مشكلة خطيره !! يا ريت تفيدوني " الهوبات "
السلام عليكم ورحمه الله وبركاته
كيف الحال شباب ؟؟ عساكم بخير
شباب انا عندي مشكله خطيره مره وهي الهوبات
كانت عندي تمام التمام قبل اربع شهور وقامت شوي شوي تجي رجه للسياره وانا ادق بريك
وقامت تزيد مع الوقت والحين صارت قويه حييييييييييييييييل وقام البريك يفصل بسرعه والفحمات خصلوا بسرعه
وانا نويت اغير الهوبات واركب هوبات رياضيه ويا ريت اللي عنه خبره يقولي عن اسعارهم لاني سمعت ناس تقول ب 4000 وناس تقول ب 1800 وابي اسال عن سعر الهوبات بالوكاله مع الفحمات الاربع الكفرات ونفس الشي الرياضيه مع الفحمات الاربع الكفرات
موديل السياره 2005 يعني ما راح اوديها عالضمان لانها ماشيه 140000 وانا ودي اركب الهوبات الرياضيه بس الناس تقولي غاليه حيل وفيه ناس تقولي ب 8000 حتى فيه
تكفون ابيكم تفيدوني وابي صور ولهم واسعارهم
يا ريت تردون علي مبكر لاني راح امسك خط بها بعد يومين وابي اغيرهم الحين ضروري
باي
وعليكم السلام . الرجه هذاي الي من الهوبات طبيعيه لازم تصير مع الزمن وأنا بصراحه ماعرف قيمه الهوبات . بس أنا أنصحك إخرط الهوبا أحسلك . أنا صارتلي نفس المشكله ورحت للوكاله ( القصيم) وقالي أبوديهن لم محل باصنعيه يخرطهن . ورخيص بعد سوالي الواحد بـ80 ريال ورجعن أحسن من أول, أنا أنصحك إنك تخرط أحسن من أنك تغيره وخساير وهو تقريبا نفس الشي . معلليش على الإطاله.
تقبل مروري...
وعليكم السلام ورحمةًُ الله وبركآتة
يا هلا فيك أخويْ ،
أنا أذكر أني ركبت ع الكابريس هوبات رياضيهْ بـ 1800 ريالْ ،
وفي الأخير بعتهم بـ 400 ريال ، !!
اقول خل عنك يا اخويْ والله ما فيه فرقْ ،
ومثل ما يقولون لك اسأل مجرّبْ ،
اللهم فرق بسيطْ ، أن الهوبات الرياضية تمسك اكثر بشويْ ،
واخرطهم احسْن لكْ ،
وخل عنك الخسايرْ ، استفد منها في شيء ثانيْ ،
سوآلمْ ،
مشكوورين عالمرور العطر يعطيكم ربي الف عافيه
بس يا شباب انا خرطتهم اكثر من مره يعني اتوقع ما عاد ينفعون
وانا اسال عن الهوبات الرياضيه اللي تركب على الاكورد
لانه فيه فرق بين سياره 8 سلندر ورياضيه و4 سلندر وعاديه
يا ريت تفيدوني
تقدر يا أخوي تزورْ أقرب مركز لـ رد كابْ وتشوفْ ،
أظن عندهمْ ( :
يمكن بعد تلقايهْ أرخصْ دامها 4 سلندرْ ،
مع أنه ما أدريْ ، أتوقع نفس الشيءْ ،
وللعلمْ يا أخويْ ، ترى الهوبات الرياضيهْ لين جيت تبي تخربطها ، لها مراكز محدودهْ ،
يعني في الأحساءْ ما فيه ألا مركز واحدْ فقطْ يقدر يخرطهمْ ،
وشسمه ؛ الرأي الأوّل والأخير لكْ عزيزيْ ،
بالتوفيق ..
انزين ماحد يعرف اسعار الطقم في الوكاله ؟
لاني محتار ويقولون الوكاله غالين حيل
كان معي كلام بس كلام الاخوان فية بياض الوجة ماقصرو معاك
سبب الرجه في الاكورد الهوبات لانها تسخن
نتيجة لذالك تتاكل الفحمات بسرعه
أنا انصحك بالهوبات الرياضيه
لاكن المشكله لازم تطلبها من بره وتقريبا سعر الطقم للامامي 163 دولار غير الشحن
والخلفي 145 دولار من غير الشحن
بالنسبه لأسعار هوبات الوكاله ..
الطقم الأمامي ب 520 تقريبا والقماشات الأماميه ب 240 ريال تقريبا وهذا الي تحتاج تغيره أما الخلفيه ماتحتاج تغيير لأن الرجه سببها الهوبات الأماميه ..
اخوي قريت باحد المنتديات عن تجربت واحد معه اكورد للهوبات شف الرابط شارح فيه كل شيء وبالصور وانا افكر انى اركبها http://www.assayyarat.com/forums/sho...d.php?t=133293
مشكووورين شباب عالردود والحمدلله اليوم رحت شريت هوبات وفحمات جدد من الوكاله طلع علي الهوب الواحد ب 354
وركبتهم والحين اوكي السياره ما ترج ولا فيها اصوات بس باقي لي البور حق الدركسون احسه صار خشن
يعطيكم ربي الف عافيه
يا خوي اشتري هوبات تجاريه مع قماشات اصليه,اسأل مجرب
ضوابط المشاركة
رد مع اقتباس
مواقع النشر (المفضلة)