الموضوع: تنسيم الهواء في الاكورد....مشكله تحتاج لحل..

الله يسعدك أكورداوي :D
ضحكت وأنا أقرأ ردك الثاني .. وأبشر بالمساعدة ..
====================
عندي ثلاث خيارات لعلاج هذي المشكلة ..
1- تلقى عند محلات الزينة جلد إضافية اسفنجية لونها يجي أسود .. اللفة الواحدة منها تكلفك 25 ريال تقريبا ..
طال عمرك هذي الجلد تلف على الأبواب الأربعة بحيث تنطبق على الجلد الأصلية الموجودة بالسيارة .. وفايدتها تضييق المجال لدخول الهواء .. بس ما أضمنها إلا إن كان تركيبها عند واحد محترف .. لأنك راح تحتاج تدبلها مرتين .. حتى تكتم تماما ..
عن نفسي جربتها .. لكن بكل صدق .. الفرق جداً بسيط .. أحسن من قبل .. لكن التنسيم باقي ..
2- الحل الثاني جربته مع الكامري .. بس راح يخلي قفل الباب قوي شوي .. وهو إنك تعمل شق بسيط جداً في جلدة الباب .. وتجيب السلك الأسود حق الدش .. وتدخله في الجلد بهدوء حتى ما تتأثر الجلد .. حتى يصير مثل الإطار داخل الجلدة ..
طبعا هذي ناجحة في الكامري .. بس برضه ما منعت التنسيم 100 بالمية ..
3- الحل الثالث بسيط جدا وسمعته من أحد الأخوان اللي عنده كامري .. وهو انك تصب على الجلد شوية موية قبل ما تمسك الخط :D وبعد ما يقفل الباب .. يجف الماء ويصبح مثل الغراء على الجلدة ..
طريقة غبية وما جربتها ..
أتمنى إني أفدتك وأنتظر ردك

للاسف من اكبر عيوب الاكورد .........

شف الحل الثالث اللي قال عنه انسان

اتوقع انه صحيح لانك لو تلاحظ بعد ما تغسل السياره الشنطه ما تنفتح بسهوله من اول مره

يعني لازم ترفعها بيديك اول مره .. لانها تكون لازقه بالجلد