السلام عليكم ورحمة الله وبركاته
اليوم عندي لكم طريقة لتغيير زيت الكلتش وانا مجربها شخصيا (الصور والموضوع بالكامل من تجربتي)
المهم في البدايه فيه نقاط مهمه :
1) لا تخلي الغطاء مفتوح لفتره طويله اذا خلصت سكره :d .
2) لا تضغط (تدوس) الكلتش الا بعد ان يرجع كل شيئ مثل ما كان :d
تحذير : اذا ضغطت الكلتش ومافيه الزيت أو الغطاء مفتوح (راح تسبب لك مشكله بالكلتش)
3) زيت أصلي عالي الجوده امريكي DOT3 (امريكي)
4) ومناديل كلنيكس (علبه وحده ,,, كرتون واحد صغير)
5) كيس قمامه ,,, وانتم بكرامه
6) محقان صغير اذا الزيت عندكم مثل اللي معي مالينه فل زيت فرامل وصعب تصب من العلبه (زيت اسي ديلكو)
7) انتبه لا يجي البدي زيت فرامل (زيت الفرامل يعدم البدي)
8) افرش مناديل حول علبة زيت الكلتش وخلك كريم لا تبخل بالمناديل كثّر من المناديل
9) قرب كيس القمامه من علبة زيت الكلتش (صغيره مثل اللي في قمامة داخل المنزل وانتم بكرامه)
10) بعد ماتسحب الزيت بالمناديل وتنظف العلبه زين بالمناديل تعبي الزيت الجديد الأصلي قبل ال MAX بشوي
11) طبعا كل ما تشيل الزيت بالمناديل تحطها على طول بالكيس
12) طبعا كل الشغل والسياره طافيه
13) بعد ما تعبي زيت وتسكر الغطاء جرب السياره ان شاء الله للأفضلطبعا يبيله فتره عشان تحس بالفرق
14) إناره (اضاءة) جيده
الطريقه : بالخطوات والتفصيل :d
سم بالله لا تنسى :d
1) تفرش مناديل حول علبة زيت الكلتش وخلك كريم مثل ما قلت
2) جهز كيس القمامه الصغيره وخله معك وقريب مره للعلبه بحيث على طول المناديل من العلبه للكيس (القمامه)
تأكد ان كيس القمامه غير منشقه ( تسبب تهريب)
3) فك غطاء علبة زيت الكلتش وحطه (ضعه) في مكان آمن :d ونظيف
4) خذ مناديل (كلينكس) واغمسها بالعلبه شوي شوي بشويش وخلها شوي ثم اسحب المناديل على طول للكيس (القمامه) لا يجي البدي شيئ ,,, وكرر الخطوه هاذي الى أن يقضي(يخلص) الزيت ,,, واذا قضى (خلص) الزيت نظف العلبه بمناديل بس .
5) عب زيت الفرامل الى قبل الماكس بشوي (طبعا زيت أصلي وامريكي يفضل مثل اسي ديلكو DOT3)
6) سكر الغطاء بعد ما تعبي ,,, ورجع كل شيئ مثل ما كان
انتهى الشغل ,,,,, الآن تجريب السياره
7) شغل السياره واضغط الكلتش كم مره وسم بالله وجرب السياره
بامكانك تكرارها بمثل الخطوات خاصة اذا (تغير لون الزيت)
أنا كان الزيت عندي أسود ووسخه العلبهالمهم نظفته وغيرت الزيت وحطيت زيت أصلي امريكي اسي ديلكو DOT3 والحين
للمعلوميه كتبت الموضوع وتعبت عليه ( وأنا صائم والصبح جلست أكتبه الحين الساعه 9 صباحا تقريبا :d)
فياليت دعواتكم الطيبه لا تحرموني منها
وادعولي ان الله يرزقن أكورد 2010 فل كامل ;)
وكل دعاء طيب
وان شاء الله استفدتم
للمعلوميه الموضوع : تجربه شخصيه بالكامل مو منقول أو الخ...
الرجاء عند النقل ذكر المصدرنادي محبي هوندا وأكورد فضي
رد مع اقتباس
مواقع النشر (المفضلة)