السلام عليكم ورحمة الله

فيه واحد من اخوياي معه اكورد 2004 مسكت معه يبيعه الاسبوع هذا !!

وسألني اذا كنت ابيه

بصراحة ما تتفوت نظيفة مابه صدوم

لكن به كم مشكلة وابشوف اذا حلوله بسيطه فانا دبرت فلوسه واشتريته ان شاء الله

المشكلة الاولى قبل كم شهر ولعت لمبة التشييك

ووداها الله يهديه لورشة الله اعلم بشغلهم
وقاله البواجي وغيرهن

وبتلت لمبة التشييك مولعه

فحصها كمبيوتر قالوا له حساس الشكمان

والى يومكم ما غيره

_____________
المشكلة الثانية

به ونين اذا دعست له بالفاضي ولا اذا لفيت الدركسون وانت واقف
____________
المشكلة الثالثة << طولنا

اذا صارت بالفاضي << وانت واقف
ودعست له يوصل امبير المكينة لـ5 ويبدأ يفصل
لكن اذا صرت تمشي وطقيته بالفاضي يوصل لين الاحمر << يعني الطبيعي

______________
المشكلة الرابعة والاخيرة <

اقفال الابواب

الريموت بس يفتح الابواب اللي ورا

باب الراكب لازم تفتحه بيدك

باب السواق ماينفتح بالمفتاح < < تدخل المفتاح ماتقدر تحركه لا يمين ولا يسار
يعني لازم تفتح اللي ورا بالريموت بعدين تفتحه بيدك

_
ادري تقولون وش هالمشاكل لكن ماشاء الله الموتر نظيف
لا قشوع ولا صدووم الله هالمشاكل

وسؤال اخير
هي ما ادري هي فل او سبشل

مواصفاته
فتحه
مسجل 6 سديات
مثبت سرعة


وش نوعه

وكم تقريبا تستاهل ؟؟

هذي صورته



آسف على الاطالة

ومشكورين مقدما