اقتباس المشاركة الأصلية كتبت بواسطة Mohammad.Al-Jam3 مشاهدة المشاركة
بسم الله الرحمن الرحيم
اخوي يمكن فيه غلط كبير انت سويته وهو انك حطيت الموضوع في منتدى حق هوندا
ولو انك حطيت الموضوع في منتدى حق سيارات هونداي بجيك عكس الردود تماما
لان كثير من ردود الموضوع بس كذا تلفيق ,,زي مثلا الاكورد وبس
خذ اكورد ولا تتردد يعني اذا فيه شي مقنع ينقال في السيارة قوله مو بس كذا تعصب
وحاجة ثانيه في ناس فاهمه السيارة الكوري يعني شي معفن وخالي من الجوده
لكن الارقام تثبت العكس وجودة الهونداي مو زي قبل يعني الكوري يتقارن وبكل قوه
بالسيارات اليابانية واولها التيوتا والهوندا ولين يجيك احد يقولك تعال وشوف تلفيق الهونداي
بعد 4 سنين ,,طيب ليش مانشوف الهوندا بعد 4 سنين هل هي بالجوده الي مكثرين كلام عنها
ولا تلفيق انا ماقلل من جوده الهوندا ولكن ليش التقليل من جوده الهونداي؟؟؟
طبعا جواب الاكثريه بكل بساطة كوري وهذي قمه الدلاخه مع احترامي للجميع
هع ولين يجيك احد يقولك لين دخلت الاكورد احس روحي ملك
خير ياطير هع انا احس روحي بعد ملك لما اركب الكرولا

الزبدة ونصيحتي لك اتبع مايهواه قلبك
أولا مافي منتدى حق سيارات هونداي <<< ماحد يصخي يدفع ايجار منتدى على هونداي

ثانيا انت وش تبي اصلا من ردك هذا؟ بالله هذي نصيحة اللي حاطها؟؟ لو كل واحد اتبع ما يهواه قلبه ليش ربك حط في هالراس عقل يا حلو؟؟؟

ثالثا الناس اللي مو عاجبتك وتقول ان ردودهم تلفيق هم اللي طبقوا نفس نصيحتك "اتبع ما يهواه قلبك" :dونصحوا خوينا المحتار هنا باللي في قلبهم بدون مقارنة باستخدام العقل

رابعا الهونداي فعلا سيارة "تلفيق" تدري ليش اقول هالكلام؟ لأن اخوي الكبير اقتنع بالمواصفات الرائعة والسعر الرخيص متأمل أنه يحصل الجودة معاهم, موديل سيارته 2006 سوناتا 4 سلندر فل كامل وتعال شوفه ألحين يشكي الحال ويقول ليتني اخذت سيفيك اشرف لي لأن السيارة ما هدته من الخرابات الغبية وللحين صرف عليها مبلغ كبير

خامسا اذا انت سيارتك كرولا اش دراك عن الاكورد وتحملها؟ انا سيارتي 2006 وماخذها شهر 11 عام 2005 يعني قربت تكمل اربع سنين وللحين والله على كلامي شهيد اني غير الزيت والاقمشة ما بدلت هذا وأنا مزود في السيارة ولاعب بحسبتها صح مقاوم وسرعة ومطبات واللي يعرف شوارع الخبر الداخلية فاهم كلامي عدل ;)

اذا لما نجاوب على سؤالك "ليش التقليل من قيمة الهونداي؟" نقول احنا ما نقلل من قيمتها, لأن هي أصلا قليلة القيمة:p
وأما انك تحس أنك ملك في كرولتك السبب بسيط وهو لأنك ما سقت الأكورد

همسة: يمكن أنت جالس تدافع عن الهونداي الكورية لأن سيارتك الكرولا نصها كوري وصيني :d والله يخلي أبو لطيف لكم ويخليكم له :d

واخيرا أقووووووووول "في ناس تسمع بالأكورد, وفي ناس تحسها وتعرفها وتعشقها"