اللي يعيشو في مدن مزدحمة ،، الخدوش لازم بتصير لهم

مدن مثل الرياض وجده والدمام مزدحمة،، ولازم تدور موقف بعييد إذا ما تبغا أحد يحكها ههه


تقدر تاخذ لك Touch up Paint على لون سيارتك ،، تطلبه من النت من هوندا وإذا صار عندك خدش بسيط جدًا تقدر تصبغه


من ناحية تموج الصبغة ،، كل السيارات الجديدة كذا ،، ولو تلاحظ إنها ماراح تكون واضحة إلا من زاوية معينة + ضوء معين

في الظل تكون واضحة بشكل أكثر

قبل كم يوم كنت في مواقف الجامعة المسقفة ،، وكان جنبي مرسيدس كوبيه جديد حق صاحبي ،، طالعت في البويه مموجة أيضًا ! .

لكن من سيارة لسيارة أخرى يختلف التموج، بعضها تكون واضحة وبعضها تحتاج تدقيق كبير عشان تشوفها.


أنصحكم بالتلميع بين فترة وأخرى ، وياخي شوف حاجة من اثنتين ما يصير تبغا السيارة تصير نظيفة وإنت تمشي في الغبار بسرعة، وتوقفها في مواقف مزدحمة وتوقفها بين سيارتين في موقف ضيق وما تغسلها إلا نادرًا ولا تلمعها.


ياخي سواء كان عندك BMW والا أكورد راح تكون النتيجة واحدة !

عندك خيار من خيارين ،،

1- يا تحافظ على السيارة وتوقفها بعيد وما تروح بها أماكن زحمة، وتغسلها أقلاً كل أسبوع مرة واحدة وتلمعها كل شهرين على الأقل، وما توقف في أماكن مزدحمة، ولا تمشي في الغبار بسرعة.

أو

2- امشي على راحتك و وقف وين ما تبغا ولا تلمع وغسلها في السنة حسنة .


يا شباب إنتو تبغو سياراتكم تلمع و فخمة وإنت كل يوم عابر فيها على شوارع مكسرة فيها حصى يضرب البودي ويخدشه ، ولا تحاسب في المواقف ،، إعطي السيارة وتعطيك، تبغاها تلمع اهتم فيها، تبغاها حق جور ومشاوير لا تهتم في الناحية الجمالية.