موقع ... يبي يعجبكم .. واسعاره مناسبه للاكسسوارات

**باريس نجد** · 18-03-2009, 05:20 AM

صراحه الموقع هذا انا قارنته مع كذا موقع لقطع غيار هوندا
وخاصه الاكسسوارات .. واللي عرفته واللي قريته من الممنتدى عندنكم

انكم ماقصرتو .. فيه شباب كثير يطلبوووون من امريكا .. وتاصلهم قطع الغيار .. انا صراحه

اشوفهم ارخص موقع .. لاني تقريباً قارنته مع اكثر من اربع مواقع .. وميزه هذا الموقع
فيه مقاطع فديو تعلمك وشلون تركب القطع بدون ماتحتاج انك تروح لم احد .. بس الله لا يهينك بريق الشاهي
وانت في الحوش حق بيتكم شغل ابو نوره وادهر .. تبي تطلع بنتيجه ممتازه .. واللي يحتاج اي مساعده انا تحت امره

وهذي بعض صور القطع حقت الموقع .. وللمعلوميه .. هذا الموقع مختص لهوندا وبس

نسافات الاكورد .. مصبوغه وجاهزه للتركيب

الازياق الجانبيه للموتر برضو مصبوغه وجاهزه للتركيب .. وطريقه شرحها موجوده كيف تقدر تركبها

الجناح الخلفي .. اللي هي السحبه الخفيفه .. <<<<<<<<<< الخطه الجايه .. بعد الراتب الجاي :d

LED تركب على السمكه حقت الباب .. واذا فتحت الباب تشتغل .. ويعتبر سعر الموقع ارخص شي لقيته الى الحين

جالس افكر اركبها ولا لا .. الى الحين ماستقريت على قرار

LED انوار داخليه تحت الرجلين .. صراحه الحركه تدوخ تدوخ تدوخ ...

اذكر .. انا سويتها .. اخذت انوار كابرس من التشليح .. واشتريت لمبات من محل قطع الغيار
سويت التوصيله مع الفاصل اللي جنب الباب .. بحيث انك اذا فتحت الباب تفتح معك اللمبات وكانت الحركه روعه وقمه في الروعه .. بس هذي الانوار .. ال اي دي .. وتشوف الاضاءه كيف .. بعدين يجي لها كت .. انك تقدر تفتح النور وانت قافل الباب .. شي خوووووووورااااااااافي

اتمنى انكم تلقون كل شي تحتاجونه في هالموقع

http://www.collegehillshonda.com/accordaccessories.htm

طبعاً فيه اكثر من موديل .. اللي عليك تختار موترك
انا حاطه على اكورد .. ;)

**FANTASTIC MAN** · 18-03-2009, 05:44 AM

يعطيك العافيه اخوي accord_09

فعلا موقع سلس ومو معقد وكل شي واضح فيه وبالنسبه للـ( LED انوار داخليه تحت الرجلين) بجد بجد حركه رهيييييييييييييبه بس مدري هو يجي منها الوان والا بس لون واحد اللي هو ازرق ؟؟
لأن انوار السقف لونها اصفر يعني لازم يكون اللي تحت الرجلين لونها اصفر عشان تتناسق السالفه:d

بالأخير أقدم لك شكري على مجهودك المبذول

تحياتي:d

**باريس نجد** · 18-03-2009, 07:56 AM

هلا والله ومسهلا

بالنسبه للالوان اكذب عليك كاني قريت شي عنها .. اللي مكتوب هو انها لو واحد .. بس من عنوني بكرى ان شاء الله ادق عليهم واسأل عن امكانيه الالوان

واتوقع انه مافيه الا لو واحد والسبب .. انك لو تدقق على اللمبات الداخليه .. اللي فوق عند المرايه .. تلقى فيه لمبه زرقاء تنور داخل السياره شغاله على طول ..
اتوقع والله العالم انه مسوينها ماتش مع نفس اللون ..
وبكرى ان شاء الله اجيب لك الخبر الاكيد ..
ويسلمووووووو على المرور حبيبي

**B Unique** · 18-03-2009, 12:09 PM

مشكور على الافادة يالغالي
الموقع هذا مشهور ومعروف بس مشكلته ما يقبل طلبات من خارج امريكا

**roooo7majed** · 18-03-2009, 01:08 PM

يعطيك العافية اخوي ع الرابط كفيت ووفيت

**باريس نجد** · 18-03-2009, 11:52 PM

الوان والا بس لون واحد اللي هو ازرق ؟؟

دقيت عليهم اليوم .. وسألتهم عن الالوان .. قالو لي مافيه الا هذا اللون اللي عندهم
بس اتوقع انك تقدر تغيرها انت من نفسك .. من خبرتي معهم .. انهم مايعرفون شي اسمه تغيير
هذا اللي يجي وهذا اللي يركب وبس .. مايفكرون في اي شي ثاني

مشكور على الافادة يالغالي

الموقع هذا مشهور ومعروف بس مشكلته ما يقبل طلبات من خارج امريكا

انا تحت امرك حبيبي .. وش تحتاج علمني وانا ارسله لك للسعوديه .. انا طلبت منهم كذا قطعه الى الحين
والمفروض تاصلني اليوم

يعطيك العافية اخوي ع الرابط كفيت ووفيت

ويعافيك ان شاء الله ويسلمووووو على المرور حبيبي

**B Unique** · 19-03-2009, 01:34 AM

انا تحت امرك حبيبي .. وش تحتاج علمني وانا ارسله لك للسعوديه .. انا طلبت منهم كذا قطعه الى الحين
والمفروض تاصلني اليوم

مشكور يالذيب والله يبيض وجهك

بس حبيت انبه الاعضاء اللي يفكرون يتعاملون مع الموقع من خارج امريكا . لان عندهم سياسة بايخة تقول "شركة هوندا تمنع تصدير قطع الغيار او الاكسسوارات خارج امريكا بسبب اختلاف المواصفات في الاسواق الاخرى" . بصراحة اشوفه كلام فاضي لاني قد سبق وتعاملت مع ثلاث مواقع لموزعين معتمدين لقطع غيار هوندا وكلهم ما جابوا طاري لهالسياسة !!

**المباشر** · 19-03-2009, 10:06 AM

من أفضل المواقع اللي ماجاب طاري ان الفيزا تكون من بنوك أمريكية ولا عنده مشكلة من داخل أمريكا أو من خارجه الطلب

http://www.alldiscountparts.com

**باريس نجد** · 19-03-2009, 08:27 PM

بس حبيت انبه الاعضاء اللي يفكرون يتعاملون مع الموقع من خارج امريكا . لان عندهم سياسة بايخة تقول "شركة هوندا تمنع تصدير قطع الغيار او الاكسسوارات خارج امريكا بسبب اختلاف المواصفات في الاسواق الاخرى" . بصراحة اشوفه كلام فاضي لاني قد سبق وتعاملت مع ثلاث مواقع لموزعين معتمدين لقطع غيار هوندا وكلهم ما جابوا طاري لهالسياسة !!

صادق وكلامك على العين والراس .. بس الكلام هذا موجه للتعاملات الكبيره وقطع الغيار الكثيره .. اذا كنت تبي تستخدم .. ولا ترسل كنتيره مليانه قطع غيار ماعليك اي مسؤوليه .. لانه يعتبر استخدام شخصي

ويسلمو على المرور ..

من أفضل المواقع اللي ماجاب طاري ان الفيزا تكون من بنوك أمريكية ولا عنده مشكلة من داخل أمريكا أو من خارجه الطلب

معلومه جديده .. بالنسبه للموقعين ..
بس بالنسبه للاسعار انا قارنت الموقع .. بالموقع الثاني ولقيت فيه فرق بالنسبه للقيمه ..
اما بالنسبه للتعاملات الماليه .. الله يعطيك العافيه على المعلومه الحلوه
ومشكوووور على المرور

وانا تحت امر الجميع ..

**بخار** · 19-03-2009, 11:32 PM

مشكور أخي

**Y.k.A** · 19-03-2009, 11:41 PM

يعطيك الف عافية ع الموضوع و الجهد الرائع

**باريس نجد** · 20-03-2009, 03:38 AM

مشكور أخي

اهلين وسهلين اخوي ويسلمو على مرورك

يعطيك الف عافية ع الموضوع و الجهد الرائع

العافيه اني اشوفك مريت على موضوعي .. ويسلمو على مرورك

**سـري للـغـايـه** · 20-03-2009, 10:56 PM

بيظ الله وجهك يا الغالي

<<< جالس ادهر في الموقع

**باريس نجد** · 20-03-2009, 11:52 PM

احسن مافي الموقع .. انه مصور لك بالفديو ...
وشلون تقدر تشتغل بيدك ...

فيه بعض الشباب بيض الله وجييهم .. يدينهم تلتف بحرير ..
شغل نظيف .. وحرفه ممتازه .. بس بعض المرات تحتاج انك تشوف شي قد انفك قبلك او احد اشتغل قبلك
علشان تقدر تطبق انت بدون اي مشاكل

انا ركبت الفمتاح حق القراج .. عن طريق الموقع هذا ولا لقيت اي صعوبه في التركيب
بالعكس كان من اسهل القطع اللي ركبتها بيدي

**Accord love** · 21-03-2009, 01:49 AM

مشكوووووووووور ويعطيك الف عافيه
ياخي من جد متحمس حق القطعة الي تحت اللمبه عند الدواسات بس يوم شفت التركيب ما فهمت شي او احس انه ما احد يعرف يركبها الا الوكيل لها .. لكن اخوي اذا في مجال ترسلها لي او تعلمني طريقه سهله .. اتمنى ما اكون مثقل عليك ...
انتظر ردك حبيبي..

**باريس نجد** · 21-03-2009, 06:49 AM

فيه طريقه انا سويتها قبل .. طبعاً انا ماستخدمت القطع الموجوده ...
رحت لم التشاليح .. ودورت على لمبات رجلين حقت كابرس .. لانها تجي مثل الرمش .. وفيها فتحه في النص حقت اللمبه
التركيب سهل جداً
تدور لك مكان مناسب انك تركب اللمبه فيه .. طبعاً تحاول المكان مايضر حاجه
او تدور لك مسمار تفكه وتركب اللمبه وبعدين تشد القطعتين سوى
بعدين تجي للاسلاك .. تروح لم السلك اللي راح للباب .. علشان تشتغل اللمبات حقت السقف للسياره
تكون مشبوكه دايماً على فتحت الباب ..
توصل اسلاكك مع اسلاك اللمبات حقت الباب ..
بعدين تكون اتممت عمليتك ميه بالميه
يصير اذا فتحت الباب تشتغل عندك اللمبات
وتقدر انك تركب فاصل بعد .. بحيث انك اذا بغيت تشغلها انت .. تفتح الفاصل من نفسك

المشكله ماعندي تشاليح قريبه .. ولا كان دورتها وركبتها انا بنفسي على سيارتي
اتمنى اني وصلت لك المعلومه

**ملك مملكة جدة** · 21-03-2009, 08:01 AM

انا قارنت بينته وبين الموقع الي اشتري منه الزنون و الشمعات و الاسطابات

لقيت انه الكشافات تبع الاكورد في الموقع الي انا اشتري منه قيمتها 110 دولار .. و الموقع الي انت حاطة قيمتها 265.25 دولار

يعني الفرق 155.25 دولار = 583 ريال

شكرا لك

**باريس نجد** · 22-03-2009, 11:15 AM

انا قارنت بينته وبين الموقع الي اشتري منه الزنون و الشمعات و الاسطابات

يعطيك الف الف عافيه اخوي .. بالعكس علشان انا وانت وغيري يستفيد ..
انا كانت مقارنتي على قطع الاكسسوارات .. وكانت هي الارخص
والحين صار فيه مقارنه مع موقع ثاني افضل من هذا بالنسبه للاضاءه والقطع الكبار
حتى اخو المباشر .. حط موقع شفت قطع بعض قطع غياره ارخص من غيره
ويسلمووو على الافاده

**اكورد4834** · 22-03-2009, 12:41 PM

مشكور على موضوعك الرائعــ ياقلبي

تقبل مروري هواند4834

**memo_shark88** · 22-03-2009, 02:39 PM

ماشاء الله ،،،

يعطيك العافية ياخوي عالموضوع الحلو والرابط الاحلى ،،،

موقع ممتاز بصراحة ،،،

وان شاء الله لو نبغى أي شي بنكلمك عليه،،، ماتقصر يااخوي ،،، الله يبارك فيك ،،،

مع التحية ،،،

الموضوع: موقع ... يبي يعجبكم .. واسعاره مناسبه للاكسسوارات

أدوات الموضوع

عرض

موقع ... يبي يعجبكم .. واسعاره مناسبه للاكسسوارات

المواضيع المتشابهه

نقاش آقترآح آن شآء آلله يعجبكم

اتنمى ان يعجبكم

خبر حلو وان شاء الله يعجبكم

مواقع النشر (المفضلة)

مواقع النشر (المفضلة)

ضوابط المشاركة