ماتشوف شر يالغالي

من الحكة باين في الزاوية فوق ان البويه راحت وتحت بعد

انت ودها محل تلميع وخلهم يلمعون مكانها بس وشوف بعدين وش اللي يبيله صبغ واعتقد يمكن يكفيها تنقيط

ونصيحة عن تجربة خذها مني ولا تقول المباشر يبالغ

( خذ لك ديزل بريال وتعال للبيت وافرك مكان الحكة لين يروح هالأسود من المكان السليم اللي ماقامت منه البويه . وبعدها غسلها وفي البيت بعد وعطها شوي تلميع وتعال عطنا خبر وش يصير معك والأفضل تصورها بعد هالعملية )

وتدري ليه قلت لك عن الديزل !!! واحد من اخويانا جاته حكة تحت في الصدام الخلفي وجلسنا نلمع فيها لين دخنا وماراح اللون الأسود . المهم قلنا خربها ياولد وجيب ديزل ماهو هالديزل صاير ابو العجايب هاليومين قال تدري خلني بكرة بغسلها بستم واشوف وش يصير ، دق علي قال ياحبيبي مسحها الهندي بديزل وصارت مثل الوردة

عاد انت شوف شغلك بالبيت وان شاءالله الأمور تزين وياك