الموضوع: ابشتري اكورد وابي فزعتكم يا شباب تكفون

انحاش تكفا (اصلاح دوده)

بعدين خذ 4 سرندل نصيحه

ترى ارغب في البيعه + ارخص قطع + اوفر وقود + اخف بالزحمات

وانت بكيفك

لاكن ترى مامشى الموتر 80 بس وهو 2008
انا موتر 88 آلف ومديله 2009

الله يعطيك خيرها ويكفيك شررها

وقبل لاتشتريها اشتر فحمات لا هنت :d

^

هلا اخوي
اي هي 4 سلندر فل كامل (مهبول انا اشتري ستة .. تبيني انصلخ بالصيانة :d)

بس ليش قلت لي انحش؟ لهالدرجة الدودة مشكلة؟ قبل شوي خذيت فرة في المنتدى لقيت الأمة كلهم يشكون منها وخفت :(
بكم تصليحها يعني؟ وهل اقدر ادخلها صيانة الوكالة؟

اما الفحمات حاسب حسابها من الحين .. بشتري كرتون فحمات مع كل كرتون اندومي اشتريه :d

- هل كلام الميكانيكي صحيح؟ يعني اتوكل واخذ السيارة لو هذي عيوبها؟
اي نعم كلامه صحيح نوعا ما و توكل على الله و خذ الموتر
2- كم تكلفة الاصلاحات المذكورة أعلاه؟ هل تتعدى الـ 2000 ريال مثلا؟
لا ما أتوقع تتعدى الألفين
3- هل اقدر ادخل السيارة لصيانة الوكالة بعد ما أشتريها حتى لو هي موب على الضمان؟ يعني مثلا اقدر ادخلها صيانة الـ 80 الف وادفع حق الصيانة ولا ﻻزم أكون ملتزم بدفتر الصيانة أو تكون السيارة على الضمان؟ وكم حق الصيانة؟
اي نعم تقدر تدخلها الوكالة مفيش مشاكل :d
و أتوقع يصلحون لك الكليبر الخلفي على الضمان لأنه عيب مصنعي

شوف يا اخوي ممكن الدودة تعذبك شوي يعني انت لا تصلحها إذا كانت تهرب على خفيف
صلحها إذا طقت بعمرها :d و تصليحها يكلف تقريبا 800 ريال

اخوي الاشياء الي ذكرها المكانيكي عادية جدا ولا تعتبر عيب

اهم شي السيارة سليمة من الصدوم

والسعر يكون مناسب

بعدها خذها ولا ترد ع احد

بالنسبة للدودة الشركة ملزمة تصلحها على الضمان !

تاكد من مسالة الدودة على الرغم من ان السيارة تبقى على الضمان حتى لو لم تلتزم بالصيانة الدورية في الاوقات المحددة

هلا فيك يالغالي

بخصوص وزن الاذرعة هذا شيء طبيعي ولا فيه اي عيب وعادي كل سيارة بعد فترة معينه لازم لها وزن خصوصا اذا كنت بجدة لازم كل اسبوع

وبخصوص الكليبر رح للوكالة ويغيرونها لك مجانا لانه فيه عيب مصنعي

ما يبقى لك إلا دودة الدركسون يحتاج لها اصلاح خذ القطع من الوكالة ورح لورشة مضمونة خارج الوكالة ويصلحونها لك لان الوكالة تبيع قطع الاصلاح و ولا تصلح لك يقولون نغير الدودة وهي بحدود 3000 ريال يعني نصب في نصب ومع ذلك بترجع المشكلة لكن الحل الافضل الاصلاح

وربلات الشكمان ما عندي فيها خبرة يفيدونك الشباب


وبالنسبة للدودة ارجع لموضوعها مرة اخرى فيه موضوع منزله اخوي : دنيا الغرور وهذا الرابط حقه

http://www.hondaarabia.com/club/t47280/

خشة وشف التعليمات و ارسل بياناتك وان شاء الله يجيك الفرج و الله يفرجها علينا جميع


بس توكل على الله واشتريها و الله ممشاها ممتاز بالنسبة لسيارة مستعملة بس تأكد من انها سليمة من الحوادث وافحصها قبل لا تشتريها و الله يوفقك


وسلامتك ،،،

يعطيكم الف عافية على التطمين .. بعد الفحص طلعت لي المكينة والسلندرات كلها سليمة والشاسيه والعكوس والقير كلها تمام والميكانيكي قال لي مثل ما قلتم انه اصلاح فقط للدودة ولا تغيرها وكتبها بيده في التقرير

طبعا فيها بعض الرشوش مثل ما قال لي راعيها بصدق .. وفعلا بعد فحص البودي علمني العامل وين مكان الرشوش بالضبط وقال انها رشة ممتازة بدون استخدام المعجون في اطراف باب الراكب وكذلك في الرفرف الايمن (وهذا اللي رخص سعرها شوي وانا راضي بهالعيب)

واذا شريتها بحط شكواي من الدودة مع شكاوى الشباب لعل وعسى نطلع بفايدة من هالوكالة

باقي سؤال واحد ما جاوبتوني عليه بس يا شباب .. كم تكلفة صيانة 80 الف؟ >>> لا تضحكون عليه اذا ما فيه صيانة عند 80 الف :o .. قولوا لي اقرب صيانة منها وكم تكلف بس :d


شكرا مرة ثانية

المشاركة الأصلية كتبت بواسطة nietzsche

يعطيكم الف عافية على التطمين .. بعد الفحص طلعت لي المكينة والسلندرات كلها سليمة والشاسيه والعكوس والقير كلها تمام والميكانيكي قال لي مثل ما قلتم انه اصلاح فقط للدودة ولا تغيرها وكتبها بيده في التقرير

طبعا فيها بعض الرشوش مثل ما قال لي راعيها بصدق .. وفعلا بعد فحص البودي علمني العامل وين مكان الرشوش بالضبط وقال انها رشة ممتازة بدون استخدام المعجون في اطراف باب الراكب وكذلك في الرفرف الايمن (وهذا اللي رخص سعرها شوي وانا راضي بهالعيب)

واذا شريتها بحط شكواي من الدودة مع شكاوى الشباب لعل وعسى نطلع بفايدة من هالوكالة

باقي سؤال واحد ما جاوبتوني عليه بس يا شباب .. كم تكلفة صيانة 80 الف؟ >>> لا تضحكون عليه اذا ما فيه صيانة عند 80 الف :o .. قولوا لي اقرب صيانة منها وكم تكلف بس :d


شكرا مرة ثانية

هلا فيك يالغالي

بخصوص الصيانة انتظر إلى صيانة 100 الف كيلو وسويها

وهي يكون فيها التالي ( بالنسبة للوكالة ) :

1- تغيير زيت الجير + الفلتر

2- تغيير زيت المكينة + السيفون

3- تغيير فلتر الهواء

4- تغيير فلتر المكيف

5- تغيير البواجي ( هذي على حسب كلام الميكانيكي )

6- تغيير فلتر البنزين ( بس فلتر البنزين يحددها الميكانيكي اذا كانت تحتاج لتغيير او لا )

واذا فيه شيء ناقص ما يقصرون الاعضاء

وسلامتك ،،،

السيارة اشوف انها نظظظظظيفة
ولا تفوتها نصيحة لان ممشاها قليل << بس تاكد ان الممشى صحيح لان هاليومين يا كثر الي يلعبون فيه
وترا الخرابات الي ذكرتها بنظري ما تطيح قيمة السيارة الا اصلاح الدودة ولا يبيلها شي 500 ريال يمكن وتطلع لوووقطه
ولا تنسى الاستخارة