الموضوع: تسييخ الرديتر هل هو حل لارتفاع درجة الحرارة ؟؟!!

المشاركة الأصلية كتبت بواسطة pepsi_maan

الله يعطيكم الف عافيه يا حلوييييين..

ترى مشكلة ارتفاع الحراره كانت عندي عند تشغيل المكيف .. اذا طفيت المكيف الحراره ترجع عاديه.. لكن اللي جنني ان السياره طلعتها من الوكاله (الوكاله ما مستها بس كشفو عليها) وبعدها سارت طبيعيه..

الى الاخ اكورد فضي الله يهديك خوفتني :( (اللي راديتره تمام مايصلح يسيخ لأنه يضر)؟؟؟

انا الى الان الموضوع تمام عندي بس حكايه التسييخ لو انها مفيده والله بسويها

نعم يالغالي يضر (كلور أو فلاش أو الخ...) أو يحطون زيت فرامل بعد
الأشياء هذي تضر ولازم تفك البلف قبل لا تسييخ
أما اذا كان صابون تايد ويمكن معه شوي كلور مافيه مانع أهم شي تفك البلف عند أي تسييخ علشان مايخرب عليك
بمعنى عند الضرورة
ونصيحة قبل لا تسييخ أشتر جالون ماء رديتر أصلي مع 4 علب ماء مقطر
علشان اذا سييخت تعبيهن
وراح تكون تمام

وانتبه من الماء الأخضر والأحمر ابو 10 ريال <<< تراه دمار ومغشوش وموب أصلي حتى لو لقيت مكتوب عليه أصلي خرطي ودمار
لون وماء

عندك :
موية هوندا الزرقاء (تكون مخلوطه مسبقا بس تعبي) لازم جالونين
موية أسي ديلكو أحمر أصلي امريكي (مركز وغير مخلوط مسبقا لازم تخلطه بماء مقطر) جالون واحد مع 4 علب ماء مقطر

شف اسأل عن جالون اسي ديلكو الأحمر الأصلي <<< أنا مجربه ممتاز
وبدون سليكات << لازم بدون سليكات بالكتالوج 2006
ومناسب للألمنيوم
وصناعته أمريكيه وعالية الجوده
مركز وثقيل لازم تخففه بالماء
مبرد ومضاد التجمد

ولكن به عيب وحيد غالي $$ شوي بس يستاهل
ب 72 ريال الجالون 4 لتر مركز وثقيل لازم يخفف بالماء << يشبه الزيت شوي
4 علب ماء مقطر ب 8 ريال الوحده بريالين

اذا تبي اسي ديلكو أصلي لازم تشتريه من مركز خدمة اسي ديلكو وتأكد من تاريخه

أنا عندي لك حل جربه وما راح يضرك شيئ قبل التسييخ اذا نجح الحل خلاص لا تسييخ
كرتون (ماء مقطر) ب 15 ريال به 12 علبه
تفرغ الرديتر كامل ثم تعبيه كامل وتشغل السياره وتعبيه كل ما نقص الى أن يمتلأ وعب الخزان الاحتياطي على الماكس ((للتنظيف)) تخليه يوم أو يومين
وخل معك علبه أو علبتين أحتياط بالسياره
لأن الرديتر ينكبك يمتلأ وهو لم يمتلأ (أرجو أنك فهمتن) وتعبي على الخزان على الماكس ثم يسحب الرديتر وطبعا لازم تقوس وتعبي الماء مضبوط وألا ترى عادي توصل H وانت تمشي لأنه يكون ناقص وماعبيته زين
بإمكانك تفريغه مرة أخرى (وتعبئته ماء مقطر بالكامل للتنظيف مرة أخرى) علما انه لا يغني عن التسييخ
ثم تعبي ماء الراديتر مع ماء مقطر

طبعا أنصحك كانك ملزم تسيخ أنك تسيخ بأجهزة الغسيل (آلة أو مكينة التسييخ) يتم توصيلها بالمكينه(المحرك) (الخراطيش) وتنظيف الراديتر

واذا فكيت الطبه لازم صمغ وغراء أصلي وانتبه لا يكسروها

عموما قريب أحط موضوع عند ماء الراديتر وطريقة التغيير والحراره والخ... والحلول
أنا أقولك الحق التسييخ أغلبه مضر وهذا من خبره

وفيه نقطه ترى الراديتر أحيانا لا يسحب من الخزان الاحتياطي ويكون الرديتر ناقص بسبب غطاء الراديتر

والسلام عليكم ورحمة الله وبركاته