اخوي دامك انت تبي تحجزها شهرين لين تكمل فلوسك يعني انت تبي تشتريها كاش

وفي هذي الحاله لاتخاف دامك دافع كاش يطلعونها لك من تحت الارض انت روح للي تكلمت وتفاهمت معاه وقوله انا بدفع 50 الف واحجزها لشهرين لين تكمل معاي الفلوس وبعدها اجي وادفع لك الباقي واستلم السياره
يقولك ماقدر ومادري ايش قول له انا ابيها كاااش ماني جاي ماخذها اقساط

وحتى بعدين لمن تدفع لهم المبلغ كامل اضغط عليهم قولهم ابي استلمها بكره واذا ماسلموها لك خلال يومين قولهم هاتوا فلوسي انا لاقيها في المعارض واستلمها في وقتها وانتوا قاعدين تستهبلون هنا اعطوني فلوسي خليك معاهم جدي والله لايجيبونها لك من تحت الارض

سارت لواحد من الشباب كان طالب 2007 في وقتها وقعدوا يستهبلون عليه ويماطلون فيه لين طار فيهم وقالهم هاتوا فلوسي وقالوله لا لا خلاص ندبرها لك وثاني يوم اتصلوا عليه وقالوا له تعال استلمها وهم كانوا يماطلون فيه اسبوع مدري اسبوعين لكن يوم اعطاهم العين الحمرا زبطوا له اموره

وانا حجزت وحده 2008 بعد ماطلعت بفتره وكنت متفق مع واحد وفي يوم كنت رايح له ومعاي المبلغ كامل واتصلت عليه وقالي ماعندنا الللون اللي تبغاه كلها مخلصه قلت له انا حاجز وحده باسمي وقالي والله راحت

قلت له حبيبي انا 10 دقايق وانا عندك في الشركه وجايك دافع كاش ومعاي المبلغ كامل دبرها لي من تحت الارض على طول قال خلاص ماعليك تعال انت بس وانا ادبرها لك - على طول غير كلامه لا واللي اكثر من كذا انا كنت رايحلهم اخر الليل هم يقفلون الساعه 10 وانا دخلت عليهم 10 ونص وكان قاعد ينتظرني ومخلي حق الخزنه ينتظر عشان يستلم الفلوس وزبط لي كل الامور وماخرجت من عندهم الا الساعه 11 يعني قعدوا ساعه بعد دوامهم عشان سياره وحده لكن الفرق انها كاش واستلمتها بعد يومين هذا وانا قاعد له على راسه اجيه في اليوم مرتين

الكاااش له تعامل مختلف ولا تشيل هم انشالله بتزيط امورك بس انت خلك معاهم حار

واسف على الاطاله