شكرا يا اخوي الهادف

وانا الحقيقة بديت أفكر في Crv لأن الوالد نصحني وقال اذا طلعت سيارتك جربها فترة واذا تأكدت انها تمام وقيرها مضبوط لا تخليها عندك وشف لك غيرها حتى لو تقسيط او تأجير

وسبب تفكيري في Crv بعد ما كنت أتابع Mrv من يوم نزل في 2003 وانبسطت يوم شفت تطويره في 2009 من خلال البايلوت هو السعر بصراحة لأن سعر البايلوت 139000 ريال بينما السي ار في بدون جلد 91000 يعني الفرق 48000 ريال وهذي تعني لي شيء كثير خصوصا إذا نويت آخذها تأجير

بس بتأكد ان شاالله هل الفئة الي أشرت لها من السي آر في هل فرقها عن اللي أعلى منها بس الجلد ؟؟ لأني ركبت الفئة الوسطى (جلد بدون زينون) في الوكالة وأعجبتني من الداخل وفيها كل الي أبيه < < واحد يزينها لنفسه بعدما فكر في بايلوت
وحجمها الداخلي نفس الأكورد الي معي الآن يعني تكفيني انا وعائلتي الصغيرة وزيادة مساحة تخزين ودبل .. لزوم المطامر في البران
ههههههههههه

وأرجو إذا عندك روابط لمواضيع مطروحة عن سي آر في من قبل أن تزودني بها لأني أبي استفسر عن بعض الأشياء في السيارة ولو حصل مواضيع جاهزة ونقاشات سابقة أفضل من طرح موضوع جديد