بالنسبة النور اليسار قصير واليمين طويل جوابها عندي

**AcCo7rD** · 14-07-2008, 09:43 PM

السلام عليكم ورحمة الله وبركاته

كيفكم ياشباب ان شاء الله بخير ؟

بالنسبة لمشكلة النور اللي بهذلت كثير من الناس ومنهم أنا <<<<

رحت للوكالة وقلت لهم عن المشكلة تعرفون وش سوو ؟؟

قالي المهندس انتو هنا في السعودية اللي يمشي في الطريق المعاكس على يسارك

<<< طيب ؟

قال لي فصارت تجي السيارة من بلدها موزونة كذا

النور الأيسر أقصر من الأيمن عشان مايجهر اللي قدامك ؟؟

قلت له طب السيارات القديمة النور يجي متواسي

قال لي الجديدة تجي موزونة من موديل 2002

فماصدقته

بس المشكلة ياشباب أن سيارة أخوي لومينا موديل 2002 وعنده نفس المشكلة ...
وراح للجميح وقالوا له نفس الجواب ;)

وش رايكم ؟؟

**امبراطور الاكورد** · 14-07-2008, 09:56 PM

دام اخوك قالوله نفس الكلام خلاص

**اتــشـــــ** · 14-07-2008, 10:35 PM

لاتستغرب حتى المرسيدس والكزس فيها نفس النظام

**هناادي** · 14-07-2008, 11:24 PM

والله ممكن وسبب مقنع جدا

**accord05** · 14-07-2008, 11:43 PM

عادي ياشباب تقدر تقدرون توزنونها ان شاء الله اسويها بس يبيلها تركيز ....

**عابر بحور الخوف** · 15-07-2008, 02:21 AM

بالضبط ،،،، اللي اشوفه اكثر السيارات الجديده زي كذا ... بس ودي اعلق على نقطه ذكرها الاخ اتشـــ بإن الكزس فيها نفس النظام ،،، الكزس نورها يوزن نفسه بشكل هيدروليكي (( انا اتكلم عن الـ 460 )) ويتحرك مع الطاره .. ولما امشي بطريق مستقيم تلقى النور كله متواسي على الطريق (( يعني مافيه نور اعلى من الثاني ))

يسلمووووووووووو على الموضوع الهام ... تحياتي للجميع ،،،

**Jack** · 15-07-2008, 03:09 AM

مشكور على الموضوع أخوي

تــحــيــاتــي..

**SAUD** · 15-07-2008, 03:14 AM

صراحه

اتوقع ماعنده سالفه

**ابو ريان** · 15-07-2008, 05:13 AM

انا عندي نفس هالحاله
كنت اشوف النور ماهو متوازن
أروح للوكاله يقولون لا ياخي متوازن على الشعره
ارجع اشوف النور القاه بعد ماهو متوازن
رجعت لهم قالولي انت وش فيك النور مافيه اي شيء وممتاز
شككوني في نفسي :o
في الاخير تركته زي ما هو

**The Godfather** · 15-07-2008, 06:06 AM

بكل بساااطه .. عندك دفتر بالسياره اسمه ( تعليمات السياره ) .. تلاقيه مكتوب عليه اكورد .. و يجي منه عربي و انقليزي !
^^^^^^^^^^^^^^^^^^^^^^^^^^^^^^^^^^^^^^^^^^^^^^^
هذا الكلام حق اللي ما يعرف شنو يعني دفتر السياره !

مكتوب انه السياره اقصر من اليمين علشان الطرق المعاكسه !

**أبوعبدالله** · 15-07-2008, 09:08 AM

حتى الاندككروزر نفس النضام

**h0nDa.O7** · 15-07-2008, 10:17 AM

يا شباب ما قلنا شي الكلام صحيح
هذا لما تحط الوزنية على الوضع (0);)
بس لما تحط الوزنية على الوضع (1) تصير متوازن بس نازل
انا برفع النور يدوي واحطه عندي على الوضع (1) بيصير متوازن صح:p

بس للحين ما لقينا من يعرف يرفعة يدوي

هذي المشكلة :(
تحياتي

**AcCo7rD** · 15-07-2008, 10:25 AM

أشكر الجميييييييييع على التفاعل مع الموضوع وماقصرتوا بس انا حبيت أفيدكم باللي قالوه لي الوكالة وشكرا

**الهادف** · 15-07-2008, 03:50 PM

المشاركة الأصلية كتبت بواسطة AcCo7rD

قالي المهندس انتو هنا في السعودية اللي يمشي في الطريق المعاكس على يسارك

<<< طيب ؟

قال لي فصارت تجي السيارة من بلدها موزونة كذا

النور الأيسر أقصر من الأيمن عشان مايجهر اللي قدامك ؟؟

قلت له طب السيارات القديمة النور يجي متواسي

قال لي الجديدة تجي موزونة من موديل 2002

هذا شي يدل على ان المهندسين ما يعرفون كوعهم من بوعهم مثل ما تعودتهم في جميع الوكالات ..

ارجع لها المهندس وخليه يفسر لك الرسمة دي .. اذا ما عرف فهذا اكبر اثبات على ان مو عارف شغلة واذا عرف فمعناها انهو اكتشف ان كان على خطأ

**الـــظـــل** · 15-07-2008, 05:31 PM

الحركه هذي موجوده بالكورولا و الكامري من موديل 98

يعني لا تخافون و لا تفكرون إنها مشكله

الحركه وراها قصد لكن إيش بالضبط ... الله أعلم

**ثــلــج مــشــوي** · 15-07-2008, 05:45 PM

اخوي الهادف اذا ماعليك امر ممكن تفسرلنا الرسمه

**الهادف** · 15-07-2008, 07:32 PM

المشاركة الأصلية كتبت بواسطة netro

اخوي الهادف اذا ماعليك امر ممكن تفسرلنا الرسمه

بكل بساطة .. اعلى نقطة في الرسمة هي آخر نقطة تجهر العين وبعدها ما يجهر ..

لو تلاحظ ان النقطة العليا في جهة اليمين هي آخر نقطة بعيدة عن مدى الرؤية في الشارع ..

في البلدان الا تكون سواقتهم بالعكس مثل بريطانيا هذي الرسمة تكون بجهة العكس ..

الا يبغى يشوف نفس الرسمة هذي ياخذ سيارته ويوجهها على اقرب جدار لونه فاتح مثل الابيض بشرط ان تكون انواره الأمامية نظيفة تماماً وخالية من آثار العج .. وبشوفها بكل وضوح