استشارة يا اهل الخبرة بحصوص الجناح للاكورد 07

**Accord-4601** · 29-08-2009, 02:04 AM

السلام عليكم ورحمة الله وبركاته

شلونكم شباب هذا المنتدى الرائع ومبارك عليكم الشهر

انا عضو يديد عنكم بالمنتدى وأرجوا اني اكون عضو خفيف عليكم

انا عندي مشكلة بخصوص الجناح وهي اني ركبت الجناح الي فيه مكان للكامرة

وبيني وبينكم ساعات اقول ماني متقبل شكلها بالجناح وساعات اقول بأغير الجناح

وأبحط مال الوكالة الاصلي ولكن تواجهني مشكلة ان الجناح الحالي مثبت يعني

الشنطة عندي خارمينها فما القى حل للمشكلة هاذي مع العلم اني ناوي اغير الجناح

فلاتحرمونا من زيارتكم وكذلك مقترحاتكم بخصوص المشكلة

شكرا لكم

دمتم في رعاية الله وحفظة

**المباشر** · 29-08-2009, 04:45 AM

وعليكم السلام ورحمة الله وبركاتة

يامرحبا بك ومنورنا يالغالي

بخصوص التخريم هو في الجناح الأصلي له طريقتين بالتركيب تخريم ولصق بلزاق 3m

اذا الأصلي نفس الفتحات ومطابق فركبه عليهم واذا لا مالك حل الا سمكره الشنطة وسد الفتحات أو شنطة مصبوغه ونظيفه من التشليح

الله يعينك واذا ممكن صورة للجناح السابق

**Accord-4601** · 29-08-2009, 04:53 AM

مشكور مشرفنا اخوي المباشر وان شاء الله بأسرع وقت بحط صور للجناح

شكرا لك مرة اخرى على زيارتك

دمتم في رعاية الله وحفظة

الموضوع: استشارة يا اهل الخبرة بحصوص الجناح للاكورد 07

أدوات الموضوع

عرض