شيك على المراوح
ونظف الشبك الي ورا المروحه بهواء مضغوط
السلام عليكم
ياجماعه الخير انا سيارتي من فتره جننتني الحراره ترتفع
المهم ماخليت محل رديترات في جده الا ورحت له بس مافي فائده
طلع الرديتر مافيه شي طلعت المشكله من راس المكينه
يبغى له مسح وفرز المهم سويته وغيرت وجه الراس وضبطت السياره
بعدها ضبطت مافيها ولاشي وماتسخن مره
اليوم طلعت فيها مكه وانا في رايح الجو كان مغبر وحار شوي على العصر
الحراره ارتفعت الين قريب الخط الاحمر مره فوووق
لما اطفي المكيف الحراره تنزل ولما اشغله تطلع
وفي الرجعه الجو كان حلو مره ماسخنت وش المشكله ؟؟؟
مع العلم انه كنت ماشي بنفس السرعه من 140 الى 180
اتمنى احد يفيدني ..
شيك على المراوح
ونظف الشبك الي ورا المروحه بهواء مضغوط
وديتها عند كهربائي
يقول لي المراوح مضبوطه مافيها شي
وين الخبرآآآء ؟؟؟
وعليكم السلام ورحمة الله وبركاته
اذا المراوح والرديتر ما فيهم شي شيك على غطاء الرديتر لا يكون فيه تنسيم
واذا لك فترة ما غيرت موية الرديتر غيرها بمويه اصلية من كاسترول
.
.
.
اجل راسل المراقب كوكو كورد ترى له خبره بهل الامور
دائما ابدأ بالاسهل
بما ان كل شي تقريبا سليم
تأكد من بلف الحرارة
تقبل مروري
اخوي دامك مسحت الراس كذا خلاص مهمة الراس انتهت
والمراوح ما يحتاج انها تشتغل اذا انت ماشي بالسرعة اللي انت ذكرتها بالنسبة لمسألة تشغيل المكيف وترتفع الحرارة فهي فيها احتمالين
1- الرديتر الخاص بالمكيف فيه مشكلة
2- او بلف الحرارة مسدود وهذه تقدر تعرفها من خلال المقطع اللي انا صورته
فك البلف وحطه في قدر موية وسخنه الى درجة الغليان وشوفه هل يفتح ولا لا
وبرده عند المكيف وشوفه هل يقفل ولا لا
[ame]http://www.youtube.com/watch?v=4Axmv2gEdic[/ame]
بالنسبه لرد الاخ B Unique
انا مغير غطآء الدريتر جديد واصليواستخدم المويه الخضرا الاصليه
والاخ بلال العلمي
انا كنت متوقع انه من رديتر المكيفلاني قبل فتره سويت حادث من واجهه السياره صدمه خفيفه
ورديتر المكيف لاصق تماماً في الرديتر العادي ومطعوووج على الداخل
بس هل يسخن السياره اذا كان الجو حار بعدين لاحظ اذا طفيت المكيف السياره تبرد
وبالنسبه لبلف الحراره انا لاغيه من زمان
اخوي على العموم هي حرية ترجع لك بالنسبة للبلف بس اذا شلته تصير لك نفس المشكلة السابقة وتخرب لك الراس مرة ثانية خلال اقل من ستة شهور الى سنة بالكثير ويرجع الراس يخرب مرة ثانية
بالنسبة للرديتر الامامي حق المكيف غيره لانه اذا مسدود يسبب حرارة ومنع لدخول الهواء طبعا اذا مطعوج لكن اذا فيه خلل داخله في نقلة الفريون راح يسوي حرارة في الرديتر حق المكيف نفسه ويدخل هوا حاااااار للمكينة بس جرب النقطة هذه
بالنسبة لراس المحرك تقدر تعرف بطريقة راح اذكرها لك اشلون تعرف ان راح المكينة خرب مرة ثانية ولا لا
خلاص انا بركب بلف حراره مره ثانيه
بس واحد ميكانيكي يقول لي البلف ماينفع الا في الجو البارد عشان يحافظ على درجه الحراره
بس في الجو الحار مره ماينفع ويسبب ارتفاع الحراره في المكينه
بس اول شي ابي اتأكد من راس المكينه كيف اعرف انه مافيه شي ؟؟؟
اتمنى تفيدني
ركب بلف حرارة جديد
وأنتبه تشيله مهما نصحك أي واحد
والسبب بلف الحراره وظيفته المحافظة على درجة حرارة معينه للمحرك للأحتراق الكامل والعمل بالشكل المطلوب على أكمل وجه وعند أرتفاع درجة الحرارة يفتح البلف للسماح بجريان الماء وتبريد المحرك واذا وصلت الحرارة أو كانت تحت درجة منخفضه فيقفل البلف وهكذا
ولم يوضع عبثآ في المحرك
والميكانيكي اللي قالك ماينفع ماعنده سالفة
ترى يمكن يكون عندك البلف قافل ومايفتح وعلشان كذا ترتفع الحرارة عندك
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
اضافة مهمة للفائدة
تزداد حرارة المحرك عن المعدل المصمم عليه نتيجة وجد عطل في دائرة التبريد, (كتسرب المياه, تلف الثرموستات بحيث يظل مغلق, عدم عمل مروحة التبريد, وجود عائق على سطح الرادياتير, ....), تحميل زائد للسيارة (تحميل الفرامل, زيادة الوزن, صعود طريق جبلي, تلف رمان بلي العجل, عدم ضبط نفخ العجل,....), عدم ضبط المحرك (تأخير الشرارة, خليط وقود ضعيف,......).
مهم :: >>> كما أن التبريد الزائد له مضاره أيضا, عدم تركيب الصمام الحراري (الثرموستات), السير مسافات قليلة ثم التوقف (مشاوير قليلة المدى), حجم كبير للردياتير بالنسبة لحرارة الجو... يؤدي ذلك إلى مشاكل تكثف بخار الماء والوقود على جدار الاسطوانة والمكبس مما يعمل على غسيل الزيت من على الأسطح, ويعمل تكثف البخار على تكون حامض الكبرتيك (نواتج الاحتراق) و المسببين الرأسين لتأكل سطح الاسطوانة, والشنابر, والصمامات. كما يؤدي إلى تدهور حالة الزيت بوعاء الزيت. ويؤدي أيضا إلى تقليل لزوجة زيت مما يزيد من الاحتكاك مما يقلل من الكفاءة الميكانيكية ويزيد من معدل استهلاك الوقود.
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
طبعا راح اقول لكم طريقة فحص راس المكينة ومعرفة ما اذا كان خربان او لا
شباب كانت فيه سيفيك حقت اخوي كانت ترتفع حرارتها وسوينا كل شي لاجل تروح حرارتها ووديتها وكالتها وقالوا ما ندري ايش فيها
بعدها وديتها ورشة وقلت له افتح راس المكينة وسوي لي خراطة في احسن مخرطة وما يهم كم ياخذون
وبعدها شريت وجيه راس وركبته وسويتها عند ورشة الجنوب وما سويتها انا لاني ما ابي اتعب
المهم تمت الخراطة وتم التركيب ومن طلعت السيارة وفيها حرارة بعد
وقبل ما يركبون الراس قلت لهم هاتوا الراس واشوف ان الراس كامل الاستقامة
المهم مرت سنة وهي حرارتها عالية وماشاء الله لا شنبرت ولا انفجر راس المكينة
بس لاحظت شي
هو انه لما تشتغل شوي بس تلقى فيه ضغط في لي الموية حتى بدون ما يكون فيه حرارة
بمجرد ما افك غطا الرديتر تسمع صوت الهواء يخرج بقوة
فكرت وبحثت ولقيت ان راس المكينة اذا خرب يعني انعوج من تحت يقوم يدخل هواء ويضغطه وايضا يهرب موية ويبخره
فعلشان تتاكد اذا كان راس المحرك خربان ولا لا
سوي الخطوات التالية
1- خلي السيارة تشتغل مدة دقيقتين فقط
2-افتح غطاء الرديتر
3-ادخل اصبعك في فتحة غطاء الرديتر بحيث لا يدخل هواء ولا يخرج هواء يعني ادخل واضغط زين
4-ادعس بنزين بشكل كثير واترك وادعس واترك وكرر العملية 5 او 6 مرات
5- يجب عند الدعس ان تتعدى دورات المحرك 4 ار بي ام
6-بعده اترك البنزين تماما وخلي المكينة شغالة على وضعها العادي
7- ابعد يدك عن فتحة الرديتر
8- اذا فارت الموية للخارج بقوة فهذا معناه ان راس المحرك خربان تماما ويدخل هواء للمكينة
9- اذا ما فارت الموية للخارج هذا يعني ان العطل اما طرمبة او رديتر او اذا كان السلندر غير ثابت ويزيد الاحتكاك بجدران المكبس ويسبب حرارة
ملاحظة
تلف وجيه الراس ممكن يدخل هواء بس فيه دواء يرقع وجيه الراس قيمته 30 ريال وبعده سوي الخطوات اللي فوق وبالله التوفيق
الطريقة مجربة على السيفيك والكورولا والاكورد والكامري
طريقة ناجحة بدون ما تفك راس المحرك وبدون نصب ورش
مواقع النشر (المفضلة)