلية كتبت بواسطة momo

انت تمشي السياره تحس فيها شي ولا لا

لا يالغالي مافيها ذيك الطقطه وملعنة الخير ..

فيها مشكله بالدركسون وادري عنها , المشـاكل اللي اعرفها قبل لاأدخلها الفحص !
( سير , لي دركسون واذرعة دركسون فقط بس ) !

**فقير الحظ** · 19-06-2008, 06:25 PM

اقول وسـع صـدركـ بـس .. دام السياره ماتشتكي منها خـلاص وشوله التغيير ؟

بس مساعدات كبوت بـ 521 << تشليح
مساعدات بـ 2405 << مساعدين من التشليح مع اليايات وكرسي المساعد حدود 600 ريال (اكورد2007)
مقصـات بـ 1550 << برضوا تشليح بس مدري عن السعر بس خذلها من اكورد جديده

بس والله يالغالي فيه اشياء مالها اي داعي تتغير

يعني الزبده غير الي تشتكي منه

مثلا عندك الدركسون شيك على الدوده او اذا كان يبيله وزن وزي كذا

واذا سمعت اصوات بالسياره او شي مهب مضبوط ودها لورشه وهو يعرف خرابهـا

على فكره اتوقع كل القطع اصليه ... في شغلات لو تركب تجاري احسن ولا من التشليح بيطلع معك الفرق وااجد

**MOhamed** · 19-06-2008, 06:34 PM

ماقصـرتو والله , :o
وسعتو صدري وريحتوني الله يوسع صدوركم بالعافيه .. :o
لاهنتو بس ابي ورشة سـمكره وتصـليح شغلهم ممتـاز مرره بالرياض .. !
وبسـألكم الحين صدام 2006 يركب على 2003 .. واقدر اركب كشافات ..

**المـــــلكـ اكـــــورد** · 19-06-2008, 06:45 PM

نصيحة مر على ورشة الجنوب اللي في الصناعية القديمه
العماله كانوا يشتغلون في وكاله هوندا في بلادهم
شغلهم مضبوط واحسن من الوكاله بعد وارخص

وعندهم محل قطع غيار

الفحص عندهم ب150 ريال
واذا غيرت شي عندهم الفحص مجاني

لي الدركسون بدله من الوكاله على الضمان <عيب مصنعي

اذا تبي وصف الورشه ارسلي عالخاص وابشر بعزك

**Black Arrow** · 19-06-2008, 07:17 PM

دام ان السيارة مافيها الا الي ذكرته غيره وريح بالك

بقية الاشياء ما عليك منها

وزي ما قالو لك الشباب ورشة الجنوب ممتازة

**accord05** · 20-06-2008, 06:58 AM

حاب اضيف شي بسيط ان شاء الله يفيدك بالنسبة للهوبات يا الغالي سو لها خرط وغير الفحمات .. السلامه اهم شي ثم ابدا شوي شوي ...

وروح للتشاليح صح بتتعب وشمس وقرف بس بعد هذا التعب ان شاء الله راح تحصل الي تبيه وبربع القيمة واشوف ان الــ6000 بتكفيك وبتزيد بعد بس خلك حكيم ...

**ل م س 3 3 4** · 20-06-2008, 01:10 PM

وعليكم السلام ورحمه الله وبركاته

كراسي مكينه بـ 1292<<انا شريت طقم من التشليح ب400 وقيمتها جديده في محلات قطع الغيار 1000
كراسي قير بـ 522 <<ممكن انك تاخذها من التشليح
كرسي كمر بـ 90<< هذا رخيص يعني حرام ماتشتريه
ربلة رفرف بـ 202 <<شاريها انا تجارية ب40 ريال
فلتر هواء بـ 89<< في المحلات ب60 ريال
بواجي بـ 90 <<هذا برضوا رخيص
حسـاسات بـ 492 <<ماعندي علم عنها؟؟
هوبات بـ 354 <<اطلع لتشليح وخذ لك شيء نضيف حق موديل 2007
شدادات<<قيمته ب350
فحـمات بـ 610 <<تحصلها بقطع الغيار بحدود 390
مساعدات كبوت بـ 521 <<ممكن تاجله
مسـاعدات بـ 2405<<الله يخلي التشليح
مقصـات بـ 1550 <<الله يخلي التشليح

شوف ياغالي روح لف في التشليح صدقني فيه هناك قطع اخت الجديده ،وزي منت شايف قطع هوندا نار وعلى فكره فيه قطع يابانيه جودتها حلوة يعني لايصير كل شغلك اصلي في اصلي ..وحاول تدور لك ورشه تثق فيها وتحط السياره عندهم لان شغل الوكاله غالي ،،

**B free** · 21-06-2008, 11:10 AM

المشاركة الأصلية كتبت بواسطة ل م س 3 3 4

وعليكم السلام ورحمه الله وبركاته

كراسي مكينه بـ 1292<<انا شريت طقم من التشليح ب400 وقيمتها جديده في محلات قطع الغيار 1000
كراسي قير بـ 522 <<ممكن انك تاخذها من التشليح
كرسي كمر بـ 90<< هذا رخيص يعني حرام ماتشتريه
ربلة رفرف بـ 202 <<شاريها انا تجارية ب40 ريال
فلتر هواء بـ 89<< في المحلات ب60 ريال
بواجي بـ 90 <<هذا برضوا رخيص
حسـاسات بـ 492 <<ماعندي علم عنها؟؟
هوبات بـ 354 <<اطلع لتشليح وخذ لك شيء نضيف حق موديل 2007
شدادات<<قيمته ب350
فحـمات بـ 610 <<تحصلها بقطع الغيار بحدود 390
مساعدات كبوت بـ 521 <<ممكن تاجله
مسـاعدات بـ 2405<<الله يخلي التشليح
مقصـات بـ 1550 <<الله يخلي التشليح

شوف ياغالي روح لف في التشليح صدقني فيه هناك قطع اخت الجديده ،وزي منت شايف قطع هوندا نار وعلى فكره فيه قطع يابانيه جودتها حلوة يعني لايصير كل شغلك اصلي في اصلي ..وحاول تدور لك ورشه تثق فيها وتحط السياره عندهم لان شغل الوكاله غالي ،،

هذا اللي كنت ابي اقوله

ومن ناحيه الهوبات اصلا لو تروح للوكاله وتقول ابي هوبات اكورد 2003 بيعطونك حقت 2007 لان كلها واحد
وموفق ان شاء الله

**وحيد الجزيرة** · 20-06-2008, 03:02 PM

انا مثلك سويت فحص كمبيوتر وطلع لي مجموع القطع 14000 تخيل ..

غيرت منها المهم واللي ماله اهميه او اهميته اقل ما غيرته ...

اذكر غيرت تروس ودقمة السلف...وغيرت رمان عند الكفر اليمين .. وكرسي شكمان ..

هاذي لحالها كلف 2200 .. بقي المساعدات بغيرها باي وقت قريب ..

وطلعو لي قطع ماشوفها مهمه زي المساحات .. وكم شغله والله ناسي وشي

المهم انت غير اللي يعتبر من اساسيات السياره .. وتقدر تأجل اللي اقل منها اهميه بعدين