استفسار عن اللوحات الطويله للاكورد 2006-2007

**khalidsk** · 20-05-2009, 02:13 AM

السلام عليكم...........

حبيت يا اخوان استفسر عن اللوحات الطويله

طبعا كما هو معروف ان الامامي تركب معاه طويله والخلفيه صغيره على الاكورد 2006 - 2007...

المهم انا كنت مركب لوحات القديمه الاماميه طويله والخلفيه العاديه

بس الحين يوم جددت الاستماره الزامي اغير اللوحه للجديده

وطلبت وحده طويله والثانيه عاديه

ورفضوا قالو ممنوع هذا قرار يا تاخذ ثنتين طويله والا تخليها مثل ماهي قلا لهم طويله ماتجي عندي في الخلف قالي مشكلتك!!!!!!

اما انك تاخذ وحده طويله والثانيه عاديه مستحيل

قلتله مسوي من قبل ما خذ وحده طويله ووحده عاديه

قال هذا قرار جديد

والله اتمنى لو في حل كيف اسوي

والا في حركه عشان يعطوني وحده ووحده

اعتذر على الاطاله بس اتمنى احد يفيدني.............

**ن ع ر السعودية 0005** · 20-05-2009, 04:04 AM

وعليكم السلام هلا أخوي .........

أنا والله أقترح عليك أنك تأخذ الوحات الصغيرة إلحين ما دام أنهم رفضو يطلعون لك وحده طويله وبعد مده تروح لمرور ثاني غير إلي رحت له وتطلب وحده طويله وإذا قالو شيء قلهم أنها أنعدمت من الغبار أو أي شيء ثاني أهم شيء ماتكون الوحة سليمه فا بكذا يضطر أنه يغيرها لك وعلى كذا أطلبها طويلة وتكون حليت مشكلتك البسيطة ........

**khalidsk** · 20-05-2009, 04:56 AM

المشاركة الأصلية كتبت بواسطة ن ع ر السعودية 0005

وعليكم السلام هلا أخوي .........

أنا والله أقترح عليك أنك تأخذ الوحات الصغيرة إلحين ما دام أنهم رفضو يطلعون لك وحده طويله وبعد مده تروح لمرور ثاني غير إلي رحت له وتطلب وحده طويله وإذا قالو شيء قلهم أنها أنعدمت من الغبار أو أي شيء ثاني أهم شيء ماتكون الوحة سليمه فا بكذا يضطر أنه يغيرها لك وعلى كذا أطلبها طويلة وتكون حليت مشكلتك البسيطة ........

الله يعطيك العافيه اخوي

بس اكيد بيقول اللوحه اللي بوديها ابدلها هي صغيره بيعطيني مثلها

الا اذا قال جيب اللوحتين كلهم هنا بيبدل الثنتين...........

ما دري يمكن انا مافهمت طريقتك....

ياليت توضح اكثر

وشاكر لك تواصلك اخوي

**ماجستيك2009** · 20-05-2009, 08:41 AM

قله اوقع على اني استلمت وحد طولية ووحدة صغيره واقر بالكلام هذا ولو تبي ابصم وادخل على مدير المرور بنفسك او المسؤول عنهم لان فيه لوحات شايفها انا كذا ؟؟؟؟ ماشوف التعقيد هذا له داعي ولا لازم يعني شغل واسطه ؟؟

**ابو صقر0007** · 20-05-2009, 10:12 AM

السلام عليكم انا خويي طلب لوحه وحده طويله

وطلعوها له وجديده بس العسكري يتعيبط

**الـمـسـافـر** · 20-05-2009, 10:22 AM

العسكري صرف لك نظام من جيبه :d

عادي جدا تراك بالسعوديه يعني كل واحد يطلع لك نظام

**تتعب معي** · 20-05-2009, 11:45 AM

اقرررررررررب مخرج >>>> العسكري ...

ياحبيبي ... اعطيك الحل .. اذا تعيبط معك العسكري .. خذ الصغيره .. واطلع وروح (ادارة التموين)... اللي في حي الشميسي ..

وغير من صغير الى طويلة .. وانتهى الموضوع .. قيمة اللوحة 50 ريال .. تروح الصبح الساعه 8 .. وتجي تستلمها الساعه 1 الظهر ..

وبس

**khalidsk** · 20-05-2009, 02:08 PM

الله يعطيكم العافيه اخواني ماقصرتو على الردود

طبعا انا في الدمام

بس مش مشكله بروح الرياض عشان اللوحه بس ياليت موقعهم بالضبط للي يعرف يوصفه لي

وان شاء الله استفيد مااروح مشوار على الفاضي

**accordyon** · 20-05-2009, 08:33 PM

المشاركة الأصلية كتبت بواسطة khalidsk

بس مشكله بروح الرياض عشان اللوحه بس ياليت موقعهم

وان شاء الله استفيد مااروح مشوار على الفاضي

انا مثلك ابي وحده بس طويله ومستصعب المشوار للرياض عشانها
بس اذا لقيت حل علمني لاهنت.

**تتعب معي** · 20-05-2009, 09:00 PM

هلا يا اخووووان ... اتوقع عندكم ادراة تموين مو معقوول كل من يبي يطلع لوحة طويلة يجي الريااض ..

اسالووو وتأكدووو .. وبتلقوووون احد بيدلكم ..

**khalidsk** · 20-05-2009, 10:43 PM

بالنسبه لو طلبنا اللوحه من الدمام مستحيل تجي في اقل من شهر

لاني انا طلبت لوحه طويله للوحات القديمه وصلتني اكثر من شهرين

بس لو اروح للرياض بنفس اليوم يجهزون اللوحه.....

انا بحاول اروح الرياض بس ودي اسئلكم في احد منكم بدل لوحه عاديه بطويله للوحات الجديده

ياليت من بدلها يقولي وش صار معاه وشقالو له

**khalidsk** · 20-05-2009, 10:45 PM

المشاركة الأصلية كتبت بواسطة أأح2024 بيج

انا مثلك ابي وحده بس طويله ومستصعب المشوار للرياض عشانها
بس اذا لقيت حل علمني لاهنت.

ابشر ان شاء الله اي حل راح اعطيك خبر

بس اتوقع اني بروح للرياض اذا ضمنت اني اكيد بستفيد

**meshoo** · 20-05-2009, 08:41 PM

روح اطلبها من قسم الحاسب الالي بمرور الدمام بحي العدامه مايقصرون هناك

**ن ع ر السعودية 0005** · 20-05-2009, 10:53 PM

لا عادي يعطيك وحده طويلة بس هذا إلي قالك كذا جايب هذا النظام من عنده أنا أقولك شف أحد تعرفه يشتغل بالمرور يضبط أمورك يعني شف واحد يتوسط لك عند أحد معين في المرور وتنحل مشكلتك ........

**المباشر** · 21-05-2009, 04:47 AM

كنت قبل أسبوع في المرور عندي موضوع خاص لسيارتي بخصوص اللوحات ( مفاجأة ) :d

المهم كنت في قسم المحفوظات جلسة شاي وسواليف وحركات وسألتهم عن موضوع اللوحة الطويلة وقالوا لي مثل ماقالوا لك ( ممنوع ) والنظام الجديد ياطويلة ياقصيرة

طبعآ مادققت في الموضوع وقلت يمكن مافهم قصدي - والسبب أني سألته قبل تبديل اللوحات

يعني الظاهر تجي القصيرة وبعدين أدفع مرة ثانية وبدل وحده طويلة بس هو شكله فهمني غلط ويفكرني أطلب لوحة طويلة وقصيرة من بداية الموضوع لأني ببدل اللوحة << أدري فضحت المفاجأة - المهم - وخبرك المرور ادفع ادفع ادفع

معلومة : للأسف نفس المرور جيتهم قبل ابي لوحة طويلة بالشكل القديم وقالوا لي ممنوع ومايصير ، ورحت للدمام وسويتها عن طريق الادارة العامة وصحيح طولت ولكن وش نسوي

مالك الا تدقها طيران ناس وتروح قسم التموين بمرور عليشة وتبدل اللوحة أو جرب حظك مع ادارة المرور اللي عند المعهد المهني وترى انا قدمتها بواسطة ذاك اليوم عطيته اللوحة وهو طلبها ويوم جات اتصل فيني ، يعني مادري هم يسوون طلبات ولا لا - لا تفول نصب علي المباشر:d

**khalidsk** · 21-05-2009, 05:06 AM

المشاركة الأصلية كتبت بواسطة المباشر

كنت قبل أسبوع في المرور عندي موضوع خاص لسيارتي بخصوص اللوحات ( مفاجأة ) :d

المهم كنت في قسم المحفوظات جلسة شاي وسواليف وحركات وسألتهم عن موضوع اللوحة الطويلة وقالوا لي مثل ماقالوا لك ( ممنوع ) والنظام الجديد ياطويلة ياقصيرة

طبعآ مادققت في الموضوع وقلت يمكن مافهم قصدي - والسبب أني سألته قبل تبديل اللوحات

يعني الظاهر تجي القصيرة وبعدين أدفع مرة ثانية وبدل وحده طويلة بس هو شكله فهمني غلط ويفكرني أطلب لوحة طويلة وقصيرة من بداية الموضوع لأني ببدل اللوحة << أدري فضحت المفاجأة - المهم - وخبرك المرور ادفع ادفع ادفع

معلومة : للأسف نفس المرور جيتهم قبل ابي لوحة طويلة بالشكل القديم وقالوا لي ممنوع ومايصير ، ورحت للدمام وسويتها عن طريق الادارة العامة وصحيح طولت ولكن وش نسوي

مالك الا تدقها طيران ناس وتروح قسم التموين بمرور عليشة وتبدل اللوحة أو جرب حظك مع ادارة المرور اللي عند المعهد المهني وترى انا قدمتها بواسطة ذاك اليوم عطيته اللوحة وهو طلبها ويوم جات اتصل فيني ، يعني مادري هم يسوون طلبات ولا لا - لا تفول نصب علي المباشر:d

الله يعطيك العافيه اخوي وماقصرت

بس اسوي مثل ماقلت يعني بعد ما استلم اللوح الجديده العاديه افك وحده واروح لهم واقولهم ابي طويله بدال هذي

بس كذا؟؟؟؟

والدفع عن طريق البنك والا عندهم في نفس الاداره

وياليت توصفلي مكان مرور عليشه... واذا رحت لهذولا في عليشه بيخلصون الموضوع على طول

لاني ما ابي ادق مشوار من الدمام على الفاضي

**المباشر** · 21-05-2009, 05:29 AM

صحيح يالغالي أستلم الصغيرة بعد التجديد وبعدها شوف موضوع اللوحة الطويلة

الدفع عن طريق الصراف بس مش متأكد هي 100 ولا 50 ريال لأني يوم طلبت اللوحة الطويلة دفعت 50 ريال وبعدها كلمني الرجال ( الواسطة ) وقالي أسترجع الـ 50 وأدفع 100 لأن النظام تغير ويقول الحين بكيفك تبي وحده ولا ثنتين تدفع 100

وبعدها شباب قالوا ان النظام تغير ورجع 50 ريال ولكن اللي يفيدك الصراف أو أي واحد توه مغير لوحة

وبخصوص مرور عليشة يبيلك الوصف الأكيد من أهل الرياض لأني من الشرقية ولا أدري وين موقعهم

**khalidsk** · 21-05-2009, 05:55 AM

المشاركة الأصلية كتبت بواسطة المباشر

صحيح يالغالي أستلم الصغيرة بعد التجديد وبعدها شوف موضوع اللوحة الطويلة

الدفع عن طريق الصراف بس مش متأكد هي 100 ولا 50 ريال لأني يوم طلبت اللوحة الطويلة دفعت 50 ريال وبعدها كلمني الرجال ( الواسطة ) وقالي أسترجع الـ 50 وأدفع 100 لأن النظام تغير ويقول الحين بكيفك تبي وحده ولا ثنتين تدفع 100

وبعدها شباب قالوا ان النظام تغير ورجع 50 ريال ولكن اللي يفيدك الصراف أو أي واحد توه مغير لوحة

وبخصوص مرور عليشة يبيلك الوصف الأكيد من أهل الرياض لأني من الشرقية ولا أدري وين موقعهم

الله يعطيك الف عافيه اخوي وماقصرت

وان شاء الله تتم العمليه ونخلص منها

**المباشر** · 21-05-2009, 10:09 PM

أنتظر أسبوع وأخلص موضوعي ان شاء الله وأرد عليك على وش صار بعد اذا هل قدرت أطلع لوحة طويلة ولا لا

لكن أسبوع احسه شوي لأني ببدل لوحات وبعدين بحذف الأصفار وخبرك مرورنا يطول السالفة وبعدين بطلب لوحة طويلة

لكن تفكيري اني أروح بنفسي للرياض علشان حذف الأصفار وبعدين طلب اللوحة حتى لو من الدمام

**khalidsk** · 21-05-2009, 10:39 PM

المشاركة الأصلية كتبت بواسطة المباشر

أنتظر أسبوع وأخلص موضوعي ان شاء الله وأرد عليك على وش صار بعد اذا هل قدرت أطلع لوحة طويلة ولا لا

لكن أسبوع احسه شوي لأني ببدل لوحات وبعدين بحذف الأصفار وخبرك مرورنا يطول السالفة وبعدين بطلب لوحة طويلة

لكن تفكيري اني أروح بنفسي للرياض علشان حذف الأصفار وبعدين طلب اللوحة حتى لو من الدمام

ايووووووووووووه احسن شي.......

خلاص سو انت وشوف شيصير معاك وبلغني لاهنت اخوي

عشان اسوي مثلك

وانا انتظرك لين تخلص وتكتب لي وش صار معاك

والله حتى انا ودي اروح للرياض بس لسه اللوحه الجديده ماطلعت

لانهم قالو لي تبي نفس الرقم اللي عندك تنتظر 3 اسابيع والا تبي رقم جديد نعطيك اياه الحين

انا قلت ابي نفس ارقامي... يعني لازم انتظر

واشوف شيصير معاك على مايجيبون اللوح حقيني

بالتوفيق............

**المباشر** · 21-05-2009, 11:37 PM

أبشر يالغالي.

وحلو على اللوحة 3 أرقام وزين سويت احسن من الجديدة 4 وتضيع من كثرهم وخربطتهم

**magical** · 24-05-2009, 07:38 PM

اخوي السلام

اخوي اخصرك منهم انا معي اكورد 2006 مركب الاماميه طويلة والخلفيه عادية
طبعا جاتني بعد ما استلمت الوحات الصغيرة وبعدين طلبت لوحة كبيره وحده لانو عندي الوحة رقمها 0007 وتجي حلوه على الوحه الطويلة وما صارلي اي تعقيد وبدون واسطه انا غيرتها في شهر ذي القعدة قبل 5شهور