كيف اشتري اكورد امريكيه..؟؟

**V6 2007** · 05-04-2009, 01:24 AM

الســلام عليكم ورحمة الله وبركـاته

شباب اليوم وانا اهجول باليو تيوب
شفت كم اكورد امريكيه واحس مواصفـاتها تختلف
عن اللي عنـدنا ...
فحبيت اسـأل هل اقدر اشتري اكورد امريكيه ..؟
وهل يوجد عضو لديه اكورد امريكيه بس بالسعوديه.؟.؟

وكيف طريقة الشراا

تحيتي

**الـمـسـافـر** · 05-04-2009, 01:33 AM

اكورد امريكيه واحس مواصفـاتها تختلف عن اللي عنـدنا ...

وانت عندك شك اصلا ان اللي عندنا احسن

فحبيت اسـأل هل اقدر اشتري اكورد امريكيه ..؟
نعم تقدر
وهل يوجد عضو لديه اكورد امريكيه بس بالسعوديه.؟.؟
فيه عضو معه اكورد امريكيه بالسعوديه
وكيف طريقة الشراا
من النت تطلبها وتوصل بعد 8 ايام :d << صار ايبود مب اكورد
والله ممكن تسال الشباب كيف طريقتها

والله حتى انا ودي بالمواصفات اللي برا بس الشكوى لله مافيه اقساط وتوصيل للبيت

**MaLiK1987** · 05-04-2009, 01:41 AM

أنا بس أقل نوع هههه :d

كيف مشتريها ؟

كنت نايم في يوم من الأيام وأبوي كان بالمعارض ويدق علي صحاني من النوم :(
وقال لي روح العصر وشف السياره أنا شفتها أكورد 05 ماشيه 29 (قبل سنتين ونص) كرت وممشى قليل عجبتني
> أبوي خمني وزحلقني كنت ملطوع من دون سياره ست شهور وماصدقت وش اسوي عاد ؟ :p

**B Useful** · 05-04-2009, 01:43 AM

بس حبيت اعلمك ان يبيلك صبر مثل صبر ايوب ..
لو طلبتها الحين تقريباً يبيلك شهر عشان تخلص الاوراق وتحول الـ 80.000 ريال تقريباً لآكورد مستخدمة لشركة او شخص ما تعرفهم ..
وتبي تسأل مليون سؤال هل السيارة فيها صدمات ولا مشاكل وما تدري والانجلش عندك ميح طبعاً ..
واذا وصلت السعودية خلال 8 ايام اذا كنت طالب معها ايبود !! <<< لا تصدق عمرك عاد
قصدي تقريباً يبيلها 4 اشهر في المحيط تقريباً لين توصلك << تجربة احد الاعضاء اللي شراها .
هذي بحذ ذاتها 4 اشهر في البحر كفيلة انها تطلع لك الشيب في راسك ،،
وبعد كذا في الميناء اسبوعين عشان شغل الجمركة والزحمة والبطئ وضاعت المعاملة
يعني يمكن يجيك شلل اطفال وانت قاعد تحتري هالشغلة لين توصلك السيارة وتفحصها الفحص الدوري عشان تاخذ اللوحات ..

بس صدقني ،، بعد ما تخلص كل شي وتغسل السيارة وتدخلها البيت ،،
بجيك احساس مثل احساس شهر العسل

**V6 2007** · 05-04-2009, 01:47 AM

يعني تهقون مابه امريكي سبيكه
يبي يبـادلني راس براس يعني اعطيه
موتري ويعطيني اكورد 6 سلندر 2006
وازوده 5 الاف بس هههههههههه...

والله ياهي مجنونه
يمكن فيها 8 اربقـات احييييه
وطي المرايـا وبلتووث ومدري وشو عند لمبة السقف
يعني على بلاطه انواع الخقق..

ايه ايه نسيت
هذا رابط لـ اكورد 2006 :d
شوفوا المواتر اللي تستاهـل ..:d
http://www.youtube.com/watch?v=sQIM0...eature=related

تحيتي:d

**المباشر** · 05-04-2009, 03:10 AM

واحد من الشباب جاب له اكورد أمريكي وممكن يفيدك بخصوص هالموضوع ومتأكد كلام كوكوكورد 100% صحيح واعتقد ماخذالمعلومات من الرجال اللي قصدته الا سالفة الأيبود هذه حالة خاصة على جنب

**الهنادي راس مــالــي** · 05-04-2009, 07:33 PM

المشاركة الأصلية كتبت بواسطة المباشر

واحد من الشباب جاب له اكورد أمريكي وممكن يفيدك بخصوص هالموضوع ومتأكد كلام كوكوكورد 100% صحيح واعتقد ماخذالمعلومات من الرجال اللي قصدته الا سالفة الأيبود هذه حالة خاصة على جنب

^^^^ اعجبني تشبيهك في احد الكلمات إلي فووق ;) ،،، يابطراان انت ،،
بالنسبه لك اخوي إلي يبي يجيب اكورد من امريكا ،، فيه واحد من الأعضاء عايش الحين في امريكا ورى ماتكلمه على الخاص وتتمالى وياه

<<< :o

**V6 2007** · 05-04-2009, 01:39 PM

^^^^

منهو هالعضـو
وش نكه او وينه فيه

تحيتي:d

**Classic Design** · 05-04-2009, 06:22 PM

أعتقد فيه شركات متخصصه بهالشيء تطلب السيارة من عندهم وتعطيهم الفلوس و متى ماجت السيارة يعطونك خبر

ادخل موقع مستعمل وتشوف اللي يسرك

**rnkb2004** · 05-04-2009, 06:43 PM

أنا أجيبلكم ولي يبي يدق على جوالي 0503555760

**V6 2007** · 05-04-2009, 11:27 PM

المشاركة الأصلية كتبت بواسطة rnkb2004

أنا أجيبلكم ولي يبي يدق على جوالي 0503555760

هلا والله اخووٍي ..
بس مثـلا لو واحد يبي اكورد 2007
6 سلندر طبعـاً نظيـف ..:d
كم بتكلفه مع الجمـركه وكل شي واللوح
يعني ياخذها جاهزه..؟

تحيتي

**V6 2007** · 05-04-2009, 11:25 PM

^^^^

ماهو لازم الحين ابي موتري
يطلع من الصيـانه بعدين افكر
اشتـري ..:d
بس من يوم قالوا 80 الف قيمتها
بدون الجمركه والدنيـا انا قمطت
وقررت ابطـل اشتري اكورد امريكيه

يازين اليابانيه زينااه
تحيتي:d

**المباشر** · 06-04-2009, 04:47 AM

أرضى بموترك والله يبارك لك فيه

ترى شينه اذا طابت النفس من الموتر - الحين انت عندك سيارة ماشاءالله غيرك مش محصلها. احمد الله وأشكره وأقنع باللي عندك

**V6 2007** · 06-04-2009, 12:06 PM

^^^^

صح لسسانكّ
هذا الكـلام الصح
الحمدلله على كل حـال الله لا
يغير علينـا ولا على احد منكم يارب ..

مشكور يالغ.ـلا
تحيتي

**rnkb2004** · 07-04-2009, 01:19 AM

بالنسبة لأخوي إلي يسأل وقول
بس مثـلا لو واحد يبي اكورد 2007
6 سلندر طبعـاً نظيـف ..
كم بتكلفه مع الجمـركه وكل شي واللوح
يعني ياخذها جاهزه..؟

أقوله خذ عندك مثال السيارة إلي في الصور
هوندا أكورد أمريكي موديل 2007
2007 HONDA ACCORD 3.0 EX w/Auto/Navi (A5)
العداد 32000ميل
السعر 17000دولار أمريكي شامل الشحن
15000قيمة السيارة
2000 تكاليف الشحن والعمولة
القيمة بالدولار

**مجنون اكورد 07** · 09-04-2009, 01:22 PM

اوووووووووف يعني بيكون سعرها 127500 ريال

**راعي الcivic** · 09-04-2009, 01:42 PM

يااااخي انت كيييف حسبتها
اوووووووووف يعني بيكون سعرها 127500 ريال

خطا بتطلع 63750
17000دولار*3.75=63750

**V6 2007** · 09-04-2009, 02:27 PM

^^^^^^^

صح عليــك ياذيبــان

تحيتي

**مجنون اكورد 07** · 10-04-2009, 02:33 PM

هههههههههههههههههههه انا حسبت ال 17000 واللي تحتها ال 15000 والألفين كلها يعطيك العافيه غلطت بالحساب

**النجار** · 12-04-2009, 01:41 AM

اخي السلام عليكم انا داري اني جاي بعد ماصفر الحكم:d بس معليش انا باقولك راي بعد إذنك انا من رأي انك ماتاخذها لأنو في شركات زي تويوتا المصنع يفرق في قطع الغيار يعني الكامري عندنا غير الي في امريكا في قطع الغيار وهادي عن تجربة احد الأصدقاء وكل قطعة لين الأقمشة تخيل مختلفة ويطلبها بالطلب بس إنت اسأل الشركة أول امكن توفرها لك لأنو الأكورد الكوبيه امريكية