الموضوع: عندي مشكلة صوت قوي بالماكينة لما أدعس بنزين

هلا بالمباشر

والله في الحالتين في صوت بس للحين مو عارف المشكلة بالضبط
لو تسمع الصوت تقول كأن طراد بحر أو موتر سيكل ( دباب )
هي بعض الأحيان إذا كانت حامية ومخلي السيارة على الفاضي أدعس بنزين يطلع صوت وبعض الأحيان ما يطلع
ولكن لما تتحرك السيارة يطلع صوت والصوت يصير قوي لما تكون السيارة في الصباح أو إذا توقفت فترة ساعات تقرف وأنت تسمع الصوت .
أنا أقول يمكن بيرنق ( رمان ) أما للدينمو أو علبة الدريكسون مع العلم بأن صار لي شهرين من غيرت البيرنق حق علبة الدريسكون لما عملت لها إصلاح .
بس على فكرة قبل يومين شيكت على زيت علبة الدريسكون لقيته ناقص شوي بس الصوت ما راح

والله تعبت
أنا اليوم احتمال كبير أوديها الورشة في الخضيرية و إن شاء الله يشوفوا لها حل عشان يرتاح بالي .

دعواتكم لي وأن يكون الخراب سهل .

أستاذي المباشر : هل هذا الصوت يمكن أن يكون مصدره بيرنق الكفر مع العلم بأن الكفر صادته ضربة خفيفة قبل شهر تقريباً
وغيرت الكفر و عملت وزنية أذرعة والمقص بعد تعور شوي

هل بيرنق الكفر هو السبب أم ماذا

مع العلم بأني رحت البنشري اللي جنب البيت خليته يرفع السيارة وجلست أدوس بنزين عشان أبي أتأكد هو من الكفر او لا
يقول البنشري ما في صوت

بس بالصراحة أحسه شيك عليها بالسرعة

دعواتك أخوي المباشر أن يكون الشي بسيط وسهل لأني والله رصيدي على وشك يصير صفر

الله يعين الجميع

انتظر ردك وردود بقية الأعضاء

المشاركة الأصلية كتبت بواسطة موسيقار;213
[center

دعواتك أخوي المباشر أن يكون الشي بسيط وسهل لأني والله رصيدي على وشك يصير صفر[/center]

انت الى الحين ما صفرت خخخخخخخخ ياهلا بالموسيقار شف انا بقولك بس حسب تجربتي بسياره مو اكوورد المهم الشكمان والمكينه تكون بينهم نقطة التقاء ويسميه البعض (وجه ) طبهاَ كل الكلام هذا يكوون في مقدمة السياره عند المكينه انا اتوقع صارت لي نفس المشكله رح لميكانيكي كويس وقله يشوف لك الوجه اللي بين المكينه والشكمان
وتيحاااتي