قرأت عدت مواضيع وشكاوي عن ضعف عزم الأكورد ، علماً بأني لما شفت مقاطع اليوتيوب أعجبتني قومتها وتسارعها كثير ، ولما أخذتها انصدمت بصراحة وشوي شوي .. ما راح أقول أكرهها لكن بصراحة صرت أتضايق منها.

حاولت بأكثر من طريقه أوزن رجلي عالدعسه لكن تبديلاتها جداً خشنه وما تحسسك انك بجو رفاهيه وفخامه ، خاصة لا حبيت تمشي عالراحة تقعد ساعه على ما تبدل من الأول للثاني ، وإذا دعست لها على حساب ممشى سريع شوي ما يوصل يعني لدرجة القومه تحس ان السيارة بتطلع روحها ولا هي راضيه تمشي زي السيارات العاديه ، وسواء بمكيف أو بدونه العزم للأسف غير مرضي بالنسبه لي ، ما أدري ان كانت مشكله بسيارتي تحديداً ولا الأكورد بشكل عام هي كذا وبودي أسمع آرائكم وتجاربكم حول نفس الموضوع.

سيارتي طبعا أكورد 2008 فل 4 سلندر
البنزين المستخدم هو أوكتين 91
الزيت هو كاسترول ماجناتيك
السيارة ماشيه حول 18 ألف كيلو

هل من طريقه معينه للحصول على أفضل عزم بدون أي تعديل على مكينة السيارة؟ أقصد بأسلوب الدعسه؟

هل لكم رأي آخر في الموضوع؟ يا ريت ما تحرمونا ..

شاكر ومقدر ..