ما أفضل كفرات للأكورد

**أكورد088** · 27-03-2009, 11:40 PM

استفتسار ماأفضل كفرات للأكورد مقاس 16 من كل النواحي انا راعي سفريات كثيرة وياريت تحددون الوكلاء في مدينة الرياض ولو اسعارها عندكم لا تقصروا في عرضها وشكرا مقدما اهم شيء الصوت الرساوة والتسلخات ههههههه وش باقي

**B Useful** · 28-03-2009, 12:01 AM

http://hondaarabia.com/club/showthre...E6%CA%E4%D2%C7

استخدم خاصية البحث في المرة القادمة
تحياتي لكـ ..

**سلملم** · 28-03-2009, 01:36 AM

خخخخخخخ

بصراحه مشلاااااااااااااااااااااااااان وبس

**المباشر** · 28-03-2009, 01:49 AM

الميشلان ماتنفع ولا بريال على الأكورد

صحيح انها تواير فوق الممتازة لكن يعيبها الصوت المزعج بعد فتره من الأستخدام

وأفضلها هو بريجستون كما تفضل كوكوكورد وحسب تجارب عديدة من المشرفين وبعض الأعضاء فهم ينصحون بها

انا ان شاءالله التغيير الجاي بريجستون لأني طفشت من الصوت المزعج عندي من تواير الميشلان

**سلملم** · 28-03-2009, 01:54 AM

المباشر

:(

**اسأل روحك** · 28-03-2009, 10:38 AM

حرام عليك يالمباشر زعلت سلملم

>>> طبعا افضل الصناعات هم الماشلان والبرجستن (في المركز الاول ) وبصراحه انا افضل ماشلان لأن اول ماتاخد السياره مركب عليها ماشلان وشكرا للجميع

**المباشر** · 28-03-2009, 03:56 PM

المشاركة الأصلية كتبت بواسطة سلملم

المباشر

:(

المشاركة الأصلية كتبت بواسطة اسأل روحك

حرام عليك يالمباشر زعلت سلملم

>>> طبعا افضل الصناعات هم الماشلان والبرجستن (في المركز الاول ) وبصراحه انا افضل ماشلان لأن اول ماتاخد السياره مركب عليها ماشلان وشكرا للجميع

هلا بك اسأل روحك

ان شاءالله مافيها زعل ولا شي وكل السالفة محتاجة توضيح بسيط

تركيب الكفرات على السيارات من المصنع هذه سياسة تسويقية يجهلها الكثير ..

قلت لي كيف ؟؟:d (متى قال ) المهم مصانع الاطارات تتفق مع عده مصانع للسيارات بتزويدهم بأطارات اذا وقعوا العقد معهم يعطونهم مثلآ عدد 100 اطار مجانآ أو 200 أو 300 ومصنع الأطارات ماراح يخسر عارف ليه ..

بسبب ان عندنا وفي دول اخرى من يشوف اطارات ميشلان او بريجستون او غيرها على السيارة يعتقد انها الأفضل ويجلس 10 سنوات كل سنة يبدل نفس النوعية والمصنع هذا اللي يبيه .. الكلام طويل والشرح يطول أكثر .

المهم الميشلان الأصلي الفرنسي مافي أفضل منه بالتحكم والثبات والتحمل وغيره من المواصفات وماحد يقدر يقول عنه شي

( لاحد يقولي في بريللي - قصدي على قد فلوسك :d - حدنا الميشلان )

عيب الميشلان انه يطلع صوت مزعج بعد الـ 20 الف أو 25 الف ويزيد مع الوقت لين تكره السيارة بسببه .

الشباب تكلموا عن البريجستون بحكم تجربة وانا أقول الميشلان ماينفع بحكم تجربة مع الأزعاج اللي مفشلني ومخلي كل من ركب معاي يقول راكب جيب على هالصوت .

البريجستون من تجارب الشباب اقتنعنا انه الأفضل للأكورد من ناحية الثبات والجودة والصوت الهادئ وهو المهم

طبعآ اللي عنده موتر جديد ومامشى عليه كثير راح يتذكر بعدين اذا طلع عنده الصوت

**يويو222** · 28-03-2009, 11:30 AM

تويو افضل شي

**just ACCORD** · 28-03-2009, 12:17 PM

تصدق لو الوكاله تحط لك سوموتو ولا ازفت شي تقولون انها احسن شي بس على شان انها حطتها الوكاله

**B Useful** · 28-03-2009, 03:24 PM

خخخخخخخ

بصراحه مشلاااااااااااااااااااااااااان وبس

الجاهل عدو نفسة .

وبصراحه انا افضل ماشلان لأن اول ماتاخد السياره مركب عليها ماشلان وشكرا للجميع

واذا كان راكب عليها كفر سيكل فمعناتة انة افضل كفر بالعالم لأن جاي شد بلد !!!
لا ياحبيبي ،، موب معناتة انة جاي مع السيارة انة الافضل ،،
تراها هوندا ميب فيراري عشان تركب لكم كونتنيتال ولا برللي مدري وش اسم امة .. عطوكم كفر على قد الحال افضل من غيرة لكن فية افضل منة بمراحل .

**أكورد088** · 28-03-2009, 07:02 PM

يسلم كل من رد وكل من مر لكم جزييييييييييييييييييييييييييييييييييييييل الشكر بس البرجيستون قاسي ؟

**LUS570** · 28-03-2009, 08:00 PM

مرحبا

الكلام يطول و الشرح ما يوفي بس كل واحد يرجب شي ويعجبه يعتقد انه الافضل وهذي وجه نظر

انا اتفق مع الاخ أكورد088 من ناحية البريجستون انه اخشن من الميشلان بس ما اعيب في البريجستون

ميزة الميشلان الا انا شفتها ( لانه ما جربت غيره على الاكورد ) بس شفته غيره في سيارات ثانية

انه في السرعات العالية يكون اريح في الحفر + الحصى ولا تحس به مثل باقي الانواع

طبعا الكل يبحث في الكفرات عن الليونة في السرعات المنخفضة + الهدوء = TOYO يحقق لك ذالك بس مش بجودة البرجستون و الميشلان

( وجهة نظر + تجربة )

سلام ..

**لون عيونك** · 28-03-2009, 11:39 PM

انا ركبت سومتو عريض 55 خف صوت وراسيه على الخط

**افالون 2012** · 29-03-2009, 12:04 AM

تويو احلى شي

**O m a r** · 29-03-2009, 04:36 AM

تكلمو الشباب عن انواع كثيره وكل واحد له تجربـته الخاصه الي مقتنع فيها ، عموماً كل تجربه لها ظروفها وترى الحُكم بمجرد الحكم غلط!
لكل كفر مميزات ولكل شركه مواصفات .. مشكلتنا اقولها وبكل قناعه ( لا يوجد لدينا وعي ) من ناحية الإطارات! وهذي حقيقه
تجد من جرّب التويو يميل لها ولا يقتنع بغيرها وايضاً من جرب الميشلان وعمرها الطويل اقتنع ولا يكاد يرى غيرها .. وهذا هو الخطأ

ولا اخفيكم انا مثلكم كنت محتار وجربت أكثر من مره أبحث من خلال الإنترنت عن معلومات .. طبعاً البحث باللغه العربيه
مع إحترامي لنا .. ( سقيم ) كلها تجارب بمنتديات منوّعه لسيارات مختلفه وكل من دفع قيمة نوع لإطار معيّن .. إقتنع به ( بالقوّه )

بعد البحث في مواقع أجنبيه .. وجدت مثلاً موقع Tire Rack الحقيقه أفادني كثيراً ، فقط تضع نوع سيارتك ، موديلها بالتفصيل ، نوع إستخدامك للإطار
سواء على أرض جافه أو زلقه أو حتى ثلجيـه .. وميزانيّـتك .. الخ
وبالاخير يظهر لك أنواع كثيره وبالترتيب .. ماهو الأفضل ؟ والمميزات .. والتقييّم لها
والحقيقه تفاجأت بوجود الكونتنيتال أو غيرها من الانواع القليل استخدامها لدينا .. تفاجأت بتصدرها على بعض الانواع الشهيره لدينا
والسبب تسويقي بحت .. وأفكار ترويجيـه .. تجعل السائق العادي يقتنع بها وبسهوله وينصرف عن غيرها بحجّه عدم إقتناعه بها
بالرغم أنه لم يجربها ؟؟

بحكم وجودي بالنادي وبعد ان قرأت كل رد في موضوع بي يونيك عن تجربته للبرجستون بوتانزا أدرينالين .. فضّلت أن أميل للبرجستون
ولكن كنت متخوّف جداً من مسأله الصوت .. فالبوتانزا لا أحد ينكر أنها كفر رياضي وهذا يجعل مسأله الصوت وارده بشكل كبير!
وبما أن الأفضليه لدي لـ الصوت .. التحمّل .. الثبات ، حسب الترتيب طبعاً فـ انحصر اختياري بين انواع عده مثلاً :
Michelin Energy .. Continental .. Bridgestone Turanza

وفعلاً هذه الأنواع هي الانسب لإختياراتي طبعاً .. بالاخير انا كنت ميالاً للبرجستون فذهبت الى وكيلها ( مؤسسة الطلائع )
ووجدت ما ابحث عنه Bridgestone Turanza GR-80 .. وتوكلت على الله وانا كلّي أمل أن تلبي رغباتي!

ولتفاصيل أكثر عن هالنوع ( هذا ملخص بسيط من احد المواقع الاجنبيه )
والآن أكمل معاي تقريباً ألف كيلو .. وربما الحكم عليه بهذه السرعه غلط لكن بكل ما تعنيه الكلمه يستاهل ..
هدوء واختلاف كلّي بالرغم ان المقاس كان 17 - 50 - 225 والسعر كان 4 إطارات بـ 3640 ريال بعد الخصم!
ولكن والله إنه يستحق كل ريال .. شكل .. هدوء .. ثبات .. ولأني صاحب سفر بالنهايه هي راحـه بال حقيقيه للسفر

وبإذن الله سيكون لي موضوع متكامل عن تجربتي لها الاطار .. ولكن بعد أن يمضي عليه فتره لأتأكد من كل صغيره وكبيره !

**المباشر** · 29-03-2009, 04:44 AM

ماشاءالله اخوي عمر السعر جامد :d

وبانتظار تقريرك

<< متابع بقوة بسبب قرب تغيير الأطارات بعد كم شهر

**O m a r** · 29-03-2009, 04:49 AM

السعر مرتفع لا اخفيك ولكن السبب الرئيسي هو المقاس لأن الاطار معروف كل ما صغر عرضه ، كل ما زاد سعره!
وبالمقارنه من كفر الميشلان السابق تقريباً نفس السعر .. الإطار الواحد بـ 900 ريال!!

**ن ع ر السعودية 0005** · 29-03-2009, 03:22 PM

أنا أشكرك أخوي عمر على هذي المعلومات وأنا مثلك كنت محتار في أختيار الكفرات المناسبة المشلان كما ذكر أخوي المباشر وبقية الأعضاء أنه يتحمل وثابت ويعمر معاك فتره ماهي بسيطة بس عيبه الصوت المزعج وقساوتة في المطبات أو الحفر الصغيرة لاكن بعد ماركبت البرجستون التورنزا إختفى الصوت وصارت هادية وأحس أنها أفضل من المشلان مع أني ما كملت مركب البرجستون الخمس ألف إلا أني أحس بالراحة إليها بعد ما نزلت الهواء إلي الـ20 وصارت أريح بكثر بعد ماكان فيها هواء 35 وكانت مزعجة في المطبات الصغيرة وهذا معروف أنه أول ماتركب الكفر لازم يكون قاسي شوي فمن الطبيعي أنهم يحطون فيه هواء 35 لكن بعد أسبوع يلزم عليك تنزل الهواء حتى يصير هادي معك في الخط والمطبات .......

**أكورد088** · 29-03-2009, 04:53 PM

مشكوووووووووووووووور عمر معلومات قيمة جدا لك شكر خاص وشكر لبقية الاخوان

**المباشر** · 29-03-2009, 04:55 PM

بس أخوي ن ع ر 20 يعتبر نازل كثير وخطر

الأفضل تخليها 30 أو على الأقل 25 اذا انت ماتبي 30 :d

**LUS570** · 29-03-2009, 06:58 PM

السلام عليكم ...

قرأت الردود وكلها مقنعة و كلها تجربة و مثل ما قال الاخ عمر اقتناع و ( بالقوة ) شي طبيعي لانه كل شخص تختلف سياقته عن الاخر و مشاويرة و طريقة استخدامه للسيارة بشكل عام ...

في شي ما أدري الكل يدري عنه او انه الكل مطنشه بالنسبة الا ضغط الهواء في الكفر ...!!!

اخ ن ع ر السعودية 0005 انتبه !!

في ارشادات في السيارة توضح كم يكون ضغط الهواء في الكفر مع تناسب السرعة المطلوبة راح تجد هذه المعلومة :

1- افتح باب السيارة .
2- انظر الى الملصق في باب السيارة .
3- لون الملصق ابيض راح تجده في اعلى الجسر للباب - في الاكورد في المنحنى عند قفل الباب .

راح يعطيك هذا الملصق معلومات عن الضغط هواء الكفر في نوع من السرعتين و للجهتين الامامية والخلفية .

هذا استفدت منه ولقيت فرق واضح في السرعات العالية لانه لم تكون في سرعات عالية و ضغط الهواء نازل راح تحس السيارة فيها انحراف + ثقل و عدم ثبات

بالعكس في السرعات الواطية

وشكرا ..

**NeVeR LooK BaCk** · 08-09-2009, 11:14 AM

المشاركة الأصلية كتبت بواسطة LUS570

السلام عليكم ...

قرأت الردود وكلها مقنعة و كلها تجربة و مثل ما قال الاخ عمر اقتناع و ( بالقوة ) شي طبيعي لانه كل شخص تختلف سياقته عن الاخر و مشاويرة و طريقة استخدامه للسيارة بشكل عام ...

في شي ما أدري الكل يدري عنه او انه الكل مطنشه بالنسبة الا ضغط الهواء في الكفر ...!!!

اخ ن ع ر السعودية 0005 انتبه !!

في ارشادات في السيارة توضح كم يكون ضغط الهواء في الكفر مع تناسب السرعة المطلوبة راح تجد هذه المعلومة :

1- افتح باب السيارة .
2- انظر الى الملصق في باب السيارة .
3- لون الملصق ابيض راح تجده في اعلى الجسر للباب - في الاكورد في المنحنى عند قفل الباب .

راح يعطيك هذا الملصق معلومات عن الضغط هواء الكفر في نوع من السرعتين و للجهتين الامامية والخلفية .

هذا استفدت منه ولقيت فرق واضح في السرعات العالية لانه لم تكون في سرعات عالية و ضغط الهواء نازل راح تحس السيارة فيها انحراف + ثقل و عدم ثبات

بالعكس في السرعات الواطية

وشكرا ..

تصدق امس رحت اعبي الكفرات غاز نايتروجين وقالي كم تبي ظغط الهواء قلت والله مدري انت بنشري وتفهم للامور ذي قام فتح باب السواق وناظر تحت وقال 32 :d

**نار** · 29-03-2009, 08:20 PM

سلاااااااااااااااااااااام انا اقول :كلها لها عيوب انا ركبت تويو تطلع صوت بس احسن من البرجستون في الراحه لأنها لينه
شكرررررررررررررررررررررررررا

**meshoo** · 29-03-2009, 08:45 PM

الي عندي شد بلد Turanza وماشاء الله كفر ممتاز ماشوف فيه اي عيب

**ن ع ر السعودية 0005** · 29-03-2009, 08:49 PM

أنا قصدي تخلي الهواء على 20 فترة بسيطة يعني أسبوعين بالكثير بعدها تزود إلى الــ25 أو 30 إلى ما يلين الكفر وهذا إذا كانت المشاوير فقط داخل البلد أما إذا كنت راح أمسك خط لازم أزود الهواء وهذا شيء معروف ......