جاك يامهنا ماتمنى .. انا كنت ناوي اكتب الموضوع هذا وابي احد يجربه معي
امس ياطويل العمر مسكت الكتلوج ودخلت على موقع امريتسي .. المهم زبطه معي الحركه ميه بالميه
بس انلحس مخي ابو ربع ساعه لين طبقت الحركه المكتوبه بالكتلوج بالحرف الواحد
طبعاً انا سيارتي امريكيه .. ومادري عن السيارات الخليجيه .. بس انا بعلمكم وش سويت بسيارتي بالحرف الواحد
اول شي اركب سيارتك <<<<< ليه يبي يبرمج وهو بالشنطه يعني ياذكي :d
القير يكون على وضعيه P
حط مفتاح التشغيل بمكانه .. وفر المفتاح على وضعيه II اللي هي اذا اشتغلت انواع الطبلون ..
الحين رح لم زر القفل .. زر القفل فيه وضعيتين .. قفل او فتح <<<<< يقالك جبت شي جديد
ماعلينا ..
اضغط زر الفتح وخلك ضاغط عليه .. تبي تسمع قفل السياره يقفل بعد خمس ثواني .. شوي تلقاه يقفل بعد خمس ثواني ثانيه
يعني المجموع عشر ثواني
بعدها شل اصبعك عن الزر .. وطلع المفتاح على طول .. اجلس مده خمس ثواني بعدين ارجع ركبه من جديد
الخطوه هذي تكون برمجت .. السياره .. اذا وقفت يفتح الابواب كلها على وضعيه p
اما بالنسبه للوضعيه الثانيه .. انك اذا بغيت البيبان تقفل لحالها
سو نفس الخطوتين الاولى اللي ذكرتها .. بعدين بدال ماتضغط زر الفتح اضغط زر القفل
تبي تسمع نفس الصوت بعد خمس ثواني .. بعدها طلع المفتاح على طول واصبر خمس ثواني شغل
اهم شي انك تركب السياره والقير على وضعيه p
باب السواق يكون مقفول يعني لا تبرمج وانت فاتح الباب ورجلك على الرصيف
الجلنط .. الهاند بريك مسحوووب الله لا يهينك
وجرب الحركه هذي وعلمني .. لاني كنت ناوي انزلها بموضوع .. بس دام الموضوع موجود
انت راعيها وسمها .. وياليت تلعمني وش صار معك
انا سيارتي .. EX-4 syl
٤ سلندر فل كامل مخمل
ان شاء الله تزبط معكم الحركه
رد مع اقتباس
مواقع النشر (المفضلة)