سؤال عن البريكات , بس بغيت شرح مفصل من الخبراء

[bu_rashed]

السلام عليكم شباب , كيف الحال ان شاء الله بخير , ما اطول عليكم انا بصراحة عندي بعض الاسئلة عن البريكات واتمنى من اللي عنده خبرة يجاوبني عشان استفيد وبالمرة الكل يستفيد , لأني مليت من الوكالة والمبالغ اللي كل مرة يحسبونها علي , وانا بصراحة قررت ما اوديها الوكالة نهائيا , نفس الوقت ابغي احافظ على سيارتي ... المهم ما ابغي اطول عليكم هذي الاسئلة :

اذا حسيت ان البريك ضعيف (ما يمسك تمام) , ايش يعني هذا الشي ؟ هل المشكلة بالسفايف او بالديسك ؟ واشلون اعرف من اي واحد ؟

وايش مقصود بـــ "facing" للديسكات ؟ وليش يكلف 45 دينار = 450 ريال (عند الوكالة) ؟ وهل فعلا يكلف في الكراجات مبلغ ما يتجاوز 5 دينار = 50 ريال ؟

وكم العمر الافتراضي للسفايف , يعني كل اشكثر اغيرها ؟؟ وهل السفايف موجودة قدام والا ورا ؟

وهل الهاند بريك له علاقة بالبريك نفسه ؟ لأنه الهاند عندي ما يمسك تمام في المرتفعات والسيارة واقفة

وهل السفايف للهاند جدام والا ورا ؟؟


اسمحولي اذا الاسئلة ملخبطة :d , بس ياريت احد يجاوبني الجواب الشافي

[المباشر]

وعليكم السلام ورحمة الله وبركاتة

حي الله ابو راشد ويامرحبا بك

والله يالغالي انا أشور عليك بشغلة وهي

1- تخرط الهوبات ( الديسكات ) وتركب فحمات جديدة لها ( واذا خرطت الهوبات من قبل لثلاث مرات فنصيحتي تبدلها بجديد حتى ماتنكسر عليك مع الحرارة والأستخدام بعد الخرطه الرابعه )

2- تسوي وزن للبريكات بعد التركيب تنسيم واخراج الهواء للأمامية ووزن السلك للخلفية

3- مده الأستخدام والتبديل تعتمد على طبيعة القيادة والأستخدام يعني في ناس يبدلونها كل شهرين وفي ناس كل 8 شهور وناس كل سنه او سنه ونص وهكذا

وسؤالك بخصوص الهاند بريك فهي ( الخلفية )

وأي أستفسار أبشر من عيوني

سؤال : نوع السيارة - موديلها - كم عدد تبديلات الديسكات او خرطها ومتى آخر مرة بدلت الفحمات وهكذا .. اذا ممكن تدردش معانا شوي وتعطينا نبذه قصيرة عن صيانه الموتر .. وشكرآ

[bu_rashed]

وعليكم السلام ورحمة الله وبركاتة

حي الله ابو راشد ويامرحبا بك

والله يالغالي انا أشور عليك بشغلة وهي

1- تخرط الهوبات ( الديسكات ) وتركب فحمات جديدة لها ( واذا خرطت الهوبات من قبل لثلاث مرات فنصيحتي تبدلها بجديد حتى ماتنكسر عليك مع الحرارة والأستخدام بعد الخرطه الرابعه )

2- تسوي وزن للبريكات بعد التركيب تنسيم واخراج الهواء للأمامية ووزن السلك للخلفية

3- مده الأستخدام والتبديل تعتمد على طبيعة القيادة والأستخدام يعني في ناس يبدلونها كل شهرين وفي ناس كل 8 شهور وناس كل سنه او سنه ونص وهكذا

وسؤالك بخصوص الهاند بريك فهي ( الخلفية )

وأي أستفسار أبشر من عيوني

سؤال : نوع السيارة - موديلها - كم عدد تبديلات الديسكات او خرطها ومتى آخر مرة بدلت الفحمات وهكذا .. اذا ممكن تدردش معانا شوي وتعطينا نبذه قصيرة عن صيانه الموتر .. وشكرآ

الله يحييك ويبقيك يا المباشر ,,,,

بالنسبة سيارتي هي موديل 2006 مواصفات كاملة وماشية لليوم 65000 , غيرت الفحمات مرة وحدة من خذت السيارة , ومرتين خرطو الهوبات(الدسكات) وآخر مرة في 60000 لكن ما بدلو لي الفحمات ما اعرف ليش ؟؟
ومشكلة ضعف البريكات من انحلت بعد خرط الهوبات

هل ممكن يخرطون الهوبات بدون تغيير الفحمات ؟؟

وبغيت اعرف بكم الهوبات الجديدة وكيف اعرف ان هي مهلوكة او لا ؟

وبكم الفحمات الجديدة ؟

ادري غثيتك بالاسئلة (ما انعطه وجه) :d

سؤال اخير ليش الهاند بريك عندي ما يمسك كويس ؟

اتمنى القى اجابات مفصلة اذا ما فيها كلافة ,,, ترى اخوك غشيم ودايم يمشي على كلام الوكالة وبصراحة نويت اترك الصيانة بالوكالة واعتمد على الله ثم على خبرتكم (ومنكم نستفيد),,,

كني طولت ....

ع العموم مشكور على ردك السريع


اخوك ,,,
بوراشد

[المباشر]

الله يحييك ويبقيك يا المباشر ,,,,

تسلم ياغالي ومايهمك اخدمك بعيوني ياطويل العمر

بالنسبة سيارتي هي موديل 2006 مواصفات كاملة وماشية لليوم 65000 , غيرت الفحمات مرة وحدة من خذت السيارة , ومرتين خرطو الهوبات(الدسكات) وآخر مرة في 60000 لكن ما بدلو لي الفحمات ما اعرف ليش ؟؟
ومشكلة ضعف البريكات من انحلت بعد خرط الهوبات
هل ممكن يخرطون الهوبات بدون تغيير الفحمات ؟؟

طبعآ باقي لك خرطه وحده بس وبعدها الهوب ماينفع

الصيانة وناخذ مثال على صيانة الدمام : يخرطون الهوب ويركبون نفس الفحمات اذا باقي في عمرها وهذا خطأ والسبب الهوب راح يكون مخروط ومتساوي ولكن الفحمات راح تكون فيها اجزاء بارزه ومنحنيات بسبب الهوب قبل الخرط ووجود مثل المطبات فيه والتعرجات واللي الفحمات راح تكون اخذت شكل الهوب قبل الخرط وبعد تركيبها راح يبدأ الحفر بالهوب المخروط

ولها عده حلول المفروض انها تعمل وهي : 1- سنفره الفحمات او بردها ولي موضوع بهذا الخصوص

2- تغيير الفحمات بجديدة

وبغيت اعرف بكم الهوبات الجديدة وكيف اعرف ان هي مهلوكة او لا ؟

وبكم الفحمات الجديدة ؟

بخصوص سعر الهوب والفحمات للأسف ماقدر افيدك ولكن راح افيدك بسعر الفحمات الخلفية في وقت ثاني والسبب السعر موجود عندي بس بالبيت وانا بالعمل حاليآ

ادري غثيتك بالاسئلة (ما انعطه وجه) :d

أبد يالغالي ماسوينا الا الواجب وتمنيت اني افيدك أكثر

سؤال اخير ليش الهاند بريك عندي ما يمسك كويس ؟

حدد موقعك وراح نرسلك ان شاءالله على ورش شغلهم نظيف ويضبطون لك اللي تبي بأقل من سعر الوكالة والهاند بريك يحتاج فحمات جديده ووزن لها ..


اتمنى القى اجابات مفصلة اذا ما فيها كلافة ,,, ترى اخوك غشيم ودايم يمشي على كلام الوكالة وبصراحة نويت اترك الصيانة بالوكالة واعتمد على الله ثم على خبرتكم (ومنكم نستفيد),,,

كني طولت ....

ع العموم مشكور على ردك السريع