ارجو الدخل للضرورة هل مسجل 6 سيديات يركب على السبيشل؟

**مجنون اكورد 07** · 14-03-2009, 12:04 AM

السلام عليكم

بس حبيت اقول لكم ان جارنا عنده اكورد اسبشل 2008 يبي يركب مسجل 6 سيديات بالأكورد

وحاب يعرف هل يركب مسجل الفل على السبشل واذا يركب وين يحصله طبعا من الشرقيه

وشكرا

**المـــــلكـ اكـــــورد** · 14-03-2009, 12:40 AM

كل شي يركب بس تكلفته عالية جدا
احسن حل ببيع سيارته ويزيد عليها قيمة التعديل وياخذ اكورد فل

تحياتي

**مجنون اكورد 07** · 14-03-2009, 02:37 PM

يعطيك العافيه اخوي الملك اكورد بس بكم تكلفة المسجل

**المـــــلكـ اكـــــورد** · 14-03-2009, 03:40 PM

ولا يهمك اليوم بسأل لك وارد لك خبر

تحياتي

**V6 2007** · 14-03-2009, 11:25 PM

ايه اخووي يركـب
بس يبي له وجـع راس..
والله انا ابي انصح كل واحد
يبي يشتري موتر قبل لا يشتري
يشـوف مواصفـات سيـارته..
عشـان يمكن يلقى مواصفـات بفئه
من فئـاتها ماهيب موجـوده فيهـا
ويقعد يولف ويعور راسـه..

علعموم لو تبي تعرف وين يبيعون
ابحث بقوقـل ويمكن تلاقي..
واتوقع كوكو كورد له خبره اكثر منـا
عشـانه ركب مسجل 6سيديـات لـ اكورد 2007 سبشـل
اسـأله يمكن يفيدك

تحيتي

**B Useful** · 14-03-2009, 11:56 PM

حتى ما اصير فيلفوس واتوهق ،،

2008 مدري عن الفئات الموجودة في امريكا ؟؟ ( مسجل الاكورد 2007 اللي ركبتة لواحد الاعضاء مشترى من امريكا من اكورد ستاندر بمسجل 6 سيديز ومكيف عادي )

ما ادري هل عندهم متوفر اكورد 2008 ستاندر بمسجل 6 سيديات ومكيف عادي ؟؟؟ <<<<<<<<<< هذي شغلة الملكـ اكورد اللي قال بيسأل وبيرد خبر <<< :p

اي شي تبونة ،، من القلم لين كراسي المكينة حقت مكوك الفضاء تشالنجر ولا رمان بيلي حق غسالة سامسونج او مسجل اكورد 6 سيديات ومكيف عادي او صوفة مكينة حقت دباب هارلي او ريموت حق فيديو سوني او iPhone 3G مكسور الحماية جوال قديم في بالك زي اريكسون R380 او اي شي في بالكم ،، تلاقونة في هالموقع : www.ebay.com ،، اهم شي تعرف اسم القطعة اللي تبيها بالعنجليزي بالكامل ...

^^ شرايكم في السواليف ... اطلع برا احسن ؟ ^^

**ن ع ر السعودية 0005** · 15-03-2009, 08:13 PM

أعتقد يركب لاني شفت اليوم موضوع أحد الأعضاء وعنوان موضوعه مراسلكم من أمريكا شاري أكورد 2009 فل ومنزل صور لها ومن ضمن الصور صورة المسجل وعلى كلامه أنه مسجله 6 سيديات ولمن شفت مسجله حصلته مكيف عادي مو إتوماتيك زي الفل وهذا ما لفت نظري له وإنشاء الله الشباب مايقصرون معك.......

**المـــــلكـ اكـــــورد** · 15-03-2009, 10:09 PM

سألت اليوم في التشليح والنتيجة ان الضفيره تختلف في الفل عن السبيشل << 2008
واللي يبي يعدل اقل شي يحسب حساب 5000 الاف وطالع مع الرجيع

<<يعني مافي حل الا تشوفون الاكورد الامريكيه الستاندر (مسجل ست سيديات ومكيف عادي )وجاري البحث عنه...ا

**shade** · 15-03-2009, 11:08 PM

قيمة المسجل مع الشاشة حقته بـ 4500 ريال في الوكالة بس ما ادري اذا تركب ولا لا

**المـــــلكـ اكـــــورد** · 15-03-2009, 11:56 PM

^^
التغير يشمل ضفيره السياره كامله مع تغير الطبلون كامل والمسجل والشاشة
والميزه في 2008 ان الستاندر فيها مثبت سرعة وتحكم صوتي يعني ان شاء الله الشغل مضمون لكن ارجع واقول مكلف

**tfah** · 17-03-2009, 10:40 PM

اشتري مسجل كامل من اتشليح طبعن حقت فل كامل 2500 ريال من تشليح
و محول مكيف اكتروني 250 ريال من الوكالة
وضفير مكيف ؟؟؟ كم سعر الله واعلم
ويركب انشاء الله
بس للمعلومة مااعرف احد ركب
وشكرااااااااا

**مجنون اكورد 07** · 21-03-2009, 08:49 AM

الملك اكورد ، v6 2007 ، كوكوكورد ، ن ع ر السعوديه 0005 ، tfah ، shade

يعطيكم الف العافيه على المرور والله ما قصرتو وجمايلكم على راسي ويوم وريت الرجال الموضوع بطل شاف ان فيه شغله قال خلني على اللي عندي وبيركب 6 سيديات بالشنطه

**اكورد026** · 21-03-2009, 03:27 PM

طيب حتى 2007 نفس 2008 يبيلها عوار راس ولا لا

لاني شفت باليوتوب واحد يركب مسجل من امريكا سهل بس فك الاول وركب الجديد بس توصيل لاغير

مدري كم قيمته من امريكاا وهل القاه هنااا