الموضوع: كيف اشيل القار

المشاركة الأصلية كتبت بواسطة algattas

السلام عليكم يا شباب

وش اخباركم انشاء الله تمام

انا عندي مشكلة و مشكلتي اني دعست على قار وسخلي السيارة والكفرات ورحت للوكالة وقالولي ما عندنا شيء يشيل القار لازم انحك المنطقة الي عليها القار ونصبغها مرة ثانية وانا حاسس انه المهندس الي قالي هذا الكلام كذاب ابي اسألكم كيف ممكن اشيل القار بدون ما يأثر على الصبغ .

تحياتي

الوكالة ما عندهم سالفة ...

اخوي لو تذكر كتاب الكيمياء حق ثالث ثانوي القسم الطبيعي الفصل الدراسي الثاني .. بالتحديد الفصل الا يتحدث عن المجموعات الوظيفية .. في قاعدة لو تذكرها تصير احسن واحد (( لا يزيل الهيدروكربون الا هيدروكربون مثله ))

القار يعتبر هيدروكربون نسبة الكربون في مرتفعة .. اذا تحتاج هيدروكربون متطاير حق يزيله .. اقرب مثال هو البنزين

الثنر يعتبر من الأحماض القوية على صبغة السيارة .. صحيح هو بزيل القار ولكن بصعوبة واحتمال كبير يزيل صبغة السيارة معاه .. ممكن تستخدمه مع الزجاج لأن الزجاج عديم التفاعل مع اغلب المواد المنتشرة ..

استعمل بنزين قليل على المنطقة المصابة ولا تنسى تشحم وتلمع المنطقة المتعرضة للبنزين ..

ارشادات استعمال البنزين للتلميع ..

1- نقطة سلامة .. قم بتجهيز طفاية الحريق جانباً في حال حدثت مشاكل ..
2- نقطة سلامة .. قم بإزالة الشحنات السالبة من السيارة قبل البدء بالعمل .. وذلك بلمس جسم السيارة عدة مرات كذلك يفضل ان لاتقوم بالعملية وانت لابس ثوب ..
3- جيب لك قطنة تلميع صغير وصب عليها كمية بسيطة من البنزين .. امسح برفق وبحذر المناطق المصابة ولا تترك بقايا البنزين فترة طويلة على السيارة .. يفضل ان لا تتركها لأكثر من دقيقة ..
4- اغسل المنطقة جيداً بالماء
5- اعد تلميع المنطقة بواسطة تلميع متوسط الخشونة وبعدها بواسطة تلميع ناعم ..