الموضوع: ناوي على اكورد << ريحوني

اولاً مبروك مقدماً .. واختيار موفق ..

انا عندي V6 2009 وماشيه 1600 وللحين ماوديتها للصيانه :d

كانت عندي سيفك 2003 وللحين موجوده :o بس الاكورد تفرق عن السيفك للافضل

بس حصل شي غريب عندي في القير اذا وققت السياره واحط القير على الـP طبعاً لابد امر على الـR << سبحان الله المهم ويوم توصل على الـR يطلع صوط طقطقه في القير يقهرني يقول تتكككك وهذي بالنسبالي مشكله كبيره لاني ما اعرف وش هي بالضبط هال هذا عيب ولا انها اصل الهوندا قيرها ثقيل والله محتار اما السياره كشكل عام سياره خمس نجوم مريحه قويه واغسل فيها الالتيمات رايح راد :d
باقي آريون وحده حطيتها في بالي اغسل شراعها واجي اخبركم ان شاء الله انصحك بالاكورد سياره يعتمد عليها

اما عن الاسعار والله ياخوي للحين ما اشتريت لها اي شي بس الهوندا اسعارها معقوله وقطع غيارها تدوم وتدوم :d

اما عن الشاشه ماعندي علم ولا اعرف :p<< ماعنده فلوس :d

عزيزي اولاً الف مبروك مقدماً وإنشاء الله تكون مقدمة كل خير عليك
بالنسبه إلى موضوع الصيانه انصحك تروح الشركه كل مايجي وقت الصيانه ولا تقول مراح اوديها عشان بره احسن او ارخص او اي شي ثاني لانو إذا الواحد مرض يروح يجري على الدكتور في احسن مستشفى في العالم عشان هذا الدكتور يفهم نوع مرضك وهذا الكلام نفسه للسياره يعني من يوم الصيانه على طول جري على الشركه عشان هم افهم من المحلات الخارجيه
قطع الغيار حسب التكلفه وهي شوي غاليه بس سعرها فيها يعني إذا خربت شغله تشتري من الشركه وتمشي معاك اخر حلاوه يعني سنه او اكثر
القربعه انتا وحظك يعني في ناس معاهم اكورد 2008 مافيها شي وناس 2008 وكلها اصوات وإزعاج الشغله حظوظ
الشاشه شاشة بلدها تمشي الحال والحمد لله
نصائح :-
صلاة الاستخاره
بعد الشراء تشوف السياره من بره كامله مافيها خدش اوحكه
خد لون غير العودي السبب عشان إذا نزل موديل 2010 تقدر تضحك على غيرك وتقول له سيارتي موديل هذي السنه

وصلى الله على نبينا محمد

مشكوووورين على الردود ..

و ان شاء الله اللي راح يكتبه ربنا هو اللي بيصير

و بالنسبه للون : ان شاء الله ناوي على الذهبي او البيج المعدني ...

تبي نصيحـة من أخ يحبلك الخيررر

لا تاخذ اسبشل خذ فل

لا تستعجل مثلي وتندم بكرا تشوف الموصفات في فل ما راح تلقهااا في اي فاهـــ

واللهــ حرام دافع دافع حتى ولو ما اسمحت الميزانيهــ تسلف دورك مشروع صغير وسريعـــ

يعني انشاء اللهــ السيارهـ بتقعد معكــ اذا اخذت فل وبكرا مر عليهاا الزمن تكون لهاا مهابهــ وشخصيهـــ

بكرا اذا بتركب انوار ضباب لازم تفك الصدام حتى اذا سويتهاا في الوكالهــ وتهورت الوكالهــ نفسها ما راح ترجعهــ مثل ما جاء شد بلد



(( لا تستعجل ,, لا تستعجل ,, لا تستعجل ))

^^^^

صـح لسآنكّ
قدك هذاك اللي بتدفع خذ لك فـل
بصراحه السبشـل عباره عن سياحي بفتحه وجنوط..
يعني ماتحس بالتغير الا لا ركبت فل
الفـل بيجيك جنوط 17 - مكيف الكتروني - كشافات ضبـاب
مراية تعتيم - طي المرايـا - الديكور اللي داخل شوي يختلف
يعني احلا من ديكور السبشـل - مسكات الابواب كروم ..
يعني سيـاره صح.
انا ماانصحـك بالسبشـل ابدن....

تحيتي

مبروكـ مقدما والاكورد سيارة تعيش معاكـ وبعض العيوب المصنعية بسيطة ويمكن تتلاافها وتصلحها بالوكالة وبالنسبة لقطع الغيار ماانكر ان فيها نوع من المبالغة بالاسعار بس تحط او تبدل القطعة وتنساها

ونصيحة مني غير الفل لاتاخذ و 10 الف فرق لو تتسلفها وانت مقسط مقسط ماراح تفرق بالحسبة كثير

والله يكتب لكـ الي فيه الخير ويعطيك خيرها ويكفيك شرها مقدما

مبرووك اخ ـــوي مقدما واتوقع الشبآب ما قصروا معك

وانا اوآفق انك تشتري فل احسن لك لان انا معي اسبيشل ورحت اركب كشافات ضباب

خربت على الكهرباء حقت السياره وندمت ندم كانت غلطه حيآتي اللي سويتها عشان كيذا

انصحك بالفل لو تتسلف بعد

بالتوفيق ت ح ــــــــــــــيتي

هلا بيكم جميعا ..

ابشركم اليوم شريت السياره .. الحمد لله فل كامل 4 سليندر ..

اللون فيراني ..

شكرا لكم ان شاء الله بستلمها الثلاثاء او الاربعاء لاني طلبت تركيب حساسات خلفيه ..

المشاركة الأصلية كتبت بواسطة basmair83

هلا بيكم جميعا ..

ابشركم اليوم شريت السياره .. الحمد لله فل كامل 4 سليندر ..

اللون فيراني ..

شكرا لكم ان شاء الله بستلمها الثلاثاء او الاربعاء لاني طلبت تركيب حساسات خلفيه ..

الف مبروك

الله يعطيك خيرها ويكفيك شرهااا
اهنيك على ذوقك في اختيار اللون

المشاركة الأصلية كتبت بواسطة م ج رد حلم

الف مبروك

الله يعطيك خيرها ويكفيك شرهااا
اهنيك على ذوقك في اختيار اللون

الله يسلمك ... ما قصرت

على البركه السياره