الموضوع: كفرات الاكورد "عن تجربة"

السلام عليكم
شباب انا معي اكورد 2007 سبشل والكفرات ما غيرتها
بصراحة الكفر مو مريحني خصوصا انه صغير
اتمنى تفيدوني من ناحية الكفر وحجمة لاكورد سبشل

شكرا

وعليكم السلام ورحمه الله وبركاته
اكذب عليك لو قلتلك فعلا حجم الكفر غير مناسب لـ اكورد اسبيشل .. مااتوقع ان المصنع حطوه عبث اكيد
فيه قياسات وتصاميم هندسيه موضوعه ومدروسه .. لاتوسوس .. وركب بريجستون بوتنزا جي ار 80
وبالتوفيق لكـ ..

المشاركة الأصلية كتبت بواسطة كوكو كورد

مافية بوتنزا مقاس 15
مافية بوتنزا اسمة gr-80

التصحيح .. ركب الكفر الصامت ( تورنزا ) gr-80 كفر هادئ جداً وصامت وراسي ..
اظن قيمتة في حدود 1300 للطقم كامل ..

اذا ماني غلطان هذا مقاس الكفر حقا الوكالة لموترك : 215 - 65 - 15 او 205 - 65 - 15

( انـــــه التحجير )
تورنزا .. بوقرنزا .. كركنزا .. تفترنزا .. طزطرنزا .. اللي هو .. اهم شي انه بريجستون واخره
gr - 80 ( بوتنزا - تورنزا ) تشابه اسماء
انصحك بتركيب الكفرات عند الوكيل الطلائع .. واهم شي تاكد من تاريخ الانتاج

ميشلان الماني اخذت الواحد ب 350 غيره لاتدور وخذ مقاس الوكالة 205 65 15

المشاركة الأصلية كتبت بواسطة كوكو كورد

ابسألك سؤال .. انت جربت غير هالكفر ؟ عشان تقول غيرة لا تدور ؟

اول شي اسلوبك عدله معي بعدين لو ماجربت غيرها والله ما كنت رديت وفعلت خير للرجال

جربت الهانكوك والخام الي فيه سريع التشقق والمسح
جربت الدانلوب مريح ولكن اقل عمرا من ميشلان
جربت التوبو ناعم وطري و وعمره مقارب للدانلوب
جربت البريجستون ممتاز وصوته مزعج ويابس وجربت البريجستون الرياضي الي تقولو عليه هادي وماله صوت والثبات ماشالله تبارك الله لكن في العمر مايعمر مثل ميشلان
اعتقد هذي التجارب الي وضحتلي انه الميشلان افضل ورجاء عدل اسلوبك معي لاتحكم على شخص بطبعك انا ما جاوبت الا لاني مجرب الميشلان ويكفي انه ضمانه مفتوح

المشاركة الأصلية كتبت بواسطة اكورد 2006 وبس

اول شي اسلوبك عدله معي بعدين لو ماجربت غيرها والله ما كنت رديت وفعلت خير للرجال

جربت الهانكوك والخام الي فيه سريع التشقق والمسح
جربت الدانلوب مريح ولكن اقل عمرا من ميشلان
جربت التوبو ناعم وطري و وعمره مقارب للدانلوب
جربت البريجستون ممتاز وصوته مزعج ويابس وجربت البريجستون الرياضي الي تقولو عليه هادي وماله صوت والثبات ماشالله تبارك الله لكن في العمر مايعمر مثل ميشلان
اعتقد هذي التجارب الي وضحتلي انه الميشلان افضل ورجاء عدل اسلوبك معي لاتحكم على شخص بطبعك انا ما جاوبت الا لاني مجرب الميشلان ويكفي انه ضمانه مفتوح

كفر يعمر .. وكفر مايعمر .. كفر يدوم .. وكفر مايدوم .. وش هالمقارنه ..
بالنسبه لأجوائنا الباريسيه الأفضل هو تغيير الكفرات سنويا أو سنه ونص بالكثير
او 50 ألف كيلو ايهما اسبق .. واشتر راحه بالك .. ماتسوى تبنشر على خط بعز القايله
او تجيك مصيبه والسبب الكفرات .. ( هذا اللي أنــا ماشي عليه ) .. السلامه أولا
إختلاف الآراء لايفسد للود قضيه .. وكفر يعمر وكفر مايدوم .. تشاو ..

السلام عليكم


ماقصرتوا ياشباب معلومات تشكرون عليها والله


انا عندي مشكله بالكفرات الاماميه متشققه مع الاطراف الخارجيه :(


سألت واحد قال لي من هواء الكفر يعني اذا حطيته من 30 - 40 ازعاج والطبلون يتفكك عليك

واذا حطيته 20 - 30 صارت نفس المشكله وتتشقق وماتصلح
مع المنعطفات الطويله


طبعاً الكفرات وكاله ماغيرتها وماشي تقريبا 46 الف


وارسوا لكم على بر .. برجستون والا ميشلان:d


بالتوفيق للجميع

بلفعل مالك غير البرجستون...

انا مركب تورنزا والله قمة الابداع وقمة الهداوة

وانا اسبيشل زيي زييك

قسما بالله الكفر صغير (موب سميك)
قسما بالله عن اللفات العنيفة تحس السيارة تزحف فيك

انا ودي اشتري كفر اذا ركبت السيارة تحس انها ماسكة فيك بالارض

المشاركة الأصلية كتبت بواسطة كوكو كورد

^^ اذا فيك حيل تركب جنوط مقاس ١٦ ^^

وتاخذ هالمقاس ٢١٥ - ٥٥ - ١٦ نوع الكفر ( بريجستون بوتنزا ) شرط ان تدعيلي لين ما يتقطع الكفر ..
فية رساوة عجيبة تحس انة مغناطيس والارض حديد وكلهم يجذبون في بعض ..

واذا الميزانية ماتسمح لك بالجنوط ،،

خلك على البريجستون تورنزا gr-80 وخذ هالمقاس : ٢١٥ - ٦٥ - ١٥

وبالتوفيق لكـ ...

تسلم على المجهود
تقريبا كم سعر الجنوط ؟؟
ولو تعرف مكان مناسب اشترية منه ؟؟

المشاركة الأصلية كتبت بواسطة كوكو كورد

بأفتراض انك بالرياض ،،

الجنوط خذهم من الغرابي ، اذا لقيت اصلي خذ اصلي .. <<< ابحث في مواضيعي تجد الفروقات بين الاصلي والتجاري ،
واذا مالقيت اصلي خذ تجاري بحدود ١١٠٠ للطقم ٤ جنوط << مركبهم ولا فية اي مشاكل لا رجة ولا بطيخ ولا كلام ناس .. وغيري بعد مركب تجاري ولا اشتكى ..

الكفرات لا تاخذهم الا من الوكيل .. حتى لو لقيتهم بالغرابي بتراب الفلوس ..

الكفرات مقاس ١٦ تجيك بحدود ١٩٠٠ الى ٢١٠٠ ريال .*

اذا تعرف محل بالغرابي يبيع نوعية جيدة
راسلني على الخاص واوصفة لي

وانا ادور في مواضيعك لقيت لك موضوع عن فلتر المكيف
http://www.hondaarabia.com/club/showthread.php?t=24756

انا من سكان الرياض اذا باقي عندك كمية كلمني بالخاص

السلام عليكم:d

مساكم الله بالخير

ياعالم ياناس انا كنت بااركب كفرات برجستون 16 على الاكورد سبيشل 2007
لكن طلع قيمة الكفر الواحد 520 ريال تقريبا يعني تطلع على 2000 ريال حرام يعني
لكن ركبت تويو ياباني والله -ماشاء الله تبارك الله ممتازه والسياره تحسنت عن اول بكثير

المشاركة الأصلية كتبت بواسطة روو

السلام عليكم:d

مساكم الله بالخير

ياعالم ياناس انا كنت بااركب كفرات برجستون 16 على الاكورد سبيشل 2007
لكن طلع قيمة الكفر الواحد 520 ريال تقريبا يعني تطلع على 2000 ريال حرام يعني
لكن ركبت تويو ياباني والله -ماشاء الله تبارك الله ممتازه والسياره تحسنت عن اول بكثير

هل شرط اذا بتغيرة الى 16 لازم تركب جنوط؟
وبكم طلع سعر كفرات تويو