الــ 95 " أكثر كفاءة في الإحتراق من 91 "
الــ 91 " أقل كفاءة في الإحتراق من 95"
يعني الــ 95 أكثر جودة من 91 " في الإحتراق "
طيب ليه 95 أكفأ " احتراقاً " ؟
وليه 91 أقل من 95 في الكفاءة ؟
السر في مادة كيماوية سمعتها سيئة جداً إسمها " هيبتان "
خليك معاية واعرف قصة الهيبتان إيش هيا .
شوف ياطويل العمر .. البترول لما يصفونه فيه مادة غير مرغوب فيها إسمها هيبتان .. كلما قلت في الوقود كلما كان أفضل ..
فكاونوا لما يصفون البترول يطلع لهم خليط وقود به نسبة هيبتان " الغير مرغوبة " بمقدار 5 % فصار عندنا مزيج 95 + 5 هيبتان يصير الخليط 100 %
ويطلع لهم خليط وقود ثاني فيه نسبة الهيبتان بمقدار 9 % . ويطلع عندنا مزيج 91 + 9 هيبتان يصير الخليط 100 %
اقدر اشبه لك الأمر بزيت الزيتون .. فيه عصرة أولى .. وفيه عصرة ثانية .. وكل حاجة ولها ثمنها .
العصرة الأولى انقى وأصفى من العصرة الثانية .. والطعم يفرق . . والسعر كمان يفرق .
طيب إيش عيب " الهيبتان " المادة غير المرغوبة هذي وإيش سرها ؟
عيبها أن البنزين لما يدخل لغرفة الإحتراق كلما زادت نسبة الهيبتان في مزيج "البنزين " يقوم ينفجر قبل ما يكون المكبس مستعد . " السلندر" . ويسمون هذا الشي ( القرقعة ) . ومع مرور الوقت واستمرار القرقعة ينخزق البستم .
علشان كذا صنعوا مكائن تقدر تتحمل ثقالة وغلاضة دم المزيج 91 .
مع إن 95 أكثر كفاءة . والقرقعة فيه أقل .
لكن إيش يعملوا بــ 91 يطشونه " يرمونه " لا صلحوا له مكن يتحمله .. وكل شي بحسابه .
فإنت لما تعبي من 95 ماعندك مشكلة لأنه عصرة اولى .. " وتقبله كل السيارات ".
لكن علشان تعبي 91 لازم تكون مكينة سيارتك تقبله
لذلك تجد كل السيارات ماعندها مشكلة من 95 لأن السيئة السمعة " الهيبتان " أقل يعني قرقعة أقل يعني عمر اطول للسلندر المسكين الذي انخزق فوق مثل ما انت شايف .
كل السيارات تقبل 95 لكن مو كل السيارات تقبل 91 ليش ؟ لأن 95 أكثر كفاءة وأقل ( قرقعة ) من 91 .
السبب سيئة السمعة " الهيبتان "
للمزيد حول الموضوع راجع ..
http://en.wikipedia.org/wiki/Octane_rating
http://www.assayyarat.com/forums/sho...&postid=207362
طبعا منقوول للفأئدة ....
مواقع النشر (المفضلة)