القزازه الاماميه في خطر..

**Honda*2008** · 18-08-2009, 11:26 PM

السلام عليكم ورحمة الله وبركاته
كيفكم

شباب انا الي 3 ايام وضايق صدري بسبب القزازه الاماميه
القزازه الاماميه الي قدامي متشعره من النص
متشعره لين حد المسجل تقريباً او اقل
وش الحل
؟؟
لها ثلاثة ايام ؟؟؟

:o

**max_max** · 19-08-2009, 12:09 AM

غيرها اخوي وريح نفسك

او انك ودها دكتور القزاز خله يلحمها لك

**فيوزات رحيمه** · 19-08-2009, 12:31 AM

حدد موقعك الله لا يهينك عشان نشوف لك محلات يصلحونها بالليزر

تحيااتي لك ..

**ابوعلي2007** · 19-08-2009, 01:34 AM

هلا اخوي
اول شئ تسويه ضع تيب على مكان الشطب وحاول مايدخله غبار ولا ماء علشان لو لحمته بعدين ترجع زي اول بدون اثار
بعدين رح محل دكتور زجاج على طريق خريص قبل جيان شغلهم ممتاز مع ضمان سنه

**Honda*2008** · 19-08-2009, 02:57 AM

انا من الرياض
طيب كم تكلفني
؟؟؟

**الهنادي راس مــالــي** · 19-08-2009, 12:36 PM

قزازة الأكورد ٢٠٠٨ و ٢٠٠٩ الأمامية الفل كامل في الوكالة بـ ٢٠٠٠ ريال وزود <<< الله يديم الرخص

،،تركبها عند قزاز السالم بـ ٢٠٠ او ١٥٠ ريال مع الضمان سنة للتركيب ،،،

وفي قزاز السالم قزاز صيني درجة اولى اقسم لك بالله مافيها اي فرق اللهم الوكاله فيها علامة هوندا والصينيه لا ،،، وسعرها مع التركيب مع الضمان سنة على التنسيم على دخول الماء على الكسور الخفيفه بـ ٤٠٠ ريال >>

،، انا يامحدثك مركب الصينيه من عند قزاز السالم ٤٠٠ ريال ولله الحمد مافييييييه اي فرق ولا اي اختلاف ،،،

قزاز السالم بالصناعية القديمة ...

**assassin_vip** · 19-08-2009, 01:44 PM

يا شباب والله العظيم في واحد في هوندا اعرفه قلي بلحرف الواحد ( هل تتوقع انه القزاز الي تركبه هوندا في السعوديه يجي من برا كله وما يتكسر في الميناء ؟؟
لخبطني سؤاله قلتله مدري بس اكيد من برا قلي طيب وليش الغلبه هذي مو احسن اذا صنعه هنا قلتله والعلامة قلي يحطها هنا قلتله يعني ؟؟ قلي روح ركب من عند بابلغوم لأنه نفسه وماله داعي تدفع الفرق هذا كله عشان علامة هوندا وهوه نفسه ... بس لا تنسى تغير الجلد الي حولين القزاز ...

على فكرة خوي يقصد بكلامه القزاز الي يتباع هنا في هوندا مو الي يجي على السيارة من بلدها ...

**Honda*2008** · 19-08-2009, 05:50 PM

شباب الحمدلله
لحمت القزاز في محل في المعارض -الشفا
ولحمتها بـ100ريال
يسمونه باليزر
وضمان 6 اشهر على القزاز وسنتيت على النجمه << مدري وش قصده النجمة
ويمكن انزل موضوع على القزاز

**Honda*2008** · 25-08-2009, 07:29 AM

شباب وديت سيارتي عند ابو يمن ولا راحت

**راعي الكامري saad** · 25-08-2009, 07:45 AM

مبروك الله يعطيك خيرها ويكفيك شرها بس انا منبلف وش الي ما راحت الي من ابو يمن

**Honda*2008** · 25-08-2009, 08:09 AM

يعني رحت عند ابو يمن يصلحها وباقي اثرها يقول اهي كذا

**راعي الكامري saad** · 25-08-2009, 09:14 AM

اهاه فهمت طيب غيرها كامله وريح عمرك

**memories** · 25-08-2009, 01:47 PM

حتى انا سارتلي نفس المشكله

ووديتها عند واحد باكستاني

اول حاجه عملها انه ضغط القزاز بيده عشان يوسع الشعر ويوصله لآخره

بعدين راح حط عليها قطره من ماده تلحم القزاز

بعدين حط عليها الورق وحط اللمبه

وبس

واخد عليها 100 ريال اذا مني غلطان

صحيح القزاز اتلحم بس الاثر مازال موجود

مع اني كنت مضلل السياره من برا وقتها

يعني مافي لاغبار ولا مويه دخلت في الشعر

كان ممكن اغير القزاز واشتري دماغي

بس المشكله انه لو غيرته ماراح يكون زي حق بلده ابدا من ناحية عزل الصوت والهواء

عشان كدا اضطريت اقبل بالاثر الموجود على اني اغير القزاز

شكرا

**Honda*2008** · 25-08-2009, 07:46 PM

memories

عضو فعال
مشكور اخووي
انا نفس مشكلتكـ
كنت مضلل

بس ترى سبب الشعر المشرط حق التضليل

**memories** · 25-08-2009, 09:08 PM

^^^^^^^^
معقول السبب من المشرط!!!

انا وقتها تركت السياره عند اليماني حق التظليل

ولما رجعت لقت الشعر في القزاز وسألته قال مايدري بس ماحبيت أظلمه

ما اتوقعت انه منه لأني سمعت قبلها بيوم صوت طقه في القزاز

حسبي الله عليه لو كانت منه

شكرا

**4951TXA** · 25-08-2009, 10:20 PM

هلا اخوي
اهم شي حول تصلح القزازة لو تدفع اكثر من
قيمة القزاز الي في الصناعية لان قزازة الوكالة
ما تتعوض
تقبل مروري

**ابو اديب** · 04-09-2009, 03:09 AM

نصيحتي للجميع من واقع تجربه

عند ايقاف السياره وخاصه في الحرارة اجعل تهويه بسيطه لنوافذ الابواب

((يعني لاتسكر جميع النوافذ للآخر , وخاصه الامامية))

**memories** · 04-09-2009, 05:13 AM

المشكله الأجواء الأوروبيه اللي عندنا ماتسمحلنا ننسم القزاز

لأنه الجو متقلب عندنا

فجأه تلاقي الامطار تنزل بغزاره وتلاقي السياره اتعبت تراب من جوه!!!!

شكرا

**Honda*2008** · 04-09-2009, 08:13 PM

المشاركة الأصلية كتبت بواسطة ابو اديب

نصيحتي للجميع من واقع تجربه

عند ايقاف السياره وخاصه في الحرارة اجعل تهويه بسيطه لنوافذ الابواب

((يعني لاتسكر جميع النوافذ للآخر , وخاصه الامامية))

صدقت وقالها لي ابو يمن

**Honda*2008** · 04-09-2009, 08:15 PM

المشاركة الأصلية كتبت بواسطة memories

^^^^^^^^

معقول السبب من المشرط!!!

انا وقتها تركت السياره عند اليماني حق التظليل

ولما رجعت لقت الشعر في القزاز وسألته قال مايدري بس ماحبيت أظلمه

ما اتوقعت انه منه لأني سمعت قبلها بيوم صوت طقه في القزاز

حسبي الله عليه لو كانت منه

شكرا

اذا كان الشعر في الوسط القزازه انا اضمنها لك انها من المشرط

**weedoo** · 07-09-2009, 12:47 PM

حتى انا سارتلي نفس المشكله عندى القزازه الأماميه مشعره
من وين حليت المشكله و فين المحل بالرياض بالظبط؟؟؟؟

**بلال العلمي** · 07-09-2009, 12:54 PM

شباب القزازة حقت االاكورد فيه ميزة راح تستغني عنها في حال جبت صيني

وهو ان القزاز فيه نسبة عزل بسيطة ما بين 15% الى 20% وداخل في تصنيعه الياف معدنية شفافة لاجل العزل البسيط ولو تلاحظ انها ملونة شوي باللون الاخضر او الغامق

نسبة العزل فيه بعد عالية اكثر من الصينية ولا اقارنها بالمرسيدس

فكر

روح التشليح واسأل عن اكورد مصدومة من ورى وشوف قزازها سليم ولا لا