الله يعينك ياخوي اذا القزازه مشطوبه شطب
تقدر تسويها بدون ما تغيرها وانت من وين علشان نقدر نساعدك
لأن فيه محلات يعالجون القزاز عندنا في الدمام فيه واحد
السلام عليكم ورحمة الله وبركاته
سيارتي 2008
جيت امس طالع من العمل ويوم ركبت الموتر وابي اشغله
لقيت المفاجئه
القزازه الاماميه واحد راميها بشي وجاء فيه شعر من الزاويه لين الوسط
صراحه انقهرت الله يكسر يده ولايبارك فيه
ابي اعرف وش رايكم اغيرها في المحلات العاديه
او اغيرها في الوكاله
وسعرها اذا بالامكان احد يبغلني عنه
لاني صراحه مابعد عرفت عن السعر
تحياتي للجميع
الله يعينك ياخوي اذا القزازه مشطوبه شطب
تقدر تسويها بدون ما تغيرها وانت من وين علشان نقدر نساعدك
لأن فيه محلات يعالجون القزاز عندنا في الدمام فيه واحد
لا والله يالغالي انا بالرياض
بس ناس قالوا لو انها صغيره راح تتعالج
بس شطب ماخذ نصف القزازه ما يعتقدون انها ببتعالج
بس راح ادور والله يعين
تسلم على مرورك
أقترح عليك تمر محلات القزاز وتوريهم إياها
إذا بتتعالج بنظام الشفط خير وبركة
أهم شي لا تغيرها عندهم حتى لو قال لك القزاز من الوكالة ووراك شعار هوندا على القزازة
لأن القزازة الأمامية حساسة من جهة الهواء وتنسيم الهواء
ولا تغيرها الا عند الوكالة
ورد لنا خبر
إذا بتتعالج بنظام الشفط خير وبركة
شفط ؟؟؟
رح للصناعيه القديمه فيه محل دكتور الزجاج
يرجع لك القزازه بنسه 85 الى 95%
اهم شي غط الكسر بشطرطون شفاف عشان ما يدخل الغبار فيه
..
....
لاهنتوا ياشباب
الله يسعدكم
بشوف كيف وضعها اليوم او بكره واردلكم خبر
والله يكون في العون
.
.
.
اذا الشطب في حدود الـ 20 سم بحد اقصى ,,, وماكان في الطبقتين الداخلية والخارجية ,, تقدر تعالجه ويختفي نسبيا ,,,
لو كان اطول من كذا ,,, الله يعوّض عليك وتغيّر القزازة
وسعرها في الوكالة تقريبا 1800 ريال ,,, غير اجور التركيب
وسعر الوطني والتايواني اللي في السوق 300 ريال شامل التركيب
وانا عن نفسي قبل كم اسبوع غيّرت القزازة الامامية للمرة التانية ,,,, وركبت تايواني
علما ان قزازة بلدها حصل في مرتين تشطيب ,, وعالجتها ,,, الا ان انشطب شطبه جامده ولزم تغييره ,,, وغيرته وانشطب وغيرته تمام
وان شاء الله ماتحتاج انك تغيره
على حسب يا غالي ..
بالنسية للسعر .. كان الاخ honda boy يقول انه اشترى قزاز لسيارتة بـ 2000 ريال ؟! ( اكورد 2005 )
و عندك حلين
1 - تروح لمحلات الزجاج و تشوف وش يقولوا لك .. افضل طبيب الزجاج .. وشوف وش يقولوا لك .. احيان تتصلح و احيان يقولوا لك اطلب الله
2 - تروح تشترية من الوكالة و تركبة برا الوكالة .. ترا التركيب ما يحتاج له خبير .. كله يفك القزاز القديم .. و يحط سيلكون في مسار القزاز و بعدين يركب الجديد مكانة ... الشغلة كلها ما تاخذ ساعة او اقل ( اضن )
..............
او فيه حل اليييييم
روح اشتريه من التشلح تراه قزاز لا راح ولا جاء .. بس تأكد انه مافيه شي
ياغالي والله غيرت برى الوكالة مرتين
وبالأخير رجعت للوكالة
والحمدلله نسيت من كل شي
بصراحه نروح نروح ونرجع للوكالة
اخوي غير لـ TOYOTA XA قبل سنتين القزاز الامامي ... و الحمد لله ماشي معاه من هذاك اليوم ما اشتكى
لا و ازيدك من الشعر بيت :d
القزاز صناعة وطنية يعني ابو كلب .. و الحمد لله ما اشتكى منه .. ولا و السيارة ما تتغسل الا كل 6 شهور + واقفة في الشمس من يومها لا قراج ولا بطيخ
و ترا الدعوه كلها قزاز + سيلكون لا تكبروا الموضوع ؟
الله يكون في العون وش هالسعر
صراحه مابعد رحت للمحلات المتخصصه عشان اشوف وش يصير
لكن برووح واردلكم
تسلمون على هالمعلومات الله يسعدكم
لاهنتوا
مواقع النشر (المفضلة)