تحية طيبة
اود الاستفسار عن مويه الراديتر متى تغيـــر ... وين فيـه احسن مكان في الرياض ... سيارتي اكورد 4 سلندر 2005
ارجو مساعـدتي ....
ماء الرداتير اكورد
تحية طيبة
اود الاستفسار عن مويه الراديتر متى تغيـــر ... وين فيـه احسن مكان في الرياض ... سيارتي اكورد 4 سلندر 2005
ارجو مساعـدتي ....
هلا بك أخوي ..
والله انا عندي نفس سيارتك .. والحمد لله الوكاله هم يزيدون المويه شوي مع كل تغييرة زيت ..
فاذا انت مواظب على تغيير الزيت عند الوكاله فان شاء الله انك ماتحتاج تغيير .. لكن تأكد من انهم يزيدون المويه ,
بدل ماتروح الوكالة وتحجز لك موعد وووو
روح اقرب ورشة وقوله يغير لك المويه
وتقدر انت تغيره بنفسك
:(
المويه ما تتغير بس شيك عليها وتأكد انه ماتنقص يعني تكون بين الخطين الminimum وال maximum
المويه اشترها من اي محل زيوت وخليها معك بالسياره للأحتياط
...بس
طيب يا شباب انا يومني كنت اصلح المكيف مع الفك والتركيب انكبت موية الرديتر
ويوم جيت اعبيها مويه رديتر جاني مصري وقالي عب موية مقطره (موية بطاريه) احسن من موية الرديتر
طبعا انا قلتله ليه ــ وياليتني ماقلتله ــ قعد يشرحلي نص ساعه و انا انواع التسليك
ويوم جيت امشي ليقيته يصب بسيارته (جالنت) مويه بطاريه
الخلاصه وش الاحسن موية بطاريه ولا موية رديتر
المشاركة الأصلية كتبت بواسطة slaitr
كيفك انت ؟
موية مقطرة مين والناس نايمين:d
في موية خاصة للرديتر لونها أزرق كثافتها عالية والسعة الحرارية عالية جدا "مركز جدا" لدرجة إنك لازم تضيف معاها موية مقطرة عشان تخفف تركيزها
تروح محل قطع غيار هوندا وتطلب منه موية رديتر قله عطيني الموية اللي لونها أزرق والله يعينك
خد لم موييه ايسي ديلكو ب 50 ريال وروح اقرب محل رديترات قول له ينظف الرديتر ويشيك على الخراطيش وينزل ماي الرديتر ويحط لك موية الايسي ديلكو لونها اخضر وتشكر في ايام الحرر الناس سياراتهم ترفع حراره وانت ما تشوف الحراراه ههههههههه
وشيك على المراوح كمان وطرمبة البانزين والزيت <<< هدي الاشياء ضروري تسويها كل صيف واضمن لك سيارتك ماترفع حراره لمدة 15 سنه قدام
اخوي
الوكاله يستخدمون موية كاسترول الي لونها اخضر لجميع سيارات هوندا ومتاكد100% وخبري بالوكاله يزيدون المويه مايغيرونها.
الحين يا شباب انتم تغيرون الزيت في الوكالة على حسابهم ولا حسابكم .. ؟؟ :d
على حسابنا
ولراعي الموضوع مر قطع غيار الوكالة وشوف وش نوع المويه الموجودة عندهم وأقرب محل راديترات خله ينظف الراديتور ويعبي لك المويه مع تخفيفه بماء مقطر العلبة الواحده بـ 2 أو 3 ريال
وكل راديتور فيه فتحة تصريف تقدر تصرف الماء منه وتجدده ولكن التنظيف والتصييخ أفضل للتجديد الكامل للماء
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
روح للغرابي وشتر لك كرتون ماء اخضر واختار وادخل كذا محل وشوف الانواع واخذ كرتون مويه مقطر بعد افضل
يجب تغيير سائل المبرد (ماء الراديتر) كل سنه حتى ولم ينقص او لم تظهر عليه علامات الفساد . نسبه الخلط هي 50% مضاد تجمد "انتيفريز" (Antifreeze) و 50% ماء مقطر . انصح بشراء الانتيفريز من الوكاله . هكذا ينص كتيب التعليمات الذي يأتي مع السياره .
تحياتي ،
اشكـركم جميعا على ردودكــــــــــم
تحياتي لكم واحد واحد
اخوكم
دعواتكم لي بالتوفيق الله يوفقـكم
ضوابط المشاركة
رد مع اقتباس
مواقع النشر (المفضلة)