الموضوع: الي شاري اكورد بالتقصيد

السلام عليكم ... حياكم الله جميعا ً ....

الإخوان ماشاء الله ماقصروا بتعليقاتهم ونصائحهم الرائعه .

أنا حبيت أزيد معلومه غايبه عن غالبية الناس وهي إنك كل مازودت قيمة القسط

تقل مدة الأقساط وبالتالي تنقص فايدة الشركه .

مثال : إذا السياره قيمتها كاش 100000 ريال ونسبة الجهة المقرضه أيا ً كانت وكالة

أو غيرها غالبا ً : 8 % في السنه الواحده .

يعني 8 % من سعر ال100000 ريال = 8000 ريال في السنه الواحده

وتتكرر بعدد سنوات القسط .

يعني لمن تاخذ السياره أقساط لمدة 5 سنوات

5 * 8000 = 40000 ريال صافي الربح بدون الدفعه الأولى او الأخيره .

4 سنوات : 4 * 8000 = 32000 ريال .

3 سنوات : 3 * 8000 = 24000 ريال .

2 سسنتين : 2 * 8000 = 16000 ريال .

1 سنه : 1 * 8000 = 8000 ريال .

( * ) علامة الضرب .

يعني بعبارة ثانيه كل مازودت الدفعه الأولى وقللت عدد سنوات الأقساط أنت المستفيد أكثر من جهتين :

أولا ً : إنك تخلص إلتزاماتك الماليه في أقصر ممكن وقت وماتتحمل عبئ الأقساط لسنوات كثيره

لأن الأقساط تقص الظهر للي مجرب وأنا واحد من هؤلاء .

ثانيا ً : تطلع عليك ( الفائده ) حقت الوكاله أقل ومافرقت عن سعر الكاش إلا شي بسيط .

ان شاء الله تكون إتضحت صورة الأقساط وكيفية التعامل معها بذكاء .

وبالنسبة للشروط تختلف بين التقسيط والتأجير المنتهي بالتمليك .

التقسيط على كلام مندوب الوكاله أصبح نادر جدا ً وشروطه أصعب

منها وجود عدد 2 كفيل غارم حظوريا ً وتحويل راتب .

التأجير أسهل لا كفيل ولا غيره كل اللي يبون شيكات

من رصيد بنكي معتمد بعدد الأقساط + الدفعه الأولى .

تحياتي للجميع .