السلام عليكم يا شباب
تم الاتصال من الوكالة بي وطلبوا مني الحضور لاستلام السيارة
وهناك
قعدت ادور السياره ماحصلتها رحت لقسم الخدمه السريعة
وجاني الدور
ودار الحديث التالي
السلام عليكم
وعليكم
وين سيارتي
بالمواقف اللي تحت المبنى
كويس عشان الشمس
هاه كم الحساب (انا قلت بدفع 400 او 450 ان طااارت)
ويقولي 630 ريال
ليييييييييييه
بدلنا الفحمات الخلفية
ومين قالكم تبدلونها
ليه ما اتصلوا فيك
ياخي كل شوي وانت قايلي اتصلوا وما اتصلوا وين احنا عايشين ترانا في بلاد عربيه يابو
ومين اذن لهم يبدلوا الفحمات الخلفية
الحين تبي تقنعني ان الفحمات الخلفيه خلصت قبل الأماميه
ترا انا مو ابن امس في السيارات لي 11سنه من موتر للثاني
واعرف ان الأمامي يهتري قبل الخلفي والعمر الإفتراضي
للفحمات في حالة الإستخدام العادي من سنه لسنه ونص هذا المامي والخلفي سنتين بالراحه << حسب خبرتي واستخدامي القليل يعني ما امشي كثير
لا ياخي موديلات الهوندا 2008 و 2009 غير
لا ياشيخ ليه يعني 2008 و 2009 تطير وانا مادري كلها سيارات مثل بعض
اذا تبي نرجع الفحمات القديمة وتعال بكره استلمها
انتو شغل استهبال اقسم بالله ما عدت اجيكم انا كل دخلتي لهالقسم عشان الضمان مايروح مو اكثر
ياخي اذا الحين رجعنالك الفحمات القديمه على مسؤليتك واذا خربت الهوبات على مسؤليتك ويمكن يروح الضمان
قلت في عقلي " تسوووووووووووو " < صاروخ ،،، هذا بس يبي يبيع والسلام
طيب ابي اجرب السياره
ادفع بعدين جرب
وش انتم مرور ادفع بعدين اعترض
ماني طالع الين ما اجرب
ممنوع ما اقدر
طيب والحل
الرجال حس انه زودها قالي خذ هذي ورقة خروج على مسؤليتي قبل لا تدفع روح جربها وتعال
انا هنا انحرجت وقلت له كيف ياخي تثق فيني انت من وين تعرفني مو يمكن اجحدك[/COLOR]
اذا جحدتني بيني وبينك رب العالمين
انا هنا طاح وجهي و
طلعت جربت السياره اوكيه والحمد لله
ورجعت اعطيته فلوسه ومشيت
ورحت البيت والاقي الفحمات اقديمه بالشنطه
اشوى ما اخذوها اناظر الفحمات والقى انها توها تمشي بالراحه 8 شهور ثانيه قلت كويس بتنفعني مستقبلاً
ولكن الحمد لله راحت الحذفه اهم شي يعني احس انهم صلحوها