تابع........2.............مع معاناتي مع قير الأكورد

**عاشق الــss** · 30-07-2009, 09:08 PM

السلام عليكم ورحمة الله وبركاته

كيفكم با عشاق الأكورد ان شاءلله تكونو بخير وصحه وسلامه

في هذا الموضوع اسرد لكم جديد معاناتي مع القير

وا نشاءلله محد يمر بالي مريت فيه

هذا رابط موضوعي الأول وفيه بدايت خراب القير الي هي رجفه عند التعشيق من الأول لثاني

http://www.hondaarabia.com/club/showthread.php?t=23067

السياره أكورد 2003

اه ياشباب

نهاية القير كانت قبل اسبوع ونص يوم كنت ماسك خط وفجئه القير خبط فضا من نفسه حاطه بــd كأنه بn وكل النمر كأنها بn
يعني السياره ماتمشي

المهم ضاقت الدنيا فيني وتوكلت على الله ودقيت على سطحا وشالها ووديتها لورشت الجنوب

وقلت للمدير حقهم وشفيها قال القير ودع؟؟؟

يعني قال يا أنك توضبه او تغيره والتغير احسن

المهم يقول التوضيب بيكلف كثير ويمكن مايضبط

قلت توكل على الله وجبلي قير مظبوط

المهم غيرة قير بــ 4500 مع التركيب
وغير كراسي المكينه والقير كامله يعني 6 كراسي
وغير صوفه وسره للمكينه كلفت علي 6600 ريال

المهم رحت لمه في اليوم الي مفروض تطلع فيه وقال ركبت قير وصار مو مضبوط والحين بجيب قير ثاني بس المحل الي باخذ منه بيعطي عللى القير ضمان شهرين بس

قلت الشكوى لله ركب بس اهم شي يصير مضبوط

خذتها في الموعد الثاني ومن بكره رجعتها له الي هو اليوم
القير فيه صوت صفير موقوي بس قهر ادفع كل هالفلوس واخرتها القير بوه صوت

المهم قلت يا أنك تظبه صح ولا والله مايردني الا المحكمه برفع عليك دعوه غش
والله لأمرمطك
المهم الرجال تروع وقال خذ فلوس القير وجب قير انت وفكنا منك ومن شرك
المهم واعدته بعد كم يوم

ياشباب ان ماضبط القير وش الحل....

وين اجيب قير منه؟؟ دلوني على تشليح مضبوط

تكفون دلوني يا جماعه والله هبل بي ذا الموتر وكرهته

الحمدلله على كل حال ولا حول ولا قوة الا بالله

هذي معاناتي مع القير

**B Useful** · 31-07-2009, 01:04 AM

وين !!

4500 مع التركيب !!

يا حبيبي في التشليح لقيت قير ٢٠٠٦ بـ ٢٨٠٠ ريال في محل في الاخير
وقيور ٢٠٠٣ - ٢٠٠٤ ما تعدي ٣٠٠٠ بالكثير ولقيت بـ ٢٥٠٠- ٢٦٠٠ - ٢٧٠٠ - ٢٨٠٠ - ٢٩٠٠ والضمان من ١٠ ايام لين شهر ، والتركيب ٦٠٠ ريال اذا كثرت !!
انت رايح عند واحد لاعب عليك مع الاسف ...!!

قبل اسبوعين كنت بالتشليح شرينا قير لسيارة ( ..... ) الله بذكرها بالخير حق ٢٠٠٣ بـ ٣٠٠٠ ريال .والتركيب ٥٠٠ ريال في نفس المحل .. وضمان شهر .

**عاشق الــss** · 31-07-2009, 02:30 AM

وين !!

4500 مع التركيب !!

يا حبيبي في التشليح لقيت قير ٢٠٠٦ بـ ٢٨٠٠ ريال في محل في الاخير
وقيور ٢٠٠٣ - ٢٠٠٤ ما تعدي ٣٠٠٠ بالكثير ولقيت بـ ٢٥٠٠- ٢٦٠٠ - ٢٧٠٠ - ٢٨٠٠ - ٢٩٠٠ والضمان من ١٠ ايام لين شهر ، والتركيب ٦٠٠ ريال اذا كثرت !!
انت رايح عند واحد لاعب عليك مع الاسف ...!!

قبل اسبوعين كنت بالتشليح شرينا قير لسيارة ( ..... ) الله بذكرها بالخير حق ٢٠٠٣ بـ ٣٠٠٠ ريال .والتركيب ٥٠٠ ريال في نفس المحل .. وضمان شهر .

__________________

حبيبي بالله عليك...؟

طيب ممكن تقولي اسم التشليح او رقم له

**B Useful** · 31-07-2009, 02:51 AM

رح مع صباحية رب العالمين وافطر كبدة وحليب السعودية <<< <<< عادي توقع مني اي شي .. قاعد اكلمك وآكل جزر !!، واتجة يم تشليح الحاير واقعد در على المحلات واحد واحد وطقطق على رؤسهم حتى تحصل على الاسعار المذكورة .. اما انها جت كذا باردة مبردة بأتصال ،، لا يا عزيزي .. التشليح يبيلة واحد ( يصحى باكر - لسانة طويل - يعرف يكاسر ) حتى يحصل على مايريد بالسعر اللي يبي .

بـ ٥٠٠٠ قبل شهرين واحد من اخوياي غير قير V6 موديل ٢٠٠٦ <<< شغل اليد ٦٠٠ ريال ... ورشتك اللي رحت بكم شغل اليد ؟

**turky** · 31-07-2009, 06:36 PM

اخووي ss انا عندي نفس المشكله بس رحت للوكاله قالوا عاديه اخف يصرلي نفس الي صارلك الله يستر بس

**المـــــلكـ اكـــــورد** · 31-07-2009, 07:36 PM

راسلني على الخاص وان شاء الله احصل لك قير بسعر جيد

اهم شي انت في الرياض

**م ج رد حلم** · 31-07-2009, 07:45 PM

اانت اش كنت تسوي بالسيااارة

غريبة قير الهوندا مايودع بسرعة

الله يعينك

**عاشق الــss** · 31-07-2009, 10:16 PM

ياشباب اشكركم على التفاعل معي ومع مشكلتي الي جابتلي ادوخه:(

اليوم رحت للحاير

وكلن قام يتفلسف علي

اول واحد حصلت عنده قير 2007 بــ3000 بس
المهم قلت ورني السياره الي راكب عليها القير
بصراحه شكل السياره معدوووووووووووووووووووووم بقوه وقلت ياولد انحش بس

المهم لفيت كم تشليح وطقاق انا وياهم

في الأخير طلعت با النتيجه هذي

في تشاليح ما في امل تعطيك ضمان اكثر من اسبوع او 10 ايام وبصراحه سالفت الضمان ضروريه
ياخي 10 ايام مايمدي االقير تطلع علومه هل فيه مشاكل اولا
يعني قهر اركب القير ثمن بعد اسبوعين يودع وتطير الدراهم

المهم الأسعار الي حصلتها

وكنت حريص ان القير يكون من اكورد موديل 2005 يعني ماجاها كرف او ممشا مثل الــ2003

الأسعار ماتنزل عن 3500 معه الطقاق ومماعط الشوش

حصلت قير موديل 2005 من اكورد مقلوبه والوجهيه ماجاها شي ابد
وعطاني عليها ضمان شهر
وبسعر 3500

يعني هذا احسن عرض حصلته

ومدري للحين متخوف

وحصلت قير ثاني نفس الموديل والسعر
ضمان 20 يوم

المهم خوفي ان هالقيور موظبه اوفيها بلا

ياجماعه المشكله انا سيارتي الأن في ورشه

هذي المشكله والقير مفكوك

يعني لوجبت قير من الي ذكرت وصار فيه بلا

ابخسر قيمت تركيبه

لاكن لو اني على طول جبت السياره للتشاليح كان احسن كان ركبت القير في نفس التشليح وان كان فيه مشكله فكوه وماخسرت قيمة فك وتركيب

ياشباب والله اني في حيره

والله يعني على هالمشكله ويفك ازمتي مع هالقير

انتظر اصحاب الخبره يفيدوني اكثر واكثر