يا شين الاحراااااااااااااج !!
:o
المعذرة يالغالي انا مريت على موضوعك اكثر من مرة ولا رديت لان الصراحة ما عندي شي اقدر افيدك به
وتأكد اذا كان عندي اي معلومة ما بأبخل بها عليكم
بالنسبة لموضوع الشاشة للاكورد من موديل 2003 - 2007 للاسف الى اللحين ما اشوف فيه شي مناسب لها لا في سوقنا ولا في مواقع الانترنت . صحيح جربت الشاشة اللي تركب على الطبلون بس لاحظت انها ما كانت عملية ومكانها كان يحجب الرؤية فكنت ما اشغلها الا وانا على طريق سريع فاضي او اذا كنت واقف . هذا غير انه كان ناقصها مواصفات كثيره مقارنة بالشاشات المتوفرة حالياً لموديلات 2008 وطالع . مثل اللمس ونظام الملاحة والبلوتوث ومدخل الآي بود << في نظري المواصفات هذي صارت ضرورية في كل سيارة ومن غيرها اشوف الشاشة مالها داعي !!
رابط تجربتي http://hondaarabia.com/club/showthread.php?t=5662
انا من رايي ان الاكوردات من موديل 2003 - 2007 ما ينفع لها الا شاشة الوكالة اللي تجي في الاكورد الامريكية او على الاقل شاشة تركب بنفس المكان . ما اخفيك اني حاولت اراسل شركة صينية عشان استورد من عندهم شاشات تشبه الشاشة الاصلية بس للاسف الى يومك هذا ما وصلني منهم رد << الكلام هذا له سنتين !!
خلاصة الكلام .. الموضوع كله يرجع لحريتك الشخصية ورايي من ناحية الشاشات اللي جبتها في موضوعك ما اشوفها تناسب الاكورد ابد . بس اعتقد فيه بصيص امل انه بينزل شي مناسب لان السوق الايام هذي صار مفتوح على الاسواق العالمية وما فيه شي جديد ينزل في مواقع الانترنت الا تلقاه عندنا بعد كم شهر من نزوله ..
رد مع اقتباس
مواقع النشر (المفضلة)