هل في ضرر

[اسأل روحك]

السلام عليكم ورحمة الله وبركاته

انا شريت هوندا اكورد 2009 واول ماطلعتها من الوكاله شغلت المكيف والى اليوم وانا اشغله والحين هي ماشي 450 كم بس هل في ضرر على السياره أرجوووووو الأفاده وماهو الضرر

[اكوردي يلعب يلعب]

بل شنو الضرر

ههههههه ليه محطوط المكيف

ما فيه ضرر

ولا تخاف على السيارة زياده

كلها هوندا :d

[اسأل روحك]

معليش اخوي الحلال عديل الروح بس الشباب يقولو في مواضيعهم ان في تشغيل المكيف بعد 1000 كم او 500 انا خفت الصراحه

[اكوردي يلعب يلعب]

بس بيني وبينك الجو حاااار بالظهر تخيل راكب اكورد وفاتح النافذه وطالع ايدك >> دتسن وبالرياض :( اف

[اسأل روحك]

ههههههههه هدا قولي يالحبيب يسلموو

[المباشر]

وعليكم السلام ورحمة الله وبركاتة

في البداية احب ابارك لك في موترك والله يعطيك خيرها ويكفيك شرها

بخصوص سؤالك : فترة تليين المحرك يحتاج اهتمام خاص جدآ في الـ 1000 كلم الأولى

1- عدم الضغط على المحرك بالتسارع او غيره

2- عدم أستخدام الفرامل بشكل قوي أو عنيف

3- تحمية الموتر بشكل طبيعي وغير مبالغ قبل التحرك ( يعني ماتدق الموتر سلف وتخليه نص ساعة يحمى وهو واقف )

4- بخصوص المكيف : المكيف معروف يسحب من عزم الماكينة اذا أشتغل ومافيه أي مشكلة اذا استعملته وقت التمرين ولكن الأفضل أنك تقلل أستخدامه اذا قدرت أو ماتستعملة اذا حبيت انك ترتاح وتتأكد ان الموتر تمرن مضبوط

ملاحظة ونصيحة : لاتتهور بعد الألف كيلو وتدوس على الموتر .. الأفضل بعد الـ 5000 كلم

ولاتنسى تمر صيانة الوكالة لتشييك الموتر عند 1000 كيلومتر وبعدها 5000 كيلو وبعدها خلك على 10 الآف 20 - 30 - 40 -50 - 60 - 70 - 80 وهكذا

واذا تبي نصيحتي 1000 / 5000 / 10,000 < يمكن تكون في ملاحظات على السيارة / 40 الف (مهمة جدآ ) / 60 الف مهمة جدآ / 80 ينصح بها / 100 الف مهمة جدآ جدآ ويفضل ادخالها الى الصيانة على 990 الف كيلومتر (نهاية الضمان)

مر قطع الغيار في الوكالة وأشتري فلاتر وخلها عندك في البيت ( مع واشرات للصرة ) < يسمونها الوردة

قيمة الفلتر ياباني أصلي بالوكالة ( 15 ريال ) في البنشري 25 ريال تقليد ويمكن أكثر

وكل خمسة الآف غير الزيت في أي بنشري ممتاز

أستخدم زيت هوندا - وبالتوفيق ( والضمان غير ملغي اذا لم تلتزم بصيانة الموتر كل 5000 الآف

[هوندا وبس والباقي يندس]

السلام عليكم انا يوم شريت سيارتي الهوندا 2008 قلت لبائع السياره اثناء التسليم قلت له اشغل المكيف قال اكييييييييييييييييد ضروري عشان لو في خلل يبان من بدري .

[المباشر]

ماعليك من بائع السيارة ... :d

عندك ماشاءالله الضمان الى 100 الف لموديلات 2008 و2009 يعني أهم شي الـ 1000 الأولى وبعدها اذا فيه شي يبين

[عاشق بريده]

نصيحتي لك قلل استخدامه لمده التمرين

يعني لين تعدي الالف كيلو وعقب الالف شغله وتمتع هع


الف مبروك الهنادي يا بطل

[امبراطور الاكورد]

انا موتري له سنتين معي ومن اول ماشغلت السياره شغلت المكيف وهي بالبهو ولا فيه اي مشكله

[ماجستيك2009]

اخوي طق ابو المكيف هذا كلام فني في الوكاله يقول الى سرعه 80 هذا اذا تحت التمرين الى 1000 كلم بعدها عادي ومبروك مقداما

[باريس نجد]

الله يعطيك خيره ويكفيك شره ان شاء الله
ويفيدونك الشباب ان شاء الله وتلقى الاجابه اللي توسع خاطرك