مســـاعدة في تخشيب السبشل

**برق** · 20-02-2009, 02:47 AM

بسم الله الرحمن الرحيم

أخواني أعضاء ورواد منتدى نادي محبي الملكه هوندا أكورد

السلام عليكم ورحمة الله وبركاتة

ياشباب موضوعي هو تخشيب السبشل أنا إنشالله مقدم على شراء اكورد اسبشل بس ما احب أشوفها بدون تخشيب

إذا شفت طبلون الفل تحس بفرق الفخامة ....................

لذا عندي سؤال مكون من عدة نقاط أتمنى من ذوي الخبره الرد علي وإذا تكلمتوا في هالموضوع من قبل عطوني

الرابط لأني جديد عليكم وطبعآ الموضوع راح نستفيد منه كلنا مع العلم أني مريت صالة السبر إلي بحي المنار بمعارض

النسيم وسالته عن سعر السيارة و عطاني سعر مع تخشيب مجاني طبعآ قيمة التخشيب 400 ريال إذا كنت شاري

السيارة من برا اللون صراحة يفرق يعني غامق بني محروق ولا أقدر أقول أفضل أوأسوء من لون الوكالة وتركيبه ياخذ

ساعتين أو ثلاث على كلامه و يتم تركيبة بالحراره طريقة التخشيب تفرق عن الوكالة وشلون يعني عندك فتحات المكيف

لراكب والسائق يخشبونها يعني زيادة عن شد بلد وفيه شي ثاني بعد الوكالة تخشب الابواب يعني من الجنب لكن التخشيبة حقت

السبر لأ بس يخشبون لك ازرار النوافذ اتمنى فهمتواعلي المهم هذا إلي أقدر أفيدكم فيه المهم موضوعنا لا ننساه

* من خشب اسبشل

* هل هو نفس الوكالة وكم سعره

* هل الوكالة تخشب وبكم أو مايخشبون أبد

وعند كم سؤال خارجه عن الموضوع

مثلآ الكشافات هل اقدر أركبها بدون فك صدام يعني مع السكن على طول بدون زر خاص

* تلبيسة المراتب الي لبس وجرب يفيدني

* قعطة البلاستيك الي بالشنطنة الواقي عن الأتربه (بوجه العدو) الي حصلها أوشافها أو أو

ياليت تكرم علي و تحط لي الأسعار الأماكن الي رحت لها

ومشكوووووووووورين جميعآ

أخوكم برق

**سـري للـغـايـه** · 20-02-2009, 04:52 PM

اخوي افضل محل للتخشب تقريبا الابداع تلقاه في الغرابي

وضمان لمده 10 سنوات وتقربا السرعه من 800الي 1200بس بصراحه السعر مو اكيد 100% وحتى نوع التخشب تبي يكون زي الوكاله ولا تبيه يزود شوي على الوكاله

وشغله بصراحه روعه واكثر الشباب يمدحونه

وراح تلقى عنده صور لسيارات وطريقه التشخيب بعد

وتقريبا تجلس السياره عنده من يومين الي ثلاث ايام على مااذكر

**بريق الصحوة** · 20-02-2009, 05:27 PM

اخوي بخصوص التخشيب هل شفت هو معدل سياره يعنى او صوره لها اذا شفت سياره مخشبه سعر صراحه ممتاز وسعر خيالي وتوكل على الله وراكب

بخصوص الكشافات في الوكاله 1500 تقريبا ولكن في الغرابي بسعر خيالي مركبها انا 270 ريال بس

**مهجد الحارة** · 20-02-2009, 06:18 PM

تفضل هذا موضوعي ان شاء الله تستفيد
وهذا الرابط
http://www.hondaarabia.com/club/showthread.php?t=14223&highlight=%C7%E1%CA%CE%D4%ED%C8

**lambo** · 20-02-2009, 06:40 PM

بالنسبه للكشافات عندك العضو كاكاشي سان يبيعها بسعر اقل من الوكاله
تقريبا 950 ريال سعر حلو وممتاز جدا وانصحك فيها

**الهنادي قراري** · 20-02-2009, 07:22 PM

حبيبنا انا لبست المراتب من الغرابي محل الاسماعيل

شغله رووعة

و السعر معقول 250

بس يمكن ياخذ زيادة

**برق** · 20-02-2009, 07:48 PM

مشكووووووووووووووورين أخواني جميعآ كلكم أفدتوني بخصوص الموضوع وبالأخير كلنا نتبادل الخبرات و الوصول لقرار السليم

بالنسبة للأخ إلي يقول الابداع أنا فريت النت فر وسألت ناس كثير طبعآ هذي وجهة نظري إذا بغيت تخشب روح للسبر وقوله باشوف

شكل التخشيبة حقتكم شوفها إذا أعجبك اللون خشب عندهم و أنا كما أسلفت بأن التخشيبة حقتهم غامقة شوي يمكن تعجب الكثير و إذا

ماأعجتك إشترها منهم وروح للأبداع وقوله يغير لونها للون إلي يناسبك طبعآ هي عبارة عن 6 قطع

1 _ القطعة الأولى إلي تجي مقوسه على الطبلون فوق الدرج هذي نفس الوكالة طبعآ قطعتين يمين ويسار لوحة التحكم بالمكيف وغيره

2 القطعة الثانية الوكالة يحطونها على الباب ممتده بالعرض لكن حقة السبر لأ تجي فوق يعني تركب على أزرار النوافذ

3_ القطعة الثالثة زيادة عن الوكالة يخشبون لك فتحت المكيف لراكب والسائق

قيمة التخشيب 400 ريال ..زمن التركيب ساعتين إلى 3 ساعات تقريبآ يعني أفضل من الأبداع يومين أوثلاثة مشكلة والله

الابداع أنا جربته فبل حوالي 5 سنوات و 7شهور بالضبط خشبت عنده طبعآ عباره عن طلاء (بويا) فكك الديكور وحاس الدنيا

والموتر جديد قطع قلبي وهو يفكك المهم صارت التخشيبة بايخة لغاميط ورحت الوكالة لقيت تخشيبة غير شكل وخشبت من عندهم

ب800 ريال السيارة كامري للأحاطة

طيب يا أخوان مافي أحد خشب عند الوكالة أو عنده خلفية هل هم يخشبون أولا لأن مالك عن الوكالة شغل هالسوارية ماينفع

الأخ إلي رد علي بأنه ركب الكشافات بالغرابي ..ماجاوبتني على سؤالي إذا جيت تركب الكشافات لازم تفك الصدام

وين ركبته أخاف أطيح بعليمي يحوس الدنيا و يخرب على شي ثاني لأني سمعت الهوندا لازم يفك الصدام مامدى صحة

هالكلام

ومره ثانية مشكورين أخواني

سري للغاية * بريق الصحوة ** مهجد الحارة **lambo** الهنادي قراري

**بريق الصحوة** · 20-02-2009, 08:57 PM

اقول يفك الصدام المحل وانت داخل الغرابي جاي من بدايه الشارع من عند محلات حق الخيام تصير على يدك اليسار وانت داخل من بدايه الشارع

التقاطع الاول لا والتقاطع الثاني بعد على ما عتقد لا تشوف محلات داخله في زي حرف u كلها حق زنون وال دي صدبات خلفيه
اول محل من على اليسار يماني اسمه عبدالاله على ماذكر مركبها من رمضان

فك الصدام وبعدين طلبت تركيب فصال خارجي

على فكره اريد مكان المحل الذي تقول عطنى العنوان كامل شكلي بروح عشان خشب بعد :d

**سـري للـغـايـه** · 21-02-2009, 01:31 AM

اخوي بخصوص الكبوس شوف الرابط موضحه توضيح كامل كيفيه تركيب ..

http://www.hondaarabia.com/club/showthread.php?t=16871

**برق** · 21-02-2009, 06:16 AM

مشكورين ماقصرتوا يعطيكم الف عافية

بريق الصحوة / سري للغاية

**فديتكـ** · 02-03-2009, 03:16 PM

على كلام اكثر العضاء ان محل الابداع هو الافضل

**almaster** · 15-08-2009, 01:27 AM

أخوي من ناحية التخشيب ما تروح الا عند الوكالة حتى لو أغلى شوي لكن عندهم استيعاب كل طلباتك يعني اذا كان غامق من جوة لها نقشة خاصة واذا فاتح نقشة خاصة وطبعا اذا حابب تضيف كربون للتخشيبة وكله شغل 100% وبعدين معروف شغل أبو هشوم لا يعلى عليه ;)