السلام عليكم ورحمة الله وبركاته
المعذرة عن التأخر في الرد
كان عندي مشكلة في الاتصال امس واستغليت الفرصة بالنوم
المهم .. نظام الملاحة في الاكورد ما هو مقتصر على الشاشة بس
وعشان تضيفه على سيارتك ويشتغل معك صح لازم تشتري النظام كامل مع التوصيلات
وهذي صورة للتوضيح :
الكلام هذا سبق وقلته لك في اكثر من رد لكن الظاهر ردي ما كان واضح او اني كنت اكتب بخط شفاف !!
الشاشة اللحين ما بتستفيد منها الا في شي واحد
انك تستخدمها للعرض فقط (يعني تشغل عليها افلام او بلاي ستيشن او كاميرا .....)
الملف المرفق في الرابط تحت يوضح توصيلات الشاشة وباقي قطع النظام مع بعضها
وبتحصل فيه شرح كامل لكل سلك موصل بالافياش
http://up5.m5zn.com/ksamuqj7loli/03-05_Honda_Accord_Navigation_System.pdf.htm
اطبع الملف وخذه لواحد فاهم في الالكترونيات عشان يخترع لك مخرج فيديو للشاشة
ملاحظة مهمة جداً :
الفيش اللي تسأل عنه ما بيفيدك بشي واذا ركبت الشاشة واشتغلت معك لعرض الافلام والخرابيط الثانية تراك بتخسر اشياء مهمة واجد مثل التحكم بالمكيف والمسجل والراديو والساعة . يعني سيارتك بتصير دتسن موديل 76 بشاشة !! واذا ما تطابقت الافياش الموجودة بسيارتك اللحين مع افياش الشاشة ترا ما بيشتغل معك زر واحد فيها !!
يعني من البداية وبكل اختصار اذا منت مستعد تشتري باقي القطع اشوف من الافضل انك ترجع تبيعها في الموقع اللي اشتريتها منه او تحطها على الرف في غرفتك وتقول في نفسك كل ما شفتها :
يا رب متى يجي اليوم اللي تركب فيه الشاشة بدون اسلاك !!
اذا احتجت اي مساعدة المنتدى ورقم جوالي عندك
ويرحم والديك غير النك نيم الى اي شي غير لوحة سيارتك او كلمة (اكورد)
كنت ابي احفظ رقمك امس ولا عرفت وش اكتب مكان اسمك !!
اخوك محمد
رد مع اقتباس
مواقع النشر (المفضلة)