انا صار معي نفس الموقف كنت واقف في موقف عام وتقاجأت ان سيارتي مصدومه من باب الراكب

قعدت اسبوع كامل اتحري الي صدم سيارتي في نفس المكان وفي يوم الصبح لقيت سيارة مصدومة رحت قارنت صدمته مع صدمتي لقيت لون سيارتي على سيارته ولون سيارته على سيارتي ونفس المكان تماما رحت سألت مين راعي الكروزر طلع هندي دريول "مع العلم ان هذا الهندي كل يوم موجود وانا هذا مكان عملي" سألته انت صدمت سيارتي انكر قال لا بابا مافي انا انتظرت بعد شوي جات المعزبة حقته وقلت لها الموضوع دافعت عنه وقالت لا مو دريولي الي صدمك قلت حسبي الله ونعم الوكيل

بلغت الشرطه لكن ماكان عندي دليل قالي الشرطي المقانه مو دليل لازم شاهد ع الاقل قلت ما عندي شاهد قالي الله بيعينك صلح سيارتك

صلحت سيارتي لكن كل ما اتذكر الصدمه ادعي عليه هل هو الحين راضي لو عرف اني ادعي عليه كل ما اتذكر الصدمه طبعا لا

انا اعلم انه في ناس لو مكاني كان الحين الهندي في خبر كان لكن مثل ما قال أخي ابو المهند الدعاء اقوى مما تتخيل

وانشاء الله ما يوقع احد في هالموقف ابدا لانه موقف صعب جدا تحمله