الموضوع: سؤال ولابد من اجابه ..!

وعليكم السلام ورحمة الله وبركاتة

حياك الله أخوي محمد وان شاءالله افيدك باللي أقدر عليه وقبل كل شي أذا ممكن توضح بعض الشغلات مثل 4 سلندر أو 6

هل غيرت زيت القير هل وديتها صيانة الوكالة وعلى كم العداد كان علشان تكون عندنا خلفية هل تم تغيير زيت القير مثلآ في تشييك الـ 40 الف سابقآ واللي صار بالـ 60 الف حاليآ والمفروض يستبدل في الـ 100 الف عندك

هذه بعض الأقتراحات وأذا كان بعضها عملته من قبل بيكون حلو

1- فلتر البنزين

2- فلتر الهواء

3- جميع السيور

4- سير التايمن ( اذا كانت 6 سلندر فقط وليس للأربعه )

5- زيت القير وللمعلومية زيت القير يستبدل بعد 60 الألف الأولى وبعدها كل 40 الف يعني 60 / 100 / 140 / 180 / 220 الف وهكذا

6- أفحص الفحمات والدسكات ( الهوبات )

وأذا كان عندك ملاحظات ثانية أفحصها وان كانت تحتاج تبديل أستبدلها

حدد موقع علشان نعلمك على الورش الممتازة والمجربة سابقآ

يمكن أكون نسيت شي ماذكرته لك ، فلا مانع من الأضافة والأقتراحات من قبل الأعضاء والمراقبين والمشرفين بحكم تجربتهم

يمكن يكون شي مو اساسي بس بالنسبه لي مهم جدا وهو: تدوير الكفرات x

شكرا لك يامشرفنا الغالي

وبالنسبه لسيارتي فهي 4 سلندر وجميع الزيوت اشيك عليها بالاضافه الى زيت القير اغيره في وقته وبدون تأخير

ولكن السؤال هُنا عن السيور

هل من الضروري ان اغيرها الان وماهي السيور التي يجب ان يتم تغييرها ؟

كُن بخير ياعزيزي

بخصوص تدوير الكفرات انا ماحبيت اذكره بسبب انه اذا كانت ميشلان راح تسمعون صوتها المزعج بشكل أكبر من السابق

التدوير ينفع لها اذا كانت السيارة جديدة أو الكفرات جديدة وتقدر تعمل التدوير كل 10 الآف واذا كانت غير ميشلان فممكن تدويرها وان شاءالله مافيها صوت

تسلم يا أمير الهنادي على الأضافة

بخصوص السيور أخوي محمد الأفضل أستبدالها بجديدة بأي ورشة أو كهربائي وتكون أصلية من الوكالة ولاتشيل هم سير التايمن أنساه

السيور بجميع أنواعها ماتدري متى ينتهي عمرها الا بالكشف ان كانت تحتوي على تشققات او تنسيل وبعض السيارات يكون فيها مؤشر عند الشداد يبين لك حالة السير لكن مادام ماشاءالله للحين مافيها مشاكل فالأفضل تبديلها وخبرك السير نكبه فجأة الا منقطع وتتوهق ..

وللفائدة أٌضيف سؤال .. متى يتم تغيير كراسي المكينة ؟

المباشر

اشكرك على توضيحك وجعلها في ميزان حسناتك وربي يخليك لعينٍ ترجيـك ..

__

اشكر جميع من تواجد بالموضوع ..

ـــــ

بدر 2003 سؤالك جداً مهم .. ونتمنى الاجابه من المختصين

اتوقع تتغير كراسي المكينه مع صيانة 40 الف

بخصوص كراسي الماكينة مالها وقت معين وممكن تعيش معك لمدة طويلة وهي تعتمد على طريقة القيادة والأستخدام

وممكن تتأكد اذا كانت تحتاج تغيير اذا كانت الربلات متقطعة بالكرسي او في اهتزاز بالموتر وانت واقف والقير على الدي او الريوس

صور توضيحية

كرسي جديد




كرسي تالف